PĚNGANGĚNDUNGANG 35
Yehuwa Měngẹ̌ngarěga Kasasanạu Naung Manga Ělang’E
”Yehuwa . . . měmẹ̌manda taumata masanạ naung.”—MZ. 138:6.
KAKANTARỊ 48 Dumal᷊eng dingangi Yehuwa
TINJAUAN *
1. Kerea pěndang i Yehuwa su taumata masanạ naung? Lahẹko.
YEHUWA makěndagẹ̌ su taumata masanạ naung. Kětạeng i sire apang kahěngang-hěngang masanạ naung botonge mědal᷊ahapị mapia dingang’E. Katewe, taumata maobotẹ̌ pẹ̌pandaěng’E bọu marau. (Mz. 138:6) I kitẹ kěbị tantu mapulu makal᷊uasẹ̌ si Yehuwa dingangu makapěndang kakěndag’E. Hakị u ene, si kitẹ piạ alasang mapia gunang měnodẹ kasasanạu naung.
2. Apa sarung ěndungang i kitẹ su pěngangěndungang ini?
2 Su pěngangěndungang ini, i kitẹ sarung měngěndung sasimbahu tatělu kakiwal᷊o: (1) Apa kasasanạu naung ene? (2) Kawe nụe i kitẹ harusẹ̌ masanạ naung? (3) Su tempo kerea i kitẹ masigěsạ měnodẹ kasasanạu naung? Su pěngangěndungang ini lai, i kitẹ sarung měngěndung kerea kasasanạu naung makal᷊uasẹ̌ si Yehuwa dingangu piạ gunane si kitẹ.—Amsal 27:11; Yes. 48:17.
APA KASASANẠU NAUNG ENE?
3. Apa kasasanạu naung ene?
3 Kasasanạu naung ene kai bebasẹ̌ bọu kal᷊aobotẹ̌. Alkitapẹ̌ nělahẹ taumata masanạ naung nakaěna Mawu Yehuwa limembong makawasa bọu i sie. I sie lai něngakui taumata wal᷊inẹ limembong mapaelẹ̌ bọu i sie su piram baụ hal᷊ẹ̌.—Flp. 2:3, 4.
4-5. Kawe nụe pirang katau kẹ̌kasilong masanạ naung tawe kahěngang-hěngang masanạ naung?
4 Pirang katau kẹ̌kasilong masanạ naung. Aramanung i sire meaěng. Arau, i sire měngẹ̌ngadatẹ̌ dingangu měngẹ̌ngarěga taumata wal᷊inẹ ual᷊ingu matimadi sire něněntiro i sire harusẹ̌ Luk. 6:45.
kerene. Katewe su ral᷊ungu naung, i sire aramanung sěbạe maobotẹ̌, kụ samurine ene sarung kasilong mal᷊ahẹ.—5 Taumata wal᷊inẹ kẹ̌kasilong percaya diri dingangu terus terang maul᷊ị pěndang i sire, katewe ene bal᷊inẹ mangal᷊ene i sire maobotẹ̌. (Yoh. 1:46, 47) Taumata kerene harusẹ̌ maingatẹ̌ tadeạu tawe tumanịu mangimang su kemampuan i sire hala. Tawẹ soale kerea sipati kitẹ, i kitẹ kěbị harusẹ̌ mẹ̌tawakal᷊i tadeạu kahěngang-hěngang masanạ naung.
Rasul Paulus masanạ naung kụ tawe nẹ̌tiněna i sie limembong penting sul᷊ungu taumata wal᷊inẹ (Pěmanda paragraf 6) *
6. Kere nilahẹ su 1 Korintus 15:10, apa wotonge kaěndungang i kitẹ bọu i Rasul Paulus?
6 Pẹ̌tiněna contoh Rasul Paulus. I sie nipakẹ i Yehuwa gunang měndarisị sidang su lawọ soa. I sie lai aramanung nakakoạ mal᷊awọ su pelayanan sul᷊ungu manga rasul i Yesus Kristus wal᷊inẹ. Katewe, i Paulus tawe nẹ̌pěndang i sie limembong kapaelange bọu anạu sěmbaụe. I sie něngakui dingangu kasasanạu naunge, ”Iạ ini kasanạkenge bọu kěbị rasulẹ̌, kụ tawẹ hinone isěbạ rasulẹ̌, ual᷊ingu kangerẹ iạ nẹ̌tingkaị jamaatu Mawu.” (1 Kor. 15:9) Bọu ene, i Paulus něngakui i sie botonge nědal᷊ahapị mapia dingangi Yehuwa, bal᷊inẹ ual᷊ingu sipate arau apa seng nikoạe, katewe ual᷊ingu kapiang naung i Yehuwa sěbạe makạlaherang. (Basa 1 Korintus 15:10.) Paulus kai pẹ̌tatěnoěng mapaelẹ̌ soal u kasasanạu naung. Su tempong němohẹ suratẹ̌ gunang sidang Korintus, i sie tawe něngobotu watangenge, maning pirang katau su sidang ene měmẹ̌morotesẹ̌ si sie.—2 Kor. 10:10.
Karl F. Klein kai sěngkatau saudara masanạ naung, kụ i sie bọu nakoạ anggota Badan Pimpinan (Pěmanda paragraf 7)
7. Kerea sěngkatau saudara piạ lawọ hak istimewa něnodẹ kasasanạu naung?
7 Lawọ ělang i Yehuwa natoghasẹ̌ ual᷊ingu nẹ̌basa běkeng pěbawiahi Saudara Karl F. Klein. I sie bọu nakoạ anggota Badan Pimpinan. Su běkeng pěbawiahe, Saudara Klein masanạ naung dingangu jujurẹ̌ nẹ̌běke lawọ kurange dingangu masalah su pěbawiahe. Contone, humotong i sie *
něnginjilẹ̌ bọu wal᷊e sarang bal᷊e su taung 1922. I sie nẹ̌pěndang hal᷊ẹ̌ ene sěbạe masigěsạ sarang i sie seng madiri měkoạ ene karěngụe ěndịu dua taung. Bọu ene, su tempong i sie něhal᷊ẹ̌ su Betel, piạ sěngkatau saudara něgělị sasasa si sie. I sie nẹ̌pědu su saudara ene, kụ pědune diọ marěngụ nailang. I sie lai nakaěbạ sakị emosi ual᷊ingu stres dingangu gụgěnggang. Katewe, i sie lai nakaěbạ lawọ hak istimewa. Saudara Klein sěbạe masanạ naung ual᷊ingu i sie něngakui kurange, maning lawọ taumata masingkạ si sie. Lawọ anạu sěmbaụ mal᷊uasẹ̌ nẹ̌tahěndung si Saudara Klein dingangu sipate majujurẹ̌, kere seng niwohẹ su běkeng pěbawiahe.KAWE NỤE I KITẸ HARUSẸ̌ MASANẠ NAUNG?
8. Kerea 1 Petrus 5:6 makatul᷊ung si kitẹ makaěna kasasanạu naung ene makal᷊uasẹ̌ si Yehuwa?
8 Alasang sěbạe penting i kitẹ harusẹ̌ masanạ naung ute ene makal᷊uasẹ̌ si Yehuwa. Rasul Petrus napakal᷊ahẹ hal᷊ẹ̌ ini. (Basa 1 Petrus 5:6.) Bawerang i Petrus ini nilahẹ su bukẹ̌ ”Mari Jadilah Pengikutku”. Sene niul᷊ị, ”Kal᷊aobotẹ̌ mẹ̌sul᷊ungu racung. Tětal᷊e sěbạe makarusa. Taumata sẹ̌bạe pande sarung makoạ tawẹ gunane su Mawu ual᷊ingu kal᷊aobotẹ̌. Katewe, kasasanạu naung botonge makakoạ taumata kasanạkenge makoạ sěbạe maarěga si Yehuwa. . . . [I Sie] sarung mal᷊uasẹ̌ měngal᷊amatẹ̌ si kau ual᷊ingu kasasanạu naungu.” * Hal᷊ẹ̌ kapaelange botonge koateng i kitẹ ene ute makal᷊uasẹ̌ si Yehuwa!—Amsal 23:15.
9. Kerea kasasanạu naung makakoạ taumata wal᷊inẹ mapulu mědal᷊ahapị dingangi kitẹ?
9 Mạeng masanạ naung, i kitẹ bal᷊inẹ kětạeng makal᷊uasẹ̌ si Yehuwa, katewe lai makaěbạ lawọ gunane. Mạeng i kitẹ masanạ naung, taumata sarung mapulu mědal᷊ahapị dingangi kitẹ. Kawe nụe kerene? Kěnang pẹ̌tiněna, i kau mapulu mědal᷊ahapị dingangu taumata kerea. (Mat. 7:12) I kitẹ tantu madiri mědal᷊ahapị dingangu taumata apang měnẹ̌nihasa si kitẹ tumol᷊e kapulung i sire, dingangu tawe měnarimạ těgu bọu taumata wal᷊inẹ. Katewe, i kitẹ mal᷊uasẹ̌ su tempong anạu sěmbaụ i kitẹ něnodẹ sipatẹ̌ ”sěngkanaung, mẹ̌kakěndagẹ̌ kere su keluarga, matal᷊ěntụ, dingangu masanạ naung”. (1 Ptr. 3:8) Nal᷊ahẹ, i kitẹ mal᷊uasẹ̌ mědal᷊ahapị dingangu taumata masanạ naung. Taumata wal᷊inẹ lai sarung mal᷊uasẹ̌ mědal᷊ahapị dingangi kitẹ mạeng i kitẹ masanạ naung.
10. Kawe nụe taumata masanạ naung limembong gampang tumatěngo manga hal᷊ẹ̌ tawe makal᷊uasẹ̌ su pěbawiahẹ̌?
Pkh. 10:7) Taumata sěbạe pande tawe sěntiniạ makaěbạ daralo. Kụ, pẹ̌sěngsul᷊ẹ taumata tawe tumanịu pande makaěbạ lawọ daralo. Maning kerene, Salomo naul᷊ị i kitẹ harusẹ̌ měnarimạ apa seng nariadi su pěbawiahi kitẹ, kụ tawe tumanịu guměnggang soal u apa seng nariadi. (Pkh. 6:9) Mạeng masanạ naung, i kitẹ limembong gampang měnarimạ manga hal᷊ẹ̌ tawe makal᷊uasẹ̌ su pěbawiahi kitẹ.
10 Kasasanạu naung makatul᷊ung si kitẹ limembong gampang tumatěngo manga hal᷊ẹ̌ tawe makal᷊uasẹ̌ su pěbawiahẹ̌. Pẹ̌sěngsul᷊ẹ, i kitẹ aramanung nakasilo arau nakahombang barang tawẹ adile. Datu Salomo matahuěna nẹ̌bera, ”Iạ nakasilo manga ělang simake kawal᷊o arawe manga pějabatẹ̌ dimal᷊engu laedẹ̌ kere ělang.” (SU TEMPO KEREA I KITẸ MASIGĚSẠ MĚNODẸ KASASANẠU NAUNG?
Kawe nụe masigěsạ měnodẹ kasasanạu naung su situasi kere ini? (Pěmanda paragraf 11-12) *
11. Kawe nụe i kitẹ harusẹ̌ masanạ naung su tempong nakaěbạ sasasa?
11 Ěllo-ěllo i kitẹ botonge měnodẹ kasasanạu naung. Pẹ̌tiněna piram baụ situasi ini. Su tempong i kitẹ nakaěbạ sasasa. Pẹ̌tahěndung, mạeng taumata wal᷊inẹ harusẹ̌ mẹ̌tawakal᷊i měgělị sasasa si kitẹ, aramanung pẹ̌sasal᷊ang i kitẹ limembong serius bọu apa tẹ̌tiněnang i kitẹ. Su tempong taumata něgělị sasasa si kitẹ, aramanung i kitẹ madiri měnarimạ ene. I kitẹ ěndịu měmorotesẹ̌ si sie arau měmorotesẹ̌ carane i sie něgělị sasasa ene. Katewe, mạeng i kitẹ masanạ naung, i kitẹ sarung mẹ̌tawakal᷊i měnarimạ sasasa ene.
12. Tumuhụ Amsal 27:5, 6, kawe nụe i kitẹ harusẹ̌ makitarimakasẹ su tau seng něgělị sasasa si kitẹ? Gělịko sasihinge.
12 Taumata masanạ naung sarung makitarimakasẹ su tempong nakaěbạ sasasa. Sasihinge kere ini. I kau ene su pěngangibadang. Su apang bọu nẹ̌bisara dingangu pirang katau anạu sěmbaụ, piạ sěngkatau wọu i sire němol᷊eng si kau nẹ̌těngkarau bọu taumata wal᷊inẹ kụ naul᷊ị piạ kaěng nasělẹ su isinu. Maning namea, i kau tantu makitarimakasẹ ual᷊ingu i sie seng naul᷊ị si kau. Sěběnarẹ̌e, i kau aramanung mapulu piạ u maul᷊ị ene dongkeng humotong. Kerene lai, i kitẹ harusẹ̌ masanạ naung kụ makitarimakasẹ su anạu sěmbaụ apang seng bahani něgělị sasasa su tempong i kitẹ membutuhkan ene. I kitẹ mẹ̌tahěndung i sie kai hapị i kitẹ, bal᷊inẹ sědụ i kitẹ.—Basa Amsal 27:5, 6; Gal. 4:16.
Kawe nụe harusẹ̌ piạ kasasanạu naung su tempong taumata wal᷊inẹ nakaěbạ hak istimewa su sidang? (Pěmanda paragraf 13-14) *
13. Kerea i kitẹ měnodẹ kasasanạu naung su tempong taumata wal᷊inẹ nakaěbạ hak istimewa?
13 Su tempong taumata wal᷊inẹ nakaěbạ hak istimewa. Sěngkatau penatua arenge 1 Tim. 3:1) Katewe, i kitẹ harusẹ̌ měndiagạ tiněnang i kitẹ. Mạeng tawe maingatẹ̌, kal᷊aobotẹ̌ sarung tumuwo su naung i kitẹ. Contone, sěngkatau esẹ Kristen sarung měnětạ mẹ̌tiněna i sie kapaelange mẹ̌koạ sěmbaụ tugasẹ̌. Arau, kawing wawine aramanung mẹ̌tiněna, ’Kawingku limembong mapaelẹ̌ měkoạ tugasẹ̌ ene sul᷊ungu saudara ene!’ Katewe, mạeng i kitẹ kahěngang-hěngang masanạ naung, i kitẹ tawe mẹ̌tiněna kerene.
Jason něngakui, ”Su tempong taumata wal᷊inẹ nakaěbạ hak istimewa, pẹ̌sěngsul᷊ẹ iạ mětẹ̌tiněna kawe nụe iạ tawe nipile.” Apa i kau bọu nẹ̌pěndang kerene? Tawe nẹ̌sal᷊a mạeng i kitẹ mẹ̌tawakal᷊i makaěbạ hak istimewa. (14. Apa kaěndungang i kitẹ bọu reaksing i Musa su tempong taumata wal᷊inẹ nakaěbạ hak istimewa?
14 I kitẹ botonge makaěndung bọu reaksing i Musa su tempong taumata wal᷊inẹ nakaěbạ hak istimewa. Musa sěbạe měngẹ̌ngarěga tugase měngahạ bangsa Israel. Kerea reaksing i Musa su tempong Yehuwa něgělị kawasa su taumata wal᷊inẹ gunang měhal᷊ẹ̌ sěngkasio dingange? I sie tawe iri. (Bil. 11:24-29) I sie masanạ naung dingangu němala taumata wal᷊inẹ nẹ̌tul᷊ung si sie menghakimi bangsa Israel. (Kel. 18:13-24) Ual᷊ingu piạ lawọ hakim, bangsa Israel seng tawe harusẹ̌ měngampal᷊ẹ̌ marěngụ mạeng i sire makitul᷊ung su hakim. Ini něnodẹ hal᷊ẹ̌ limembong penting si Musa ute mẹ̌tul᷊ung taumata wal᷊inẹ sul᷊ungu makaěbạ lawọ hak istimewa. Ini kai pẹ̌tatěnoěng sěbạe mapaelẹ̌! Pẹ̌tahěndung, mạeng i kitẹ mapulu paketang i Yehuwa, kasasanạu naung i kitẹ harusẹ̌ limembong gěguwạ bọu kemampuan i kitẹ. Maning ”Yehuwa mawantugẹ̌, i Sie měmẹ̌manda taumata masanạ naung”.—Mz. 138:6.
15. Situasi wuhu apa tẹ̌tatěngongu anạu sěmbaụ?
15 Su tempong piạ situasi wuhu. Buhu ini, lawọ anạu sěmbaụ apang seng taunge někoạ kapulung Yehuwa nakaěbạ pẹ̌bawal᷊ui su tugasẹ̌. Contone, su taung 2014, organisasi něngatorẹ̌ seng tawẹ apa pengawas
distrik. Hakị u ene, manga pengawas distrik dingangu kawing i sire nighělịkangu tugasẹ̌ bal᷊inẹ. Něnětạ taung ene lai, organisasi něngatorẹ̌ mạeng umuru pengawas wilayah seng 70 su taunge, i sie seng tawe makoạ pengawas wilayah. Kụ, saudara umure 80 su taunge seng tawe makoạ koordinator badan penatua. Bọu ene lai, su pira taung ini, lawọ taumata su Betel nakaěbạ tugasẹ̌ makoạ perintis. Sěnggạe wue harusẹ̌ měngědo bọu dinas sepenuh waktu ual᷊ingu masakị, piạ tanggung jawab keluarga, arau alasang bal᷊inẹ.16. Kerea anạu sěmbaụ něnodẹ kasasanạu naung dingangu něnarimạ pẹ̌bawal᷊ui?
16 Anạu sěmbaụ ene nẹ̌pěndang tumatěngo manga pẹ̌bawal᷊ui ene tawe gampang. I sire sěbạe puluang su tugasi sire kal᷊imona, kụ piạ lai seng taunge měkẹ̌koạ tugasẹ̌ ene. Pirang katau sěbạe nasusah naung ual᷊ingu harusẹ̌ měněntang tugasẹ̌ ene. Katewe, samurine i sire nakakoạ timatěngo pẹ̌bawal᷊ui ene. Kawe nụe? Alasang kahumotongange, ual᷊ingu i sire makěndagẹ̌ si Yehuwa. I sire masingkạ i sire seng nẹ̌diandi měgělị watangeng i sire su Mawu, bal᷊inẹ su sěmbaụ tugasẹ̌ arau tanggung jawab. (Kol. 3:23) I sire mal᷊uasẹ̌ nẹ̌tahamawu si Yehuwa dingangu kasasanạu naung su haghing tugasẹ̌. I sire ’něnarakang kěbị kaghaghěnggang i sire si Sie’, ual᷊ingu masingkạ i Sie mapadul᷊i si sire.—1 Ptr. 5:6, 7.
17. Kawe nụe i kitẹ sěbạe mal᷊uasẹ̌ ual᷊ingu Alkitapẹ̌ němahangsang si kitẹ gunang masanạ naung?
17 I kitẹ sěbạe mal᷊uasẹ̌ ual᷊ingu Alkitapẹ̌ němahangsang si kitẹ gunang masanạ naung. Mạeng masanạ naung, i kitẹ dingangu taumata wal᷊inẹ sarung makaěbạ gunane. I kitẹ lai botonge limembong mapaelẹ̌ tumatěngo kasasusah su pěbawiahẹ̌. Kụ limembong penting, i kitẹ sauneng mědal᷊ahapị mapia dingangi Amang i kitẹ su sorga. I kitẹ sěbạe mal᷊uasẹ̌ ual᷊ingu maning i Sie ”Mawu Karangetange”, i Sie makěndagẹ̌ dingangu měngẹ̌ngarěga manga ělang’E apang masanạ naung!—Yes. 57:15.
KAKANTARỊ 45 Tiněnang Naungku
^ par. 5 Sěmbaụ sipatẹ̌ sěbạe penting harusẹ̌ piạ si kitẹ ene kai kasasanạu naung. Apa kasasanạu naung ene? Kawe nụe i kitẹ harusẹ̌ masanạ naung? Kụ kawe nụe masigěsạ tatapẹ̌ masanạ naung su tempong situasi nẹ̌bal᷊ui? I kitẹ sarung měngěndung tatělu kakiwal᷊o penting ini.
^ par. 7 Pěmanda artikel ”Yehuwa Telah Berbuat Baik Kepadaku” su Menara Pengawal seri 4 taung 1984.
^ par. 8 Pěmanda psl. 3, par. 23.
^ par. 53 KETERANGAN GAMBARẸ̌: Su wal᷊eng sěngkatau saudara, Paulus dingangu kasasanạu naung nědal᷊ahapị dingangu kěbị taumata, sarang lai manga rariọ.
^ par. 57 KETERANGAN GAMBARẸ̌: Sěngkatau saudara něnarimạ sasasa bọu Alkitapẹ̌ nighělịu sěngkatau saudara limembong mangudạ.
^ par. 59 KETERANGAN GAMBARẸ̌: Saudara maghurang tawe iri su saudara mangudạ seng nakatarimạ hak istimewa su sidang.