I Yesus něgělị contoh gunang tol᷊eěng i kitẹ, něngělembo su tempong piạ sasal᷊ukạ arau i kitẹ dẹ̌darihang. (1Ptr 2:21-23) Maning lẹ̌hinakaneng dingangu dẹ̌darihang, i Yesus tawe němal᷊isẹ̌. (Mrk 15:29-32, NW) Kawe nụe i sie botonge nẹ̌tatahang? Ual᷊ingu i sie mapulu měkoạ kapulung Yehuwa. (Yoh 6:38) I sie lai mětẹ̌tahěndung ’karal᷊uasẹ̌ kụ sarung kapěndangenge’.​—Ibr 12:2.

Apa koateng i kitẹ mạeng piạ u měndal᷊akị si kitẹ ual᷊ingu i kitẹ kai Sahiding Yehuwa? Tau Sahani tutune tawe měmal᷊isẹ̌ barang dal᷊aị ”dingangu ral᷊aị”. (Rm 12:14, 17) Mạeng i kitẹ mẹ̌těno si Kristus tatapẹ̌ mẹ̌tatahang su tempong sigěsạ, i kitẹ sarung makapěndang karal᷊uasẹ̌ ual᷊ingu seng nakal᷊uasẹ̌ naungu Mawu.​—Mat 5:10-12; 1Ptr 4:12-14.

PẸ̌BIALA VIDEO NAMA YEHUWA YANG PALING PENTING, BỌU ENE SIMBAHE MANGA KAKIWAL᷊O INI:

• Kerea Saudari Pötzinger * něpakẹ pakapia tempone su tempong i sie nikurung sẹ̌sane?

• Sigěsạ apa tẹ̌tatěngong Saudara dingangi Saudari Pötzinger su piram baụ kamp konsentrasi?

• Apa nakatul᷊ung si sire nẹ̌tatahang?