Kasasigěsạ apa nikahombangengu ěllo-ěllo? Apa i kau sěngkatau těmbonangu keluarga kụ piạ lawọ tanggung jawab? Arau apa i kau sẹ̌sanu mělẹ̌hiking anạ kụ mětẹ̌tawakal᷊i měnukụ kebutuhan kěluarganu? Apa i kau mangangudạ bědang měsẹ̌sikol᷊ah kụ nirarihangu manga muritẹ̌ wal᷊inẹ? Apa i kau masakị arau něnětạ nělome ual᷊ingu kakạgurange? Kěbị nakahombang masalah. Lawọ ělang i Yehuwa nakahombang piram baụ kasasigěsạ su tempo mẹ̌sul᷊ung. Maning kerene, i kitẹ masingkạ seng mal᷊ighạ i kitẹ sarung ipakawebasẹ̌ bọu kasasigěsạ ene.​—2Kor 4:16-18.

Sarang tempo ene marěnta, i kitẹ botonge makaěbạ pělahiborẹ̌ ual᷊ingu masingkạ Yehuwa nakaěna kasasigěsạ i kitẹ, měngẹ̌ngarěga kasasatiang i kitẹ, dingangu sarung měgělị lawọ al᷊amatẹ̌ si kitẹ. (Yer 29:11, 12) Yesus lai mapadul᷊i si kitẹ sěngkatau-sěngkatau. Su tempong i kitẹ měkoạ pelayanan, Yesus nẹ̌diandi, ”Iạ sarung sěntiniạ duměndingang si kamene.” (Mat 28:20) Mạeng i kitẹ mẹ̌tiněna kawawebasẹ̌ su tempo mahi su pěmamarentang Kararatuangu Mawu, pělaharapi kitẹ sarung limembong matoghasẹ̌ kụ i kitẹ sarung masatia mẹ̌tatahang su tempong piạ haghing kasasigěsạ. —Rm 8:19-21.

PẸ̌BIALẠE VIDEO SERAYA BADAI MENDEKAT, TETAPLAH BERFOKUS PADA YESUS!​—BERKAT-BERKAT KERAJAAN DI MASA DEPAN, BỌU ENE SIMBAHE MANGA KAKIWAL᷊O INI:

• Kerea sarang taumata nakoạ marau bọu Mawu, kụ apa tětal᷊e?

• Su tempo mahi, al᷊amatẹ̌ apa sarung tarimakengu taumata apang masatia si Yehuwa?

• Kerea ene botonge mariadi?

• Su dunia wuhu, al᷊amatẹ̌ apa lẹ̌ampal᷊engu?