Hengetangu Mawu něněntiro si kitẹ měkoạ tau Kristen maghurang kere mamạ lai papạ i kitẹ, kụ mangangudạ kere tahatuari. (Basa 1 Timotius 5:1, 2.) Apang saudara kahumotongange perlu měngarěga dingangu měngadatẹ̌ manga saudari.

Sěngkatau saudara tawe menggoda arau měkoạ sěmbaụ hal᷊ẹ̌ kụ makakoạ sěngkatau saudari mẹ̌pěndang tawe nyaman. (Ayb 31:1) Sěngkatau saudara lajang tawe mẹ̌taghunalang pěndangu sěngkatau saudari lajang, kụ makakoạ saudari ene mẹ̌pěndang saudara ene piạ pěndang romantis sěmbal᷊ia tala.

Manga penatua harusẹ̌ mẹ̌timbang pakapia su tempong sěngkatau saudari dingangu maadatẹ̌ mẹ̌kiwal᷊o arau maul᷊ị sěmbaụ hal᷊ẹ̌ tadeạu pandungang. Manga penatua kahumotongange mẹ̌timbang si sire apang tawẹ kawinge gunang měndiagạ si sire.​—Rut 2:8, 9.

PẸ̌BIALA VIDEO TERUSLAH TUNJUKKAN KASIH DALAM SIDANG—KEPADA JANDA DAN YATIM PIATU, BỌU ENE SIMBAHE MANGA KAKIWAL᷊O INI:

• Kerea sidang něnodẹ kakěndagẹ̌ si Saudari Myint?

• Kerea kakěndagẹ̌ nitodẹu sidang nakoạ kesaksian mapaelẹ̌ su taumata su kampong?

• Kerea kakěndagẹ̌ nitodẹu sidang piạ pěngarune su manga anạ i Saudari Myint?

Kerea carane i kau měnodẹ kakěndagẹ̌ su manga saudari su sidangu?