1922—nūru varushangalukku munbu
‘yēsu kristhuvin mūlam [kadavul] namakku vetri tharugiraar.’ (1 ko. 15:57) idhudhaan 1922-kkaana varudaandhara vasanam. yegōvaavukku unmaiyaaga irundhaal kandippaaga aasīrvaadham kidaikkum endra urudhiyai baibil maanaakkargalukku indha vasanam kodutthadhu. indha vasanam solgira maadhiri, andha varusham surusuruppaaga ūliyam seidha avargalai yegōvaa aasīrvadhitthaar. andha varushatthildhaan avargalaagavē butthagangalai achaditthu bainding seiya aarambitthaargal. nalla seidhiyai rēdiyōvil oliparappavum aarambitthaargal. yegōvaa avargalai aasīrvadhikkiraar enbadhu adhē varushatthin kadaisiyil marubadiyum thelivaaga therindhadhu. amerikkaavil, ohaayōvil irukkira sīdar paayinttil baibil maanaakkargal oru maanaattai nadatthinaargal. andha maanaadu yegōvaavudaiya amaippil nadakkira vēlaiyil oru periya thiruppumunaiyaaga irundhadhu.
“semma aidiyaa”
prasanga vēlai sūdupidikka aarambitthavudan niraiya prasurangal thēvaippattana. bruklinil irukkum sagōdharargal patthirikaigalai avargalē print seidhaargal. aanaal, butthagangalai print seiya matra kampanigalaitthaan nambiyirundhaargal. piragu oru kattatthil, ūliyatthukku thēvaiyaana alavukku butthagangalai print seiya andha kampanigalaal mudiyavillai. ippadiyē pala maadhangal pōnadhaal, fēktri mēnējaraaga irundha sagōdharar raabart maartinidam sagōdharar radharfōrd, ‘nammalē butthagangala print senjaa enna?’ endru kēttaar.
niyu yaark, bruklinil kankaard theruvil irundha fēktri
“adhu semma aidiyaavaa irundhuchu. butthagangala thayaarikka oru pudhu fēktriyaiyē thirakka vēndiyirundhuchu” endru sagōdharar maartin pirpaadu sonnaar. adharkaagavē bruklinil en 18, kankaard theruvil oru idatthai sagōdharargal līsukku edutthaargal. thēvaiyaana meshingalaiyum vaangippōttaargal.
aanaal, idhai paartthu ellaarumē sandhōshappadavillai. namakku butthagangalai print seidhu koduttha oru kampaniyin thalaivar, nam pudhu fēktriyai vandhu paartthaar. piragu avar, “bayangaramaana meshinellaam vaangippōttirukkīnga. aanaa inga irukkura oruttharukkukkūda adha eppadi payanpadutthanumnu theriyaadhu. innum aarē maasatthula idhellaam kuppaikkutthaan pōgappōgudhu paarunga” endru sonnaar.
“avar sonnadhu nyaayamaadhaan therinjudhu. aanaa yegōvaa eppavumē engakūda irundhirukkaaru, adhu avarukku theriyala” endru sagōdharar maartin sonnaar. sagōdharar maartin sonna maadhiri yegōvaa avargal kūdavē irundhirukkiraar. sīkkiratthilēyē pudhu fēktriyil oru naalaikku 2000 butthagangal thayaarikkappattana.
fēktriyil achu iyandhirangalukku pakkatthil sagōdharargal nirkiraargal
rēdiyō mūlam aayirakkanakkaanavargalukku saatchi
sondhamaaga butthagangalai print seidhadhu mattumillaamal, nalla seidhiyai solvadharku yegōvaavudaiya makkal innoru pudhu muraiyaiyum payanpadutthinaargal. adhudhaan rēdiyō oliparappu. 1922, pibravari 26, nyaayitrukkilamai madhiyam, sagōdharar radharfōrd mudhal muraiyaaga rēdiyōvil pēsinaar. amerikkaavil kalifōrniyaavil irukkira laas ēnjalsilulla KOG rēdiyō stēshanil, “ippōdhu vaalum latchakkanakkaanōr ini marippadhillai” endra pēchai avar kodutthaar.
ērakkuraiya 25,000 pēr indha pēchai kēttaargal. indha rēdiyō oliparappukkaaga nandri solli silar kadidhangalaiyum eludhiyirundhaargal. adhil oruvardhaan villērd aashfōrd. ivar kalifōrniyaavilulla saantaa anaavil kudiyirundhaar. “arumaiyaaga... svaarasyamaaga...” pēchu kodutthadhukkaaga sagōdharar radharfōrdai paaraatti avar kadidham eludhiyirundhaar. adhōdu, “indha rēdiyō oliparappu mattum illannaa nīnga pakkatthu theruvula vandhu pēchu kodutthirundhaakūda engalaala kēttirukka mudiyaadhu. ēnnaa enga vīttula mūnu pēru udambu mudiyaama irukkaanga” endru avar eludhiyirundhaar.
adharku piragu innum niraiya pēchugalum rēdiyōvil oliparappaayina. andha varushatthin mudivil “kuraindhadhu 3,00,000 pēraavadhu nalla seidhiyai rēdiyō valiyaaga kēttiruppaargal” endru kaavarkōburam sonnadhu.
rēdiyō oliparappukku ivvalavu periya varavērpu kidaitthadhaal bruklinukku pakkatthil irundha stēttan thīvil oru rēdiyō stēshanai katta baibil maanaakkargal mudivu seidhaargal. aduttha sila varushangalukku andha stēshanai payanpadutthidhaan nalla seidhiyai ellaa idangalukkum parappa vēndum endru baibil maanaakkargal ninaitthaargal. andha rēdiyō stēshanukku peyar WBBR.
“ADV”
jūn 15 1922, kaavarkōburatthil oru arivippu vandhadhu. septambar 5-13-il, ohaayōvilulla sīdar paayinttil oru maanaadu nadakkappōvadhaaga adhil sollappattirundhadhu. baibil maanaakkargal ellaarum bayangara aarvatthōdum parabarappōdum sīdar paayinttukku vandhu kuvindhaargal.
mudhal pēchai sagōdharar radharfōrd kodutthaar. “yegōvaa . . . indha maanaatta aasīrvadhippaar appadīngaradhula enakku asaikka mudiyaadha nambikkai irukku. indha ulagam mulukka idhuvaraikkum illaadha alavukku saatchi kodukka avar kandippaa udhavi seivaaru” endru adhil sonnaar. andha maanaattil pēchu koduttha ellaa sagōdharargalum prasanga vēlaiyai seiya sollitthaan thirumba thirumba urchaagappadutthinaargal.
1922-il ohaayō, sīdar paayinttil nadandha maanaadu
piragu septambar 8, vellikkilamai andru kittatthatta 8000 pēr andha mandratthukku vandhu kuvindhaargal. sagōdharar radharfōrdin pēchai kētka ellaarum aasaiyaaga irundhaargal. maanaattu alaippidhalil irundha “ADV” endra elutthugalukku enna arttham sollappōgiraar enbadhai kētka aarvamaaga kaatthirundhaargal. mēdaikku mēl oru periya bēnar surutti, aanigalil katti vaikkappattirundhadhai angirundha niraiya pēr paartthaargal. amerikkaavil ōklagaamaavil irukkira talsaavilirundhu sagōdharar aartthar klaas andha maanaattukku vandhirundhaar. andha mandratthilēyē pēchu engē nandraaga kētkum endru paartthu angē pōi avar utkaarndhaar. maikkum spīkkarum illaadha andha kaalatthil andha maadhiri oru sīt avarukku kidaitthadhu oru periya vishayam.
“naanga oru vaarttha vidaama romba gavanamaa kēttuttu irundhōm”
sagōdharar radharfōrd pēchu kodukkumpōdhu endha thondharavum irukka kūdaadhu enbadharkaaga, lēttaaga varugiravargalukku mandratthukkul anumadhi illai endru chērmen arivippu seidhaar. kaalai 9.30-kku sagōdharar radharfōrd pēchai kodukka aarambitthaar. eduttha udanēyē, “paralōga arasaangam nerungi vandhuvittadhu” endru matthēyu 4:17-il yēsu sonna vaartthaigalai sonnaar. indha arasaangatthai patri manidhargal ellaarum eppadi therindhukolvaargal endru pēsikkondirundhapōdhu, “yēsuvē avarōda prasannatthappō makkal matthiyila oru aruvadai seiya pōradhaavum, kadavulukku unmaiyaavum utthamamaavum irukkuravangala kūttichērkka pōradhaavum solliyirukkaaru” endru avar sonnaar.
“naanga oru vaarttha vidaama romba gavanamaa kēttuttu irundhōm” endru sagōdharar klaas sonnaar. aanaal, thidīrendru udambukku ēdhō pannuvadhupōl irundhadhaal avar mandratthaivittu veliyē pōga vēndiyirundhadhu. pōnaal thirumba vara mudiyaadhē endru yōsitthukkondē avar thayangi thayangi veliyē pōnaar.
sila nimishangalilēyē udambu sariyaagivittadhupōl avarukku thōndriyadhu. thirumbavum mandratthukku pakkatthil avar vandhapōdhu ellaarum balamaaga kaithattum sattham avarukku kēttadhu. udanē avar parabarappaagivittaar. adhanaal, kūraimēl ēriyaavadhu mīdhi pēchai kēttuvida vēndum endru avar mudivu seidhaar. appōdhu avarukku 23 vayadhudhaan. adhanaal, ninaittha maadhiriyē avar kūraimēl ērivittaar. kūraiyai ottiyirundha jannalgal thirandhirundhana. adhanaal, andha jannalgalukku pakkatthil pōnapōdhu “pēcha nallaa kēkka mudinjudhu” endru avar sonnaar.
kūrai mēlē sagōdharar klaasin nanbargalum irundhaargal. adhil oruvardhaan frēnk jaansan. avar klaasidam ōdivandhu, “kūrmaiyaana katthi ēdhaavadhu vechirukkiyaa?” endru kēttaar.
“mm.. vechirukkēn” endru klaas sonnaar.
“idhukkaagatthaan jebam senjittē irundhōm” endru frēnk sonnaar. piragu, “anga perusaa onnu theriyudhula, adhu oru bēnar. adha aaniyila katti vechirukkōm. nīdhibadhi a pēsuradha nallaa gavani. avar eppō ‘vilambarappadutthungal, vilambarappadutthungal’nu solraarō appō andha naalu kayiraiyum arutthuvidanum” endru sonnaar.
sagōdharar klaas, kaiyil katthiyōdu rediyaaga irundhaar. sagōdharar radharfōrd eppōdhu andha vaartthaigalai solvaar endru avarum avarudaiya nanbargalum kaatthukkondirundhaargal. sagōdharar radharfōrd avarudaiya pēchai mudikkum nēram vandhadhu. avar aarvatthudippōdu, mandramē adhirum alavukku satthamaaga ippadi sonnaar: “ejamaanukku unmaiyaana saatchigalaa, visuvaasamaana saatchigalaa irunga. baabilōn suvadu theriyaama aliyara varaikkum ungalōda pōraattattha vidaadhīnga. mūlamudukkellaam pōi nalla seidhiya parappunga. yegōvaadhaan kadavul... yēsu kristhudhaan raajaakkalukkellaam raajaa... ejamaangalukkellaam ejamaan... idha indha ulagam therinjukkanum. idhu saritthiratthilayē mukkiyamaana oru kaalam. idhō, raajaa aatchi seiraaru! nīngadhaan avarōda pradhinidhigal. adhanaala, raajaavaiyum avarōda raajyatthaiyum vilambarappadutthunga, vilambarappadutthunga, vilambarappadutthunga.”
klaasum avarudaiya nanbargalum ellaa kayiraiyum arutthuvitta udanēyē, surundu irundha bēnar alagaaga virindhu appadiyē thongiyadhu. “raajaavaiyum avarudaiya raajyatthaiyum vilambarappadutthungal” endru adhil eludhiyirundhadhu. vilambarappadutthungal endra aangila vaartthaikkaana surukkamdhaan “ADV.”
oru mukkiyamaana vēlai
sīdar paayinttil nadandha maanaadu, prasanga vēlaiyai oru mukkiyamaana vēlaiyaaga paarkka sagōdharargalukku udhavi seidhadhu. avargal ellaarum manappūrvamaagavum sandhōshamaagavum indha vēlaiyai seidhaargal. amerikkaavil ōklagaamaavilirundha oru kaalpaarttar, adhaavadhu oru payaniyar, ippadi eludhinaar: “naanga ūliyam senja pagudhiyila nilakkari surangatthula vēla paartthavangadhaan niraiya pēr irundhaanga. avanga ellaarum romba ēlaigalaa irundhaanga. gōldan ēj patthirikaiyila irukkura seidhiya avanga kēttappō ellaam avangalla niraiya pēr kannīrvittu aludhuttaanga. avangalukku aarudhal solradhu unmailayē periya baakkiyam.”
“aruvadai adhigamaaga irukkiradhu, aanaal vēlaiyaatkal kuraivaaga irukkiraargal” endru yēsu sonna vaartthaigalai baibil maanaakkargal eppōdhumē manadhil vaitthirundhaargal. (lū. 10:2) adhanaal avasara unarvōdu ūliyam seidhaargal. 1922 mudivukku vandhadhu, aanaal nalla seidhiyai mūlaimudukkellaam arivikka vēndum endra avargaludaiya aasai pala madangu adhigamaagivittadhu.
a sagōdharar radharfōrdai silasamayam “nīdhibadhi” endrum kūppittaargal. ēnendraal, amerikkaavilulla missauriyil avvappōdhu avar nīdhibadhiyaaga irundhirukkiraar.
