Kawe nụe i kitẹ sěbạe mal᷊uasẹ̌ tumol᷊e pertemuan regional? Kere tau Israel su tempong tamai, pertemuan regional nakakoạ si kitẹ botonge měngibadah si Yehuwa dingangu hasụe, sarang lai hiwune anạu sěmbaụ. I kitẹ sěbạe mal᷊uasẹ̌ nakaěbạ lawọ kaěng rohani makatul᷊ung si kitẹ tatapẹ̌ marani dingangi Yehuwa. I kitẹ lai mal᷊uasẹ̌ něpakẹ tempo dingangu hapị lai keluarga. Ual᷊ingu měngẹ̌ngarěga kěbị ene, i kitẹ mapulu duměnta su pertemuan regional.

Su tempong mẹ̌komol᷊ẹ̌ sěngkasio dingangu anạu sěmbaụ, i kitẹ tawe kětạeng mẹ̌tiněna apa wotonge kaěbakeng i kitẹ, katewe lai mẹ̌tiněna kerea i kitẹ botonge měnodẹ kakěndagẹ̌ su taumata wal᷊inẹ. (Gal 6:10; Ibr 10:24, 25) Mạeng i kitẹ mẹ̌tul᷊ung měmuka tukadẹ̌ gunang anạu sěmbaụ arau měnadia kakaianeng kětạeng gunang kebutuhan i kitẹ, ene něnodẹ i kitẹ mětẹ̌tiněna soal u taumata wal᷊inẹ. (Flp 2:3, 4) Su Pertemuan, i kitẹ lai piạ kesempatan gunang makaěbạ hapị buhu. Hakị u ene, su tempong acara bědang tawe nitětạ, su tempong kumaěng, arau su tempong acara seng nasue, i kitẹ botonge mẹ̌bawěke dingangu taumata apang tawe nikěnalẹ̌ i kitẹ. (2Kor 6:13) Pẹ̌dal᷊ahapị kerene aramanung sarung matahang sarang karěngụe. Bọu ene lai, ual᷊ingu nakasilo kakěndagi kitẹ, taumata bal᷊inẹ ělang i Yehuwa lai aramanung sarung mẹ̌tahamawu si Yehuwa.​—Yoh 13:35.

PẸ̌BIALẠE VIDEO PERTEMUAN INTERNASIONAL ”KASIH TIDAK AKAN BERAKHIR”! BỌU ENE SIMBAHE MANGA KAKIWAL᷊O INI:

• Kerea manga delegasi nakapěndang kakěndagẹ̌ su pertemuan internasional 2019?

• Kawe nụe kakěndagẹ̌ dingangu kasasěmbaụ su tal᷊oarang manga ělang i Yehuwa sěbạe makạlaherang?

• Apa nilahẹu manga anggota Badan Pimpinan soal u kakěndagẹ̌?

• Ual᷊ingu anạu sěmbaụ su Jerman dingangu Korea Selatan něnodẹ kakěndagẹ̌, apa hasile?

• I kitẹ mapulu turusẹ̌ měkoạ apa?