Iya, mạeng i sire nẹ̌tikị su tampạ mẹ̌sul᷊ung kụ tawẹ apa alasang matoghasẹ̌, ene bukti i rẹ̌dua seng někoạ barang amoral. Hakị u ene, panitia pengadilan botonge koateng.​—1 Kor. 6:18.

Badan penatua sarung mẹ̌timbang haghing situasi gunang měmanda apa panitia pěngadilan perlu koateng. Contone: Apa i rẹ̌dua měsẹ̌sasintị? Apa penatua bọu něgělị sasasa soal u kakanoạ i rẹ̌dua sěmbaụ su wal᷊inẹ? Kawe nụe i rẹ̌dua nẹ̌tikị su tampạ mẹ̌sul᷊ung? Apa i rẹ̌dua seng někoạ rencana kal᷊imona? Apa i rẹ̌dua tawẹ apa pile wal᷊inẹ, arau piạ barang nariadi, kere situasi tawẹ tẹ̌tiněnang nariadi arau piạ situasi darurat kụ nakakoạ i rẹ̌dua harusẹ̌ mẹ̌tikị su tampạ mẹ̌sul᷊ung? (Měn. 9:11, Terjemahan Dunia Baru) Su apa i rẹ̌dua nẹ̌tikị? Haghing kasus ene nẹ̌tatěntang, hakị u ene aramanung piạ informasi wal᷊inẹ kụ ene makaahạ putusangu penatua.

Mạeng badan penatua seng bọu nẹ̌timbang kěbị informasi ene, i sire sarung měmutusẹ̌ apa panitia pengadilan harusẹ̌ koateng arau tala.