SU Arěbạ mal᷊ukadẹ̌, 24 Januari 2018, keluarga Betel su Amerika Serikat dingangu Kanada mal᷊uasẹ̌ dimaringihẹ̌ bohang istimewa: Saudara Kenneth Cook, Jr., seng nakoạ anggota Badan Pimpinan Sahiding Yehuwa.

Saudara Cook nalahirẹ̌ dingangu naguwạ su Pennsylvania, AS. I sie něngěndung katěngadẹ̌ bọu hapị sěngkělasẹ̌e su tempong maraning malulusẹ̌ bọu SMA, kụ nisahani tanggalẹ̌ 7 Juni 1980. I sie něnětạ nakoạ perintis biasa tanggalẹ̌ 1 September 1982. Su apang seng nakoạ perintis karěngụe dua taung, i sie nakaěbạ tugasẹ̌ měhal᷊ẹ̌ su Betel Wallkill, New York, něnětạ 12 Oktober 1984.

Karěngụe 25 su taunge, Saudara Cook nakaěbạ piram baụ tugasẹ̌ su bageang Percetakan dingangu Kantor Betel. I sie nẹ̌kawing dingangi Jamie su taung 1996 kụ i rẹ̌dua něhal᷊ẹ̌ su Betel Wallkill. Su wul᷊ang Desember 2009, i rẹ̌dua nial᷊ing sarang Pusat Pendidikan Menara Pengawal su Patterson, New York. Sene, Saudara Cook něhal᷊ẹ̌ su Departemen Korespondensi. Su wul᷊ang April 2016, su apang nẹ̌bal᷊ị sarang Wallkill, katewe tawe marěngụ, i rẹ̌dua saụ nial᷊ing sarang Brooklyn, New York. Lima wul᷊ang tuhụe, i rẹ̌dua saụ nial᷊ing sarang kantor pusat su Warwick, New York. Su wul᷊ang Januari 2017, Saudara Cook nihengkẹ nakoạ asisten Panitia Penulisan bọu Badan Pimpinan.