Yesus něhabarẹ̌ ”habarẹ̌ mapia soal u Kararatuangu Mawu”. (Luk 4:43) I sie lai něněntiro taumata tadeạu mẹ̌doa gunang Kararatuang ene. (Mat 6:9, 10) Su kanandụu wul᷊ang November, i kitẹ sarung měkoạ kegiatan khusus gunang měhabarẹ̌ soal u Kararatuangu Mawu. (Mat 24:14) Atore jadwalu tadeạu botonge makatol᷊e kegiatan ini. I saing merintis ekstra su wul᷊ang ene, botonge měmile kuota jam 30 arau 50.

Lahẹko ayatẹ̌ soal u Kararatuangu Mawu su lawọ taumata. Su tempong měmile ayatẹ̌, pẹ̌tiněna latar belakang agama bọu taumata nipẹ̌sombangengu. Mạeng tau ene mapulu dumaringihẹ̌, pěgělị si sie majalah Menara Pengawal edisi umum No. 2 2020. Bọu ene, pakasahawụ mẹ̌tiwo si sie, dingangu pẹ̌tawakal᷊i měnětạ pěngangěndungang dingange měpakẹ publikasi bọu Alat Bantu Pengajaran i kitẹ. Seng mal᷊ighạ tempone Kararatuangu Mawu sarung měminasa kěbị pěmamarentang taumata apang lụlawang su Kararatuang ene. (Dan 2:44; 1Kor 15:24, 25) Hakị u ene, mahịe i kitẹ tumol᷊e kegiatan khusus ini gunang měnodẹ kasasatiang i kitẹ si Yehuwa dingangu su Kararatuang’E!