KAWE NỤE PENTING: Lawọ taumata wuta tawe wiasa mẹ̌bisara dingangu taumata wuhu. Hakị u ene, i kitẹ harusẹ̌ matahuěna měgělị kesaksian si sire. Yehuwa něnodẹ i Sie makěndagẹ̌ su taumata wuta. (Im 19:14) I kitẹ botonge mẹ̌těno si Sie mạeng i kitẹ mẹ̌tul᷊ung taumata wuta měngěndung soal i Yehuwa.

KEREA CARANE:

• ’Deạ’ taumata wuta. (Mat 10:11) Apa i kau masingkạ taumata apang piạ kěluargane wuta? Apa su tampạu piạ sikol᷊ah, yayasan, arau fasilitas wal᷊inẹ kụ mapulu měnarimạ publikasi gunang taumata wuta?

• Todẹ i kau mapadul᷊i si sire. Mạeng i kau mahimumu dingangu mapadul᷊i, taumata wuta sarung limembong mapulu mẹ̌bisara dingangu. Pẹ̌tawakal᷊ịe měnětạ mẹ̌bawěke měpakẹ topik ikẹ̌kapuluang i sire

• Pěgělị publikasi si sire. Organisasing i kitẹ seng něnadia publikasi su haghing format gunang mẹ̌tul᷊ung taumata wuta arau taumata apang tawe makasilo mal᷊ahẹ. Pẹ̌kiwal᷊ọe format kerea ikẹ̌kapuluang i sire. Pengawas dinas harusẹ̌ mẹ̌marikěsa apa hamba lektur seng něměsan publikasi su format seng nipileng taumata wuta