Apa i kau sěngkatau měngangěndung Alkitapẹ̌ arau anạ mangudạ kụ seng nakoạ penyiar bědang tawe nibaptisẹ̌? Kawe nụe i kau mapulu ibaptisẹ̌? Mẹ̌diandi měgělị watangeng si Yehuwa dingangu ibaptisẹ̌ ene kai tětạu pẹ̌dal᷊ahapị dingangi Yehuwa. (Mz 91:1) Ene lai sarung makakoạ si kitẹ masal᷊amatẹ̌. (1Ptr 3:21) Kerea tadeạu i kau botonge měkoạ kemajuan sarang ibaptisẹ̌?

Koạ watangengu mangimang apa niěndungangu ene kai katěngadẹ̌. Mạeng piạ kakiwal᷊o timimbul᷊ẹ̌, pěkoạ riset gunang makaěbạ sasimbahu manga kakiwal᷊o ene. (Rm 12:2) Pěkoạe pẹ̌bawal᷊ui, kụ su tempong měkoạ ene, alasangu ute gunang makal᷊uasẹ̌ si Yehuwa. (Amsal 27:11; Ef 4:23, 24) Sěntiniạ pẹ̌doa si Yehuwa gunang mẹ̌dorong tul᷊ung. Pangimangke, Yehuwa sarung měnoghasẹ̌ dingangu mẹ̌tul᷊ung si kau lumiung rohkẹ̌ masusi. (1Ptr 5:10, 11) Kěbị tawakal᷊i koatengu ene tawe sia-sia. Mẹ̌tahamawu si Yehuwa ene kai dal᷊eng pěbawiahẹ̌ kapaelange!​—Mz 16:11.

PẸ̌BIALẠE VIDEO LANGKAH MENUJU BAPTISAN, BỌU ENE SIMBAHE MANGA KAKIWAL᷊O INI:

• Sasal᷊ukạ apa nikahombangengu pirang katau těntal᷊ang bědang tawe nibaptisẹ̌?

• Kerea tadeạu i kau piạ pangangimang matoghasẹ̌ kụ makakoạ si kau mapulu ibaptisẹ̌?

• Apa alasang pirang katau mapulu ibaptisẹ̌?

• Al᷊amatẹ̌ apa nitarimạ i sire apang němile mẹ̌tahamawu si Yehuwa?

• Apa mangal᷊ene mẹ̌diandi měgělị watangeng si Yehuwa dingangu ibaptisẹ̌?