Tumuhụ hukung Musa, mạeng sěngkatau esẹ mapulu mẹ̌cere i sie harusẹ̌ měnadia sertifikat hukung. Atorang ini nikoạ tadeạu i sie tawe masahawụ měměsụ pẹ̌kakawinge. Katewe su tempong i Yesus su dunia, manga těmbonangu agama nakakoạ mẹ̌cere gampang koateng. Esẹ botonge mẹ̌cere dingangu kawinge ual᷊ingu haghing alasang. (Keterangan tambahan nwtsty gunang Mrk 10:4: ”surat cerai”; keterangan tambahan nwtsty gunang Mrk 10:11: ”menceraikan istrinya”, ”berzina terhadap istrinya”) Yesus něnodẹ i Yehuwa někoạ dingangu mengesahkan pẹ̌kakawing. (Mrk 10:2-12) Su apang bọu nẹ̌kawing, esẹ dingangu wawine ”nakoạ sěmbaụ” kụ naikị sarang karěngụe. Tumuhụ Alkitapẹ̌, kětạeng ’kakanoạ amoral’ botonge makoạ dasarẹ̌ gunang mẹ̌cere.​—Mat 19:9, NW.

Orasẹ̌ ini, kal᷊awokange taumata měmanda pẹ̌kakawing bal᷊inẹ kere cara i Yesus měmanda, katewe kere cara tau Farisi měmanda. Su tempong piạ masalah, i sire masahawụ měmutusẹ̌ gunang mẹ̌cere. Katewe i kitẹ tau Sahani měmanda dianding pẹ̌kakawing ene sěbạe serius, kụ mẹ̌tawakal᷊i tumatěngo masalah měpakẹ prinsip u Alkitapẹ̌. Masueng bialane video Kasih dan Respek Membuat Keluarga Bersatu, simbahe manga kakiwal᷊o ini:

• Kerea i kitẹ botonge tumol᷊e Baweran Salomo 15:1 su pẹ̌kakawing i kitẹ, kụ kawe nụe ini penting?

• Mạeng su pẹ̌kakawing i kitẹ tumol᷊e sasasa su Baweran Salomo 19:11, apa gunane?

• Mạeng piạ masalah su pẹ̌kakawing, sul᷊ungu mẹ̌tiněna, ’Apa kapaelange i kami mẹ̌cere?’ kakiwal᷊o apa botonge tiněnang i kitẹ?

• Kerea sasasa su Matius 7:12 makatul᷊ung si kitẹ makoạ kawing limembong mapia?