Yehuwa ’Mawu mal᷊uasẹ̌’ mapulu i kitẹ lai mal᷊uasẹ̌ su pelayanan. (1Tim 1:11) I kitẹ limembong mal᷊uasẹ̌ mạeng turusẹ̌ mẹ̌tawakal᷊i makoạ limembong mapia. Pěgělị kakiwal᷊o makawahangsang si sire gunang mapulu dumaringihẹ̌, kụ ene kai cara mapaelẹ̌ gunang měnětạ bisara. Kakiwal᷊o makakoạ taumata mẹ̌pikirẹ̌ dingangu měkoạ kesimpulan. (Mat 22:41-45) Mạeng i kitẹ měgělị kakiwal᷊o kụ dumaringihẹ̌ sasimbahe, i kitẹ kere maul᷊ị si sie, ’I kau maarěga si siạ.’ (Yak 1:19) Sasimbahu tau ene aramanung makakoạ si kitẹ limembong mapaelẹ̌ měněmpụ bisara.

PẸ̌BIALA VIDEO BERSUKACITALAH DALAM MEMBUAT MURID—JADILAH LEBIH TERAMPIL—MENGAJUKAN PERTANYAAN, BỌU ENE SIMBAHE MANGA KAKIWAL᷊O INI:

• Sipatẹ̌ mapaelẹ̌ apa nitodẹ i Jasmine?

• Kerea i Nita něpakẹ kakiwal᷊o gunang měnodẹ i sie mapulu masingkạ si Jasmine?

• Kerea i Nita něpakẹ kakiwal᷊o gunang měkoạ si Jasmine mapulu makasingkạ limembong mal᷊awọ habarẹ̌ mapia?

• Kerea i Nita něpakẹ kakiwal᷊o gunang mẹ̌tul᷊ung si Jasmine mẹ̌tiněna dingangu měkoạ kesimpulan?