Měněbang taumata bọu sidang ene makariagạ sidang dingangu něgělị disiplin su tau seng někoạ pẹ̌sasal᷊a. (1Kor 5:6, 11) Su tempong piạ u nisěbang bọu sidang, kěbị dal᷊ohong sidang tantu nasusah naung, sarang lai keluarga dingangu panitia pengadilan. Katewe, su tempong i kitẹ tumol᷊e putusang ene, i kitẹ něnodẹ kakěndagẹ̌. Kawe nụe botonge ikawera kerene?

Su tempong timol᷊e putusang ene, kahumotongange i kitẹ něnodẹ i kitẹ makěndagẹ̌ su areng i Yehuwa dingangu atorang’E soal u kasasusi. (1Ptr 1:14-16) I kitẹ lai něnodẹ i kitẹ makěndagẹ̌ su tau seng nisěbang. Maning disiplin těgasẹ̌ makasusah naung, ene sarung makarěntang ”dame dingangu dal᷊eng nihino”. (Ibr 12:5, 6, 11) I kitẹ makasahaghe disiplin i Yehuwa mạeng i kitẹ mědal᷊ahapị dingangu tau seng nipěcatẹ̌ arau tau seng nẹ̌těngkarau bọu sidang. Pẹ̌tahěndung, Yehuwa měgělị disiplin su ělang’E ”sarang batasẹ̌ nẹ̌tatahino”. (Yer 30:11) I kitẹ mělẹ̌harapẹ̌ tau seng nipěcatẹ̌ ene saụ mẹ̌bal᷊ị si Amang matal᷊ěntụ. Kụ su tempo mẹ̌sul᷊ung, i kitẹ lai tumol᷊e putusang i Yehuwa soal u disiplin ene dingangu mẹ̌tawakal᷊i měndiagạ rutin rohaning i kitẹ.​—Yes 1:16-18; 55:7.

PẸ̌BIALA VIDEO TETAPLAH LOYAL DENGAN SEPENUH HATI, BỌU ENE SIMBAHE MANGA KAKIWAL᷊O INI:

• Kerea pěndangu matimadẹ̌ mạeng anạ i sire něněntang si Yehuwa?

• Kerea sidang botonge makatoghasẹ̌ anggota keluarga apang masatia si Yehuwa?

• Běkeng Alkitapẹ̌ sude něnodẹ kasasatia si Yehuwa kai limembong penting sul᷊ungu kasasatia su anggota keluarga?

• Kerea i kitẹ měnodẹ kakěndagi kitẹ si Yehuwa kai limembong gěguwạ sul᷊ungu kakěndagi kitẹ su anggota keluarga?