Sěmangatẹ̌ ene mědẹ̌darěke. Mạeng masěmangatẹ̌, taumata sarung limembong mapulu dumaringihẹ̌ apa niwerang i kitẹ. Ene lai něnodẹ i kitẹ měngẹ̌ngarěga habarẹ̌ lẹ̌habareng i kitẹ. I kitẹ botonge měnodẹ sěmangatẹ̌, tawẹ soale latar belakang budaya arau sipati kitẹ. (Rm 12:11) Kerea carane?

Humotong, pẹ̌tiněna habarẹ̌ lẹ̌habareng i kitẹ ene sěbạe penting. I kau piạ kesempatan gunang ’měhabarẹ̌ habarẹ̌ mapia!’ (Rm 10:15) Karuane, pẹ̌tiněna apa gunane habarẹ̌ mapia su taumata apang dimaringihẹ̌. I sire harusẹ̌ kahěngang-hěngang dumaringihẹ̌ apa niweranu. (Rm 10:13, 14) Katělune, pẹ̌bisara dingangu sěmangatẹ̌, pakẹ isyarat dingangu ekspresi gati mapia.

PẸ̌BIALA VIDEO BERSUKACITALAH DALAM MEMBUAT MURID—JADILAH LEBIH TERAMPIL—MENGAJAR DENGAN BERSEMANGAT, BỌU ENE SIMBAHE MANGA KAKIWAL᷊O INI:

• Apa nakakoạ si Nita nikailangengu sěmangatẹ̌ měngěndung Alkitapẹ̌ dingangi Jasmine?

• Apa nakatul᷊ung si Nita saụ nasěmangatẹ̌?

• Kawe nụe i kitẹ harusẹ̌ fokus su manga sipatẹ̌ mapaelẹ̌ bọu i sire apang dimaringihẹ̌?

• Kerea sěmangati kitẹ ěndịu piạ pěngarune su měngangěndung Alkitapẹ̌ lai su taumata wal᷊inẹ?