25:1-12

Maning papinintu i Yesus soal u mapul᷊ong katau mal᷊ahuala nilahẹ gunang i sire apang nilanisẹ̌, kěbị tau Sahani botonge makaěndung bọu papinintu ene. (w15-IN 15/3 12-16) ”Ual᷊ingu ene pakaral᷊ukadẹ̌ [arau pakarariagạ] bue, batụ u i kamene bẹ̌gaweng ěllone lai orase.” (Mat 25:13) Apa i kau botonge mělahẹ papinintu i Yesus?

• Kaghiang esẹ (ay. 1)—Yesus

• Mal᷊ahuala matatahuěna dingangu sadia (ay. 2)—Tau Sahani apang nilanisẹ̌ kụ seng sadia měkoạ hal᷊ẹ̌ i sire dingangu kasasatia. I sire lai siměnang kere tualagẹ̌ sarang pěngěnsuenge (Flp 2:15)

• Kakui: ”Kaghiang esẹ e narěnta!” (ay. 6)—Tatiala i Yesus seng ene

• Mal᷊ahuala longong (ay. 8)—Tau Sahani apang tawe mědẹ̌dariagạ dingangu tawe satia

• Mal᷊ahuala matatahuěna tawe němahiạ lanang i sire (ay. 9)—Bọu pemeteraian pěngěnsuenge, tau Sahani apang nilanisẹ̌ kụ masatia seng tawe makatul᷊ung si sire apang tawe satia

• Kaghiang esẹ narěnta (ay. 10)—Yesus nasongo maraning pěngěnsuengu kasasusah masaria gunang makoạ hakim

• Mal᷊ahuala matatahuěna nahunsuẹ̌ su sal᷊iwang dingangkeweng kaghiang esẹ, kụ tukadẹ̌ nikungsị (ay. 10)—Yesus něngomol᷊ẹ̌ tau Sahani apang nilanisẹ̌ kụ masatia sarang sorga, katewe apang tawe satia nikailangengu hadiang i sire