Kere Yehuwa něngatorẹ̌ tau Israel, i Sie lai něngatorẹ̌ manga ělang’E orasẹ̌ ini gunang měkoạ kapulu-Ne. Su patikụ dunia, kantor cabang, wilayah, sidang, dingangu kelompok dinas lapangan něhal᷊ẹ̌ sěngkasio tadeạu habarẹ̌ mapia botonge ihabarẹ̌. I kitẹ měhabarẹ̌ su kěbị taumata, sarang lai su taumata apang měpẹ̌pakẹ bawera wal᷊inẹ.​—Why 14:6, 7.

Apa i kau bọu nẹ̌tiněna gunang měngěndung bawera wal᷊inẹ tadeạu botonge makatul᷊ung taumata wal᷊inẹ měngěndung katěngadẹ̌? Mạeng i kau tawẹ apa tempo měngěndung bawera wal᷊inẹ, i kau botonge měpakẹ aplikasi JW Language gunang měngěndung contoh mẹ̌bawěke manibụ. Bọu ene, su apang bọu něpakẹ ene, i kau sarung makapěndang karal᷊uasẹ̌ mẹ̌sul᷊ung kere nikapěndangengu tau Kristen su abad humotong. I sire mal᷊uasẹ̌ su tempong taumata bọu negeri wal᷊inẹ naherang nakaringihẹ̌ ”kakanoạ u Mawu makạlaherang” su ral᷊ungu bawerang i sire hala.​—Kis 2:7-11.

PẸ̌BIALẠE VIDEO MENJADI SAHABAT YEHUWA—MENGABAR DENGAN BAHASA LAIN, BỌU ENE SIMBAHE MANGA KAKIWAL᷊O INI:

• Su tempo kerea i kau botonge měpakẹ aplikasi JW Language?

• Apa piram baụ fitur su aplikasi ini?

• Bawera apa pẹ̌paketangu taumata su tampạu?

• Apa harusẹ̌ koatengu mạeng taumata mapulu dumaringihẹ̌ habaru Kararatuang kai měpẹ̌pakẹ bawera wal᷊inẹ?​—od-IN 100-101 ¶39-41