PĚBAWIAHẸ̌ SAHANI
Pakatahuěnako su Pelayanan
KAWE NỤE PENTING: Tadeạu Yehuwa makěndagẹ̌ si saing měngẹ̌ngěndung Alkitapẹ̌, i sie harusẹ̌ mẹ̌diandi si Yehuwa gunang měkoạ kapulu-Ne bọu ene sahaniang. (1 Petrus 3:21) Mạeng i sire měbiahẹ̌ tuhụ diandi, ene makariagạ kerohanian i sire. (Mazmurẹ̌ 91:1, 2)[1] Tau Sahani ene kai nẹ̌diandi si Yehuwa, bal᷊inẹ su hal᷊ẹ̌, arau su organisasi. Hakị u ene, i sire apang měngẹ̌ngěndung Alkitapẹ̌ harusẹ̌ limembong kuměndagẹ̌ dingangu měngarěga si Yehuwa.
KEREA MĚKOẠ ENE:
-
Su tempong měngěndung Alkitapẹ̌, bisaraiko dingange apa nikaěndungang bọu i Yehuwa su ral᷊ungu bahan ene. Paul᷊ịko si sie, mẹ̌basa Alkitapẹ̌ dingangu ”sidutu” mědoa si Yehuwa ene kai hal᷊ẹ̌ penting—1 Tesalonika 5:17; Yakobus 4:8
-
Bahansangko i sie tadeạu piạ cita-cita rohani mẹ̌diandi si Yehuwa gunang měkoạ kapulu-Ne bọu ene sahaniang. Tul᷊ungko i sie lai tadeạu mapulu měgělị komentar su perhimpunan, měhabarẹ̌ apa seng niěndungange su lampung arau hapị su pělahal᷊ẹ̌kang. Pẹ̌tahěndung lai, Yehuwa tawe memaksa taumata makoạ ělang’E. Mẹ̌diandi gunang makoạ ělang i Yehuwa ene kai putusang batangeng hala—Pangangonggọ u Toratẹ̌ Kapia 30:19, 20
-
Bahansangko i sie pẹ̌bal᷊ui tadeạu botonge sahaniang dingangu makal᷊uasẹ̌ naung i Yehuwa. (Baweran Salomo 27:11) Ěndịu i sie piạ sipatẹ̌ dal᷊akị tawe gampang bal᷊uiang. Hakị u ene, anạu sěmbaụ harusẹ̌ turusẹ̌ mẹ̌tul᷊ung si sie měmal᷊ui sipatẹ̌ těbe, kụ gantiang dingangu sipatẹ̌ buhu. (Efesus 4:22-24) Todẹko seri artikel ”Alkitab Mengubah Kehidupan” su Menara Pengawal
-
Běkeko apa karal᷊uasẹ̌ nikaěbạ anạu sěmbaụ su tempong měkẹ̌koạ kapulung Yehuwa.
—Yesaya 48:17, 18
