KAWE NỤE PENTING: Bukẹ̌ 1 Korintus kai sěmbaụ bọu 14 suratẹ̌ niwohẹ i Paulus gunang měnoghasẹ̌ tau Sahani. Untunge měpakẹ suratẹ̌ ute i kitẹ botonge měmile bawerane pakapia, kụ i sire apang něnarimạ surati kitẹ botonge saụ mẹ̌basa ene pirang sul᷊ẹ. Měmohẹ suratẹ̌ kai sěmbaụ cara mapaelẹ̌ gunang měgělị kesaksian su keluarga dingangu su manga hapị. Suratẹ̌ lai mapaelẹ̌ paketang gunang měgělị kesaksian si sire apang tawe kapẹ̌sombangeng i kitẹ. Contone, aramanung piạ taumata mapulu měngěndung katewe i sie tawe masau ene su wal᷊e. Su tampạ i kitẹ aramanung piạ u mětẹ̌tanạ su apartemen, kụ tawe gampang kasuẹ̌kang, arau tampạe marau. Apa harusẹ̌ tahěndungang i kitẹ su tempong měmohẹ suratẹ̌ gunang taumata apang tawe nikěnalẹ̌?

KEREA CARANE:

• Bohẹe apa sarung ul᷊ịkangu mạeng i kau mẹ̌sombang langsung dingange. Kahumotongange, paul᷊ị i sai i kau, kụ lahẹko apa timonang suratu. Bọu ene, pěgělị kakiwal᷊o makakoạ si sie mẹ̌tiněna kụ ahạ sarang situs web i kitẹ. Lahẹko lai soal u měngěndung Alkitapẹ̌ online, měngěndung Alkitapẹ̌ su wal᷊ene, arau kutip sěmbaụ tatěmbọu pasalẹ̌ bọu bawasang pẹ̌paketang gunang měngěndung Alkitapẹ̌. I kau lai botonge mẹ̌taho piram baụ bawasang su ral᷊ungu suratẹ̌, kere kartu kontak, risalah, arau undangan

• Abe manandụ. Suratu harusẹ̌ manibụ tadeạu tau něnarimạ ene tawe mal᷊owe mẹ̌basa.​—Pěmanda contoh suratẹ̌

• Saụ basa suratu gunang makasingkạ apa piạ bawera nẹ̌sal᷊a arau apa ene gampang kaěnang. Parikěsa lai apa suratẹ̌ ene karingihang mapaelẹ̌. Pěrangkone abe kurang