Sahiding Yehuwa piạ kehormatan gěguwạ ene kai botonge mědal᷊ahapị dingangi Yehuwa. I kitẹ nědal᷊ahapị mapia dingangu Mawu Yehuwa ual᷊ingu i kitẹ seng něgělị watangeng si Yehuwa kụ nibaptisẹ̌. I Sie seng němol᷊eng si kitẹ limiung Ahus’E. (Yoh 6:44) I Sie lai dụdaringihẹ̌ daroang i kitẹ.​—Mz 34:15.

Kerea i kitẹ botonge měndiagạ pẹ̌dal᷊ahapị maarěga ini? Sěmbaụ carane ute, i kitẹ tawe wotonge mẹ̌těno kakanoạ nẹ̌sal᷊a bọu tau Israel. Tawe nararěna bọu někoạ pẹ̌dariandi dingangi Yehuwa, i sire někoạ patong anạ sapi wul᷊aeng kụ něněmbah patong ene. (Kel 32:7, 8; 1Kor 10:7, 11, 14) I kitẹ botonge mẹ̌tiněna, ’Apa nikoạku su tempong piạ sasal᷊ukạ gunang měkoạ barang nẹ̌sal᷊a? Apa kakanoạku něnodẹ iạ měnděndiagạ pẹ̌dal᷊ahapị dingangi Yehuwa?’ Kakěndagẹ̌ si Amang su sorga sarung makatul᷊ung si kitẹ tawe měkoạ apa ikẹ̌kawěngsing’E.​—Mz 97:10.

PẸ̌BIALA VIDEO JAGALAH HUBUNGAN SAUDARA DENGAN YEHUWA (KOL 3:5), BỌU ENE BISARAI MANGA KAKIWAL᷊O INI:

• Apa mangal᷊ene měning su tataghuanengu taumata wal᷊inẹ?

• Kawe nụe i kitẹ tawe wotonge maanggang dingangu měněmbah berhala?

• Apa sul᷊unge berzinah dingangu měněmbah berhala?

• Kawe nụe i sire apang piạ tanggung jawab su organisasi harusẹ̌ mapadul᷊i su kebutuhan kawing i sire?