Apa umuru antara 23-65 su taunge kụ seng su dinas sepenuh waktu? Apa i kau masehatẹ̌ dingangu botonge měnginjilẹ̌ su tampạ membutuhkan penyiar? Mạeng sasimbahu iya, apa i kau nẹ̌tiněna gunang tumol᷊e Sekolah bagi Penginjil Kerajaan? Dongkeng sikol᷊ah ini nikoạ, seng piạ hiwune anạu sěmbaụ apang bọu nẹ̌kawing arau tala, seng timol᷊e sikol᷊ah ini. Katewe, i kitẹ membutuhkan limembong lawọ saudara bědang tawe nẹ̌kawing. Hakị u ene, pẹ̌doa si Yehuwa tadeạu i Sie mẹ̌tul᷊ung si kau piạ kapulu limembong gěguwạ gunang makal᷊uasẹ̌ si Sie dingangu gunang mẹ̌těno Ahus’E. (Mz 40:8; Mat 20:28; Ibr 10:7) Bọu ene, kěnang pẹ̌tiněna apa piạ piram baụ kewajiban harusẹ̌ koatengu, kere soal u keluarga, hal᷊ẹ̌, arau utang. Mạeng iya, apa i kau botonge měkoạ penyesuaian tadeạu memenuhi syarat gunang tumol᷊e sikol᷊ah ini?

Kesempatan apa nikaěbạ i sire apang seng bọu timol᷊e sikol᷊ah ini? Pirang katau nakaěbạ tugasẹ̌ melayani su tampạ měpẹ̌pakẹ bawera wal᷊inẹ arau gunang tumol᷊e kesaksian metropolitan. Sěnggạ lai nakaěbạ tugasẹ̌ gunang makoạ pengawas wilayah pengganti, pengawas wilayah, arau utusan injil. Su tempong mẹ̌tiněna apa wotonge ikakoạu gunang hal᷊ẹ̌ i Yehuwa, karimạko i kau piạ pěndang kere i Nabi Yesaya. I sie nẹ̌bera, ”Iạ ke! Dolohe iạ!”​—Yes 6:8.

PẸ̌BIALẠE VIDEO UTUSAN INJIL DI LAPANGAN—PARA PEKERJA PANEN, BỌU ENE SIMBAHE MANGA KAKIWAL᷊O INI:

• Kerea utusan injil nipile?

• Hal᷊ẹ̌ apa kẹ̌koateng i sire?

• Al᷊amatẹ̌ apa nikaěbạ i sire ual᷊ingu nakoạ utusan injil?