Dongkeng taung 2018, majalah edisi umum kětạeng nělahẹ sěmbaụ topik su sěmbaụ majalah. Kěbị majalah ene kai bageang bọu Alat Bantu Pengajaran. Hakị u ene, i kitẹ botonge měpakẹ ene su tempong měnginjilẹ̌. I kitẹ lai botonge mẹ̌bawa piram baụ majalah ene su tempong mẹ̌daral᷊eng arau mẹ̌bělanja. Maning majalah edisi umum tawe nikoạ gunang měngěndung Alkitapẹ̌ dingangu taumata wal᷊inẹ, majalah ene botonge makakoạ taumata mapulu makasingkạ mal᷊awọ soal u Mawu.

Su tempong měnginjilẹ̌, pẹ̌basa sěmbaụ ayatẹ̌, bọu ene habarẹ̌ko topik bọu sěmbaụ majalah kụ nẹ̌tatahino dingangu tau ene. Contone, mạeng i sie piạ anạe arau tụtatěngo pěndang lụl᷊ahunsusah arau pěndang stres, i kau botonge mẹ̌bera, ”Buhu ini, iạ nẹ̌basa sěmbaụ majalah mapaelẹ̌ nělahẹ hal᷊ẹ̌ ini. Botonge iạ měnodẹ si kau?” Mạeng i kau nakasilo i sie mapulu, i kau botonge měgělị si sie majalah tercetak arau měndoho link majalah ene, maning i rua buhudeng nẹ̌sombang. Měmahiạ majalah memang bal᷊inẹbe timonang i kitẹ kahumotongange, katewe majalah sarung makatul᷊ung si kitẹ makaěbạ taumata apang mapulu měkoạ apa seng niěndungang i sire.​—Kis 13:48.