I kau mapulu piạ hapị piạ sipate kerea? Aramanung i kau puluang su hapị masatia, mapia, dingangu maělugẹ̌. Yehuwa něnodẹ kěbị sipatẹ̌ ene. (Kel 34:6; Kis 14:17) I Sie mapulu dumaringihẹ̌ daroanu. Su tempong i kau membutuhkan tul᷊umang, i Sie sadia mẹ̌tul᷊ung si kau. (Mz 18:19, 35) Su tempong i kau někoạ pẹ̌sasal᷊a, i Sie sadia měgělị ampung. (1Yoh 1:9) Yehuwa kai Hapị kapaelange!

Kerea tadeạu i kau makoạ hapị i Yehuwa? Pẹ̌basạe Alkitapẹ̌ tadeạu makasingkạ mal᷊awọ soal i Sie. Pẹ̌běkẹe pěndangu si Sie. (Mz 62:8; 142:2) Todẹko manga hal᷊ẹ̌ penting si Yehuwa ene lai penting si kau, kere Ahus’E, Kararatuang’E, dingangu manga diandi-Ne gunang ěllo mahi. Pẹ̌běke su taumata wal᷊inẹ soal i Sie. (Ul 32:3) Mạeng i kau mědal᷊ahapị mapia dingangi Yehuwa, i Sie sarung makoạ Hapịu sarang karěngụe.​—Mz 73:25, 26, 28.

PẸ̌BIALẠE VIDEO KAUM MUDA—”KECAPLAH DAN LIHATLAH BAHWA YEHUWA ITU BAIK”, BỌU ENE SIMBAHE MANGA KAKIWAL᷊O INI:

• Apa wotonge koatengu tadeạu sadia mẹ̌diandi měgělị watangengu si Yehuwa kụ ibaptisẹ̌?

• Kerea anạu sěmbaụ su sidang makatul᷊ung si kau mẹ̌tahamawu si Yehuwa?

• Kerea pelayanan makatoghasẹ̌ pẹ̌dal᷊ahapịu dingangi Yehuwa?

• Bentuk dinas kerea botonge koatengu?

• Bọu kěbị apa niěndungangu soal i Yehuwa, apa sěbạe ikẹ̌kapulunu?