KAWE NỤE PENTING: Pěngangěndungang hala makatul᷊ung si kitẹ ”kahěngang-hěngang makaěna běnahe, nandụe, dangẹe, dingangu karal᷊unge” katěngadu Hengetangu Mawu. (Ef 3:18) Ene lai makatul᷊ung si kitẹ tawe makotorẹ̌ su dunia dal᷊akị ini dingangu turusẹ̌ ”měněngal᷊ẹ̌ matoghasẹ̌ hengetangu pěbawiahẹ̌”. (Flp 2:15, 16) Su tempong měngěndung hala, i kitẹ botonge měmile hala bahan ěndungang kụ pẹ̌tatahino dingangu kebutuhan i kitẹ. Hakị u ene, kerea i kitẹ botonge makaěbạ lawọ gunane su tempong mẹ̌basa dingangu měngěndung Alkitapẹ̌?

KEREA CARANE:

• Tialai ayatẹ̌ kụ pěkoạ catatan su Alkitapẹ̌ pẹ̌paketangu gunang měngěndung, tawẹ soale i kau měpẹ̌pakẹ Alkitapẹ̌ tercetak arau elektronik

• Pẹ̌tiněna kakiwal᷊o ini su tempong mẹ̌basa Hengetangu Mawu: ’I sai? Apa? Kange? Su apa? Kawe nụe? Kerea?’

• Deạ informasi piạ sěmpụe dingangu apa niwasa. Pakẹ alat bantu riset seng nisadia, kụ deạ tuhụ topik arau ayatẹ̌ Alkitapẹ̌

• Pẹ̌tiněna apa niwasanu tadeạu makasingkạ gunane informasi ene si kau

• Koạ apa seng niěndungangu su pěbawiahẹ̌ ěllo-ěllo.​—Luk 6:47, 48

PẸ̌BIALA VIDEO TERUS ”MEMEGANG ERAT”—DENGAN PELAJARAN PRIBADI YANG EFEKTIF, BỌU ENE SIMBAHE MANGA KAKIWAL᷊O INI:

• Tumuhụ pirang katau anạu sěmbaụ, apa gunane pěngangěndungang Alkitapẹ̌ hala?

• Kawe nụe i kitẹ harusẹ̌ mẹ̌doa kal᷊imona bọu ene měngěndung?

• Apa makatul᷊ung si kitẹ limembong makaěna bageang wal᷊inẹ bọu ayatẹ̌?

• Tatiala kerea botonge paketangu su Alkitapẹ̌?

• Kawe nụe mẹ̌tiněna ene penting su tempong měngěndung Hengetangu Mawu?

• Su tempong nakaěbạ gunane bọu pěngangěndungang Alkitapẹ̌, apa harusẹ̌ koateng i kitẹ?