Mạeng mangarariọ němuka tukadẹ̌, i kitẹ harusẹ̌ mẹ̌bisara kal᷊imona dingangu matimade. Ene něnodẹ i kitẹ měngẹ̌ngarěga matimade. (Baweran Salomo 6:20) Mạeng anạ ene něgausẹ̌ si kitẹ pasuẹ̌, kapaelange i kitẹ abe suẹ̌. Mạeng matimade tawe dịe su wal᷊e, i kitẹ botonge mẹ̌bal᷊ị su tempo wal᷊inẹ.

Mạeng anạ ene seng diọ matělang, ěndịu umure 15-19 su taunge, i kitẹ harusẹ̌ tatapẹ̌ mẹ̌bisara kal᷊imona dingangu matimade. Mạeng i sire tawe dịe su wal᷊e, i kitẹ botonge mẹ̌kiwal᷊o apa matimade mapulu mạeng i sie měmile hala bukẹ̌ bawasang. Mạeng botonge, pěgělị e bukẹ̌ bawasang si sie arau todẹ jw.org.

Su tempong saụ mẹ̌tiwo sěngkatau anạ mangudạ kụ mapulu dumarigihẹ̌, i kitẹ harusẹ̌ mẹ̌bisara kal᷊imona dingangu matimade. Gunang mělahẹ kawe nụe i kitẹ saụ diměnta dingangu měnodẹ bọu Alkitapẹ̌ kai piạ lawọ těntiro mapaelẹ̌ lai botonge kapěngimangeng gunang keluarga. (Mazmurẹ̌ 119:86, 138) Mạeng i kitẹ měngarěga matimade, ene makoạ kesaksian mapaelẹ̌ kụ su tempo wal᷊inẹ, i kitẹ botonge měnginjilẹ̌ su keluarga ene.—1 Petrus 2:12.