I kitẹ mal᷊uasẹ̌ su tempong piạ brosur dingangu bukẹ̌ buhu gunang pěngangěndungang Alkitapẹ̌. I kitẹ mẹ̌dorong al᷊amatẹ̌ bọu i Yehuwa tadeạu botonge měkoạ limembong lawọ muritẹ̌. (Mat 28:18-20; 1Kor 3:6-9) Kerea i kitẹ měpakẹ alatẹ̌ buhu ini?

Ual᷊ingu brosur Pěbiahe Mal᷊uasẹ̌ Sarang Karěngụe! něnodẹ cara wuhu gunang měněntiro, tol᷊e manga laahạ ini su tempong měnadia dingangu měngahạ pěngangěndungang Alkitapẹ̌.*

• Basa bahan pěngangěndungang, kụ bisarai kakiwal᷊one

• Basa ayatẹ̌ nioro pakiwasa, kụ tul᷊ung měngangěndung makaěna apa harusẹ̌ koatenge

• Putarẹ̌ dingangu bisarai videone, pakẹ manga kakiwal᷊o seng nisadia

• Sabang měngěndung, pẹ̌tawakal᷊i mělahẹ sěmbaụ pěngangěndungang

Su tempong měnginjilẹ̌, gělị kal᷊imona brosur gunang makasingkạ apa i sie mapulu měngěndung arau tala. (Pěmanda kotak ” Kerea Carane Měmahiạ Brosur Pěbiahe Mal᷊uasẹ̌ Sarang Karěngụe! su Tempong Měnginjilẹ̌”.) Mạeng brosur seng nasueng ěndunge kụ měngangěndung mapulu měněpasẹ̌, gělị bukẹ̌e kụ pěnětạ su pěngangěndungang 04. Mạeng i kau kạpěněntirone něpakẹ bukẹ̌ Alkitapẹ̌ Něněntiro arau Dikasihi Allah, pěngal᷊ing sarang bukẹ̌ Pěbiahe Mal᷊uasẹ̌ Sarang Karěngụe! kụ pile měnětạ su pěngangěndungang sude.

PẸ̌BIALA VIDEO MAHỊE MĚNGĚNDUNG ALKITAPẸ̌, BỌU ENE SIMBAHE MANGA KAKIWAL᷊O INI:

• Apa sarung ěndungangu měngangěndung su bukẹ̌ buhu?

• Kawe nụe i kau harusẹ̌ měmutarẹ̌ video ini su měngangěndung buhu?

• Kerea i kau měmahangsang měngangěndung tadeạu piạ cita-cita kụ makakoạ ene?​—Pěmanda bagan ” Inti dingangu Cita-Cita su Apang Bageang”