Yakub masingkạ kětạeng Yehuwa Mawu harusẹ̌ sěmbaěngu taumata, maning su tempo ene Yehuwa bědang tawe něgělị hukung mẹ̌sěding taumata měněmbah berhala. (Kel 20:3-5) Hakị u ene, su tempong Yehuwa něngoro si Yakub pẹ̌bal᷊ị sarang Betel, Yakub něngoro su kěbị taumata apang sarung matamai dingange gunang měnděmẹ kěbị běrhalang i sire. Bọu ene, i Yakub něnděmẹ kěbị berhala ene, sarang lai manga anti-anti, kụ aramanung nipakẹ nakoạ jimatẹ̌. (Kej 35:1-4) Yehuwa tantu sěbạe mal᷊uasẹ̌ nakasilo apa nikoạ i Yakub.

Orasẹ̌ ini, kerea i kitẹ botonge měnodẹ i kitẹ kětạeng měnẹ̌němbah si Yehuwa? Sěmbaụ carane ute mẹ̌těngkarau bọu kěbị hal᷊ẹ̌ piạ sěmpụe dingangu měněmbah berhala arau ilmu gaib. Ini mangal᷊ene i kitẹ harusẹ̌ měnděmẹ haghing barang piạ sěmpụe dingangu ilmu gaib. I kitẹ lai harusẹ̌ měmarikěsa hiburan nipileng i kitẹ. Contone, kěnang pẹ̌tiněna, ’Apa iạ puluang mẹ̌basa bukẹ̌ arau mẹ̌biala film soal u vampir, zombi, arau ilmu gaib? Apa hiburan nipileku něnodẹ ilmu gaib, mantra, arau kakutukẹ̌ kai hal᷊ẹ̌ tawe makawahaya?’ I kitẹ harusẹ̌ tatapẹ̌ mẹ̌těngkarau bọu kěbị apa ikẹ̌kawěngsing i Yehuwa.​—Mz 97:10.

PẸ̌BIALA VIDEO ”LAWANLAH IBLIS”, BỌU ENE SIMBAHE MANGA KAKIWAL᷊O INI:

• Masalah apa nikahombangeng sěngkatau měngangěndung Alkitapẹ̌ arenge Palesa?

• Kawe nụe matahuěna mạeng i kitẹ makitul᷊ung su penatua su tempong nakahombang masalah piạ sěmpụe dingangu manga rohkẹ̌ dal᷊akị?

• Mạeng mapulu diagateng i Yehuwa, apa harusẹ̌ děmẹkang i kitẹ?

• Hal᷊ẹ̌ penting apa nikoạ i Palesa?

• Su tampạ pẹ̌tatanakengu, apa wotonge koatengu tadeạu marau bọu pengaruh manga rohkẹ̌ dal᷊akị?