Sěngkanaung mangal᷊ene makaěna tiněna, pěndang, harga diri, dingangu kebutuhan taumata wal᷊inẹ. Taumata masingkạ su tempong i kitẹ sěngkanaung dingangi sire. Mạeng i kitẹ kahěngang-hěngang mẹ̌tul᷊ung taumata wal᷊inẹ, ene sarung makatul᷊ung si kitẹ sěngkanaung dingangi sire. Mạeng i kitẹ měnodẹ sěngkanaung su tempong měnginjilẹ̌, i kitẹ nẹ̌těno kakěndagẹ̌ dingangu padul᷊ing i Yehuwa, kụ ene makakoạ taumata mapulu mẹ̌těngkarani si Sie.​—Flp 2:4.

Měnodẹ sěngkanaung bal᷊inẹ kětạeng cara gunang měněntiro. I kitẹ měnodẹ sěngkanaung mạeng dumaringihẹ̌ pakapia. I kitẹ měnodẹ sěngkanaung bọu wisara, kakanoạ, isyarat, dingangu ekspresi gati. I kite měnodẹ sěngkanaung, mạeng i kitẹ mapadul᷊i si sire. I kitẹ měmanda apa mapulu daringihange, apa pẹ̌pangimangenge, dingangu kerea situasine. I kitẹ měmahiạ informasi dingangu mẹ̌tul᷊ung si sie, katewe tawe memaksa si sie mẹ̌bal᷊ui. Su tempong taumata wal᷊inẹ měnarimạ tul᷊umang bọu i kitẹ, i kitẹ makoạ limembong mal᷊uasẹ̌ su pelayanan.

PẸ̌BIALA VIDEO BERSUKACITALAH DALAM MEMBUAT MURID—JADILAH LEBIH TERAMPIL—BERTIMBANG RASA, BỌU ENE SIMBAHE MANGA KAKIWAL᷊O INI:

• Kerea i Nita něnodẹ sěngkanaung su tempong i Jasmine natěrlambatẹ̌?

• Kerea i Nita něnodẹ sěngkanaung su tempong i Jasmine sěbạe stres gunang měngěndung?

• Kerea i Nita něnodẹ sěngkanaung su tempong i Jasmine naul᷊ị i sie bal᷊inẹ taumata naatorẹ̌?