KAWE NỤE PENTING: Sěmbaụ alatẹ̌ botonge piạ gunane dingangu piạ bahayane. Kerene lai media sosial. Piạ tau Sahani němutusẹ̌ gunang tawe měpakẹ media sosial. Sěnggạe wue něpakẹ ene tadeạu botonge mẹ̌gaghělị habarẹ̌ dingangu keluarga lai hapị. Katewe, Iblis mapulu i kitẹ tawe matahuěna su tempong měpakẹ media sosial, tadeạu areng dingangu pẹ̌dal᷊ahapị i kitẹ dingangi Yehuwa marusa. Kere i Yesus, i kitẹ botonge měpakẹ manga prinsip bọu Hengetang u Mawu gunang makakiral᷊a bahayane kụ mẹ̌těngkarau bọu ene.​—Luk 4:4, 8, 12.

BAHAYA TIHỌKANG I KITẸ:

• Makasue lawọ tempo. Mạeng i kitẹ něpakẹ lawọ tempo gunang jejaring sosial dingangu media sosial, i kitẹ sarung kasuengu tempo gunang Yehuwa.

  Prinsip Alkitapẹ̌: Ef 5:15, 16; Flp 1:10

• Měmanda barang makawahaya. Mạeng i kitẹ masau měmanda gambarẹ̌ makakoạ si kitẹ terangsang, i kitẹ sarung makoạ kecanduan pornografi arau měkoạ barang amoral. Bọu ene lai, mạeng mẹ̌basa bahan arau blog bọu taumata murtad, pangangimang i kitẹ sarung mělome.

  Prinsip Alkitapẹ̌: Mat 5:28; Flp 4:8

• Mẹ̌taho foto arau komentar tawe nẹ̌tatahino. Ual᷊ingu naung i kitẹ maakal᷊ẹ̌, i kitẹ tantu mapulu měmohẹ komentarẹ̌ arau mẹ̌taho foto tawe nẹ̌tatahino su jejaring sosial. Katewe, ene sarung makarusa areng dingangu makal᷊ome pangangimang i kitẹ.

  Prinsip Alkitapẹ̌: Rm 14:13; Ef 4:29

PUTARẸ̌ VIDEO GUNAKAN JEJARING SOSIAL DENGAN BIJAK, BỌU ENE BISARAI CARANE MẸ̌TIHỌ BỌU MANGA BAHAYA INI: