Su tempong němohẹ suratẹ̌ si Titus, Rasul Paulus naul᷊ị kěbị manga esẹ mangudạ, sarang lai i Titus, harusẹ̌ ’makoạ pẹ̌tatěnoěng soal u měkoạ barang mapia’ su haghing hal᷊ẹ̌. (Tit 2:6, 7) I sie lai němohẹ Yesus napakasusi manga ělang i Yehuwa tadeạu i sire ”masěmangatẹ̌ měkoạ barang mapia”. (Tit 2:14) Barang mapia ene kai hal᷊ẹ̌ měhabarẹ̌ dingangu měněntiro Kararatuangu Mawu. Mạeng i kau anạ mangudạ, apa i kau botonge měpakẹ katatoghasu su tempong mangudạ gunang makoạ perintis ekstra arau perintis biasa?​—Amsal 20:29.

Mạeng i kau mapulu makoạ perintis, i kau harusẹ̌ měnětạ měkoạ rencana pakapia dongkeng orasẹ̌ ini. (Luk 14:28-30) Contone, kerea i kau mědeạ doitẹ̌ apidu merintis? Apa koatengu tadeạu jam dinas maghanapẹ̌? Pẹ̌doạe soal u hal᷊ẹ̌ ene dingangu pakitul᷊ung si Yehuwa. (Mz 37:5) Bisarai rěncananu dingangu matimadu lai dingangi sire apang seng marěngụ nakoạ perintis. Bọu ene, koạe rěncananu ene. Yehuwa mang měngal᷊amatẹ̌ kěbị tawakal᷊inu gunang mẹ̌tahamawu si Sie!

PẸ̌BIALẠE VIDEO ANAK MUDA YANG MENGHORMATI YEHUWA, BỌU ENE SIMBAHE MANGA KAKIWAL᷊O INI:

• Sasal᷊ukạ apa tẹ̌tatěngongu mangangudạ apang mapulu makoạ perintis, kụ kerea i sire timatěngo ene?

• Kerea matatimadẹ̌ botonge mẹ̌tul᷊ung manga anạ i sire tadeạu makoạ perintis biasa?

• Kawe nụe piạ jadwal měnginjilẹ̌ ene penting?

• Kerea anggota sidang botonge měnoghasẹ̌ dingangu mẹ̌tul᷊ung perintis?

• Apa al᷊amatẹ̌ nikaěbạ i sire apang nakoạ perintis?