Kakěndagẹ̌ mẹ̌sul᷊ungu lem kụ makasěmbaụ keluarga. Mạeng tawẹ apa kakěndagẹ̌, sěmbaụ keluarga masigěsạ tatapẹ̌ masěmbaụ dingangu tatapẹ̌ sěngkapěhal᷊ẹ̌. Kerea kawing esẹ, kawing wawine, dingangu matatimadẹ̌ měnodẹ kakěndagẹ̌ su keluarga?

Kawing esẹ makěndagẹ̌ sarung mẹ̌timbang pěndang dingangu kebutuhan kawinge. (Ef 5:28, 29) I sie sarung měnadia kebutuhan materi dingangu rohani kěluargane, lai měkoạ Ibadah Keluarga sabang misa. (1Tim 5:8) Kawing wawine makěndagẹ̌ sarung matuhụ dingangu ”kahěngang-hěngang měngadatẹ̌” su kawinge. (Ef 5:22, 33; 1Ptr 3:1-6) Sěngkawingang harusẹ̌ mẹ̌papangampung sěmbaụ su wal᷊inẹ dingangu kaguwạu naung. (Ef 4:32) Matimadẹ̌ makěndagẹ̌ měnodẹ i sie mapadul᷊i su anạe pẹ̌sěngkatau kụ měněntiro si sire tadeạu kuměndagẹ̌ si Yehuwa. (Ul 6:6, 7; Ef 6:4) Sasal᷊ukạ apa tẹ̌tatěngongu anạ i sire su sikol᷊ah? Kerea i sire tumatěngo sasal᷊ukạ bọu hapị? Mạeng su keluarga napenẹu kakěndagẹ̌, kěbị anggota keluarga sarung makapěndang aman.

PẸ̌BIALA VIDEO TERUSLAH TUNJUKKAN KASIH DALAM KELUARGA, BỌU ENE SIMBAHE MANGA KAKIWAL᷊O INI:

• Kerea kawing esẹ makěndagẹ̌ měngarěga dingangu měnadia kebutuhan kawinge?

• Kerea kawing wawine makěndagẹ̌ kahěngang-hěngang měngadatẹ̌ kawinge?

• Kerea matimadẹ̌ makěndagẹ̌ mẹ̌suang Hengetangu Mawu su ral᷊ungu naung anạ i sire?