1. baibil kaalangalil rotti eppadippatta unavaaga irundhadhu?

 baibil kaalangalil makkaludaiya mukkiya unavē rottidhaan. (aadhi. 18:6; lū. 9:3) sollappōnaal, baibilil sila idangalil unavai kurippiduvadharku “rotti” endra vaartthai payanpadutthappattirukkiradhu. (1 raa. 17:11, 12) yēsu seidha prabalamaana arpudhangalil irandu arpudhangal, unavu koduppadhōdu sambandhappattirundhadhu. (mat. 16:9, 10) adhil ondru, yōvaan 6-vadhu adhigaaratthil irukkiradhu. indha arpudhatthilirundhu naam enna katrukkollalaam endru paarkkalaam.

 2. aayirakkanakkaana makkalukku unavu kodukka vēndiya sūlnilai ēn vandhadhu?

² yēsuvum avarudaiya appōsthalargalum ūliya payanatthai muditthuvittu varugiraargal. oru padagil ēri galilēyaa kadalil payanam seidhu, bethsaayidhaa endra idatthukku pakkatthil irukkira thanimaiyaana oru idatthukku yēsu avargalai kūttikkondu varugiraar. avargal ōiveduppadharkaaga appadi seidhaar. (maar. 6:7, 30-32; lū. 9:10) aanaal, sīkkiratthilēyē aayirakkanakkaana makkal yēsuvai thēdi angē vandhu kuvindhuvidugiraargal. yēsu avargalai thattikkalikkavillai. romba anbaaga niraiya nēram edutthu kadavuludaiya arasaangatthai patri avargalukku sollikkodukkiraar. udambu sariyillaadhavargalai sugappadutthugiraar. ippōdhu romba nēram aagivittadhu. adhanaal, angē irukkira makkal enna saappiduvaargal endru sīshargal yōsikka aarambitthaargal. angē vandhirundha silaridam konjam unavu mattumē irundhirukkalaam; matravargal oruvēlai unavai vaanga graamangalukku pōga vēndiyirundhirukkalaam. (mat. 14:15; yōvaa. 6:4, 5) indha sūlnilaiyil yēsu enna seivaar?

arpudhamaaga kodukkappatta unavu

 3. yēsu than appōsthalargalidam makkalukkaaga enna seiya sonnaar? (padatthai paarungal.)

³ yēsu thannudaiya appōsthalargalidam, “ivargal pōga vēndiyadhillai; nīngalē ivargalukku ēdhaavadhu saappida kodungal” endru  sonnaar. (mat. 14:16) aanaal idhu eppadi saatthiyam endru appōsthalargal yōsitthirukkalaam. ēnendraal, angē aangal mattumē kittatthatta 5,000 pēr irundhaargal. pengal, kulandhaigal endru ellaaraiyum sērtthaal kittatthatta 15,000 pēr irundhiruppaargal. (mat. 14:21) andha samayatthil andhirēyaa, “idhō, ingirukkira oru siruvanidam aindhu baarli rottigalum irandu siriya mīngalum irukkindrana. aanaal, itthanai pērukku adhu eppadi pōdhum?” endru kēttaar. (yōvaa. 6:9) andrirundha makkal podhuvaaga baarli rottigalai saappittaargal. andha siruvan vaitthirundha irandu siriya mīngal karuvaadaaga irundhirukkalaam. idhai mattum vaitthu itthanai pērukku saappaadu kodukka mudiyumaa enna?

 4. yōvaan 6:11-13-lirundhu naam enna katrukkolgirōm? (padangalaiyum paarungal.)

⁴ makkalai yēsu ubasarikka ninaitthaar. angē irundhavargalai pulveliyil chinna chinna kūttamaaga utkaara sonnaar. (maar. 6:39, 40; yōvaan 6:11-13-ai vaasiyungal.) adharku piragu rottikkaagavum mīnukkaagavum yēsu thannudaiya appaavukku nandri sonnaar endru baibil solgiradhu. andha samayatthil yēsu yegōvaavidam nandri sonnadhu romba porutthamaaga irundhadhu. ēnendraal, unavu yegōvaavidamirundhudhaan varugiradhu. saappiduvadharku munbu naam kandippaaga jebam panna vēndum enbadhai yēsuvin udhaaranatthilirundhu katrukkolgirōm—naam thaniyaaga irundhaalum sari, nammai sutri niraiya pēr irundhaalum sari! adharku piragu yēsu rottiyai ellaarukkum pagirndhu kodutthaar. makkal ellaarum vayiraara thirupthiyaaga saappittaargal. michamīdhikūda irundhadhu! vīnaagividaadhapadi adhaiyellaam yēsu edutthu vaikka sonnaar. oruvēlai, piragu adhu prayōjanamaaga irukkum enbadhaal yēsu appadi solliyirukkalaam. idhilirundhukūda oru paadatthai katrukkolla mudiyum. endha porulaiyum naam vīnadikka kūdaadhu. nīngal oru petrōraaga irundhaal indha padhivai ungal pillaigalōdu sērndhu padiyungal. jebam pannuvadhai patriyum, matravargalai ubasarippadhai patriyum, dhaaraala gunatthai kaattuvadhai patriyum avargalukku indha padhivilirundhu sollikkodungal.

 5. yēsu seidha arpudhangalai paartthu makkal enna seidhaargal, appōdhu yēsu enna seidhaar?

 ⁵ yēsu sollikkoduttha vidhatthaiyum, avar seidha arpudhangalaiyum paartthu makkal aachariyappattaargal. edhirkaalatthil oru periya thīrkkadharisiyai kadavul eluppuvaar endru mōsē vaakku kodutthadhu avargalukku theriyum. ‘ivardhaan avarō?’ endru avargal yōsitthirukkalaam. (ubaa. 18:15-18) ‘oruvēlai adhu unmaiyaaga irundhaal, ivar oru nalla aatchiyaalaraaga iruppaarē! mulu dhēsatthukkum ivaraal unavu kodukka mudiyumē’ endru avargal yōsitthirukkalaam. adhanaal, angirundha makkal, avarai “piditthu raajaavaakka” muyarchi panninaargal. (yōvaa. 6:14, 15) oruvēlai idharku yēsu idam kodutthirundhaal, rōma aatchikku kīlirundha yūdhargaludaiya arasiyal vishayangalil avarum thalaiyiduvadhupōl aagividum. avar appadi seidhaaraa? illavē illai. makkaludaiya ennatthai therindhukonda yēsu andha idatthilirundhu kilambi ‘malaikku pōnaar’ endru baibil solgiradhu. makkal avarai varpurutthinaalum yēsu arasiyalil thalaiyidavē illai. idhu namakku oru nalla paadam, illaiyaa?

 6. naam eppadi yēsu maadhiriyē nadandhukollalaam? (padatthaiyum paarungal.)

⁶ arpudhamaaga matravargalukku unavu kodukka vēndum endrō, vyaadhippattavargalai gunappaduttha vēndum endrō, oru aatchiyaalaraaga aaga vēndum endrō yaarum nammidam solla maattaargal. aanaal, ōttu pōda solli nammai arasiyalil īdupada vaikkalaam. alladhu, avargalukku pidittha thalaivargalukku aadharavu kodukka solli nammai varpurutthalaam. indha maadhiri sūlnilaigalil yēsu namakku nalla munmaadhiriyaaga irukkiraar. avar arasiyal vishayangalil thalaiyidavillai. “ennudaiya arasaangam indha ulagatthin paagamalla” endrukūda avar orusamayam sonnaar. (yōvaa. 17:14; 18:36) kristhavargal indha  vishayatthil yēsu maadhiriyē yōsikkiraargal; avar maadhiriyē nadandhukolgiraargal. kadavuludaiya arasaangam vara vēndum endru jebam pannugiraargal. (mat. 6:10) adhai aadharikkiraargal. adhai patri matravargalukku solgiraargal. sari, makkalukku yēsu arpudhamaaga rottiyai koduttha padhivukku thirumbavum pōgalaam. adhilirundhu vēru ennavellaam katrukkollalaam endru paarkkalaam.

rottigalin arttham

 7. yēsu enna seidhaar, adhai paartthadhu appōsthalargalukku eppadi irundhadhu, aanaal avargal edhai purindhukollavillai? (yōvaan 6:16-20)

⁷ arpudhamaaga rottiyai makkalukku koduttha piragu, yēsu avarudaiya appōsthalargalai padagil ēri kapparnagūmukku pōga sonnaar. makkal yēsuvai raajaavaakka muyarchi seidhadhaal, avar avargalidamirundhu vilagi malaikku pōnaar endru paartthōm. (yōvaan 6:16-20-ai vaasiyungal.) appōsthalargal padagil pōikkondirundha samayatthil bayangaramaana puyal kaatru aditthadhu. alaigal padagai alaikkalitthadhu. appōdhu yēsu avargalidam vandhaar. adhuvum thannīrmēl nadandhuvandhaar. adhēpōl appōsthalan pēdhuruvaiyum thannīrmēl nadandhuvara sonnaar. (mat. 14:22-31) yēsu padagil ēriya piragu, kaatru appadiyē adangivittadhu. idhai paartthu appōsthalargal bramitthu pōivittaargal. “nīngal unmaiyilēyē kadavuludaiya magandhaan” endru sonnaargal. a (mat. 14:33) aanaal, indha arpudhatthukkum, yēsu satru munbu seidha arpudhatthukkum pinnaalirundha mukkiyamaana vishayatthai avargal purindhukollavillai. adhai patri maarku oru vivaratthai solgiraar: “adhai paartthu [appōsthalargal] migavum bramitthuppōnaargal. arpudhamaai rottigalai kodutthavaraal indha arpudhatthaiyum seiya mudiyum enbadhai avargal purindhukollavillai; idhaiyellaam purindhukolla mudiyaadhapadi avargaludaiya idhayam mandhamaagavē irundhadhu.” (maar. 6:50-52) arpudhangalai seivadharku yēsuvukku yegōvaa endhalavukku sakthi kodutthirundhaar enbadhai avargal purindhukollaamal pōivittaargal. adhanaal, sīkkiratthilēyē rottiyai arpudhamaaga kodutthadhai patri yēsuvē pēsa aarambitthaar. adhilirundhu innoru paadatthai yēsu namakku sollikkodukkiraar.

8-9. makkal ēn yēsuvai thēdi pōnaargal? (yōvaan 6:26, 27)

⁸ yēsu endha idatthil saappaadu kodutthaarō adhē idatthukku avarai thēdi makkal aduttha naalum vandhaargal. aanaal yēsuvum appōsthalargalum angē illai. adhanaal, thibēriyaavilirundhu vandha padagugalil ēri kapparnagūmukku yēsuvai thēdi vandhaargal. (yōvaa. 6:22-24) kadavuludaiya arasaangatthai patri avaridamirundhu niraiya katrukkolla vēndum endra ennatthōdu vandhaargalaa? illai. thangal vayitrai nirappuvadharkaagatthaan vandhaargal. adhu eppadi namakku theriyum?

⁹ avargal saappaattai thēditthaan avaridam vandhirukkiraargal enbadhai yēsu velippadaiyaaga sonnaar. adhaavadhu, mundhina naal avargal “rottigalai saappittu thirupthiyaanadhaaldhaan” thannai thēdi vandhirukkiraargal endru sonnaar. “alindhupōgum unavukkaaga alla, mudivillaadha vaalvai tharum aliyaadha unavukkaagavē paadupadungal” endru avargalidam sonnaar. (yōvaan 6:26, 27-ai vaasiyungal.) mudivillaadha vaalvai tharum oru unavaa?! idhai kēttu andha makkal kandippaaga aachariyappattiruppaargal. appadiyoru unavu unmaiyilēyē irukkiradhaa? andha unavu kidaippadharku avargal enna seiya vēndum?

10. mudivillaadha vaalvu vēndumendraal makkal enna seiya vēndum?

¹⁰ appadippatta oru unavu kidaikka vēndumendraal, ēdhōvoru vishayatthai seiya vēndiyirukkumō endru andha yūdhargal yōsitthirukkalaam. oruvēlai, thiruchattatthil sollappatta sila seyalgalai seiya vēndumendru yēsu solgiraarō endru avargal ninaitthirukkalaam. aanaal yēsu ippadi sonnaar: “kadavul ungalai ētrukkolvadharku, avaraal anuppappattavarmēl nīngal visuvaasam vaikka vēndum.” (yōvaa. 6:28, 29) ‘mudivillaadha vaalvu’ vēndumendraal kadavulaal anuppappattavarmēl visuvaasam vaippadhu mukkiyam. idhai patri munbukūda yēsu solliyirukkiraar. (yōvaa. 3:16-18, 36) piragumkūda, idhai patri yēsu pēsavirundhaar.—yōvaa. 17:3.

11. thangal gavanamellaam saappaattin mēldhaan irundhadhu enbadhai andha makkal eppadi kaattinaargal? (sangīdham 78:24, 25)

¹¹ yēsumēl “visuvaasam vaikka vēndum” enbadhai andha yūdhargal ētrukkollavillai. avargal avaridam, “ungalai nambuvadharku naangal paarkkumpadi  enna adaiyaalatthai kaattappōgirīrgal?” endru kēttaargal. (yōvaa. 6:30) mōsēyin naatkalil, isravēlargalukku vaanatthilirundhu mannaa kidaitthadhē endru avargal yēsuvidam sonnaargal; adhudhaan isravēlargalin dhinasari unavaaga irundhadhu. (ne. 9:15; yōvaa. 6:31 sangīdham 78:24, 25-ai vaasiyungal.) idhilirundhu enna therigiradhu? vayitrai nirappuvadhai patri mattumdhaan avargal yōsitthaargal. adutthu, yēsu avargalidam “paralōgatthilirundhu [varugira] unmaiyaana unavai” patri sonnaar. (yōvaa. 6:32) indha unavu, mannaa maadhiri kidaiyaadhu. idhu avargalukku mudivillaadha vaalvai kodukkum. yēsu enna sollavarugiraar endra unmaiyaana artthatthai avargal purindhukolla muyarchikūda edukkavillai. mudivillaadha vaalvu kidaippadharku makkal enna seiya vēndum enbadhai patri yēsu angē sollikkondirundhaar. aanaal avargaludaiya gavanamellaam saappaadu kidaikkumaa enbadhilēyē irundhadhu. indha padhivilirundhu naam enna katrukkolgirōm?

nammudaiya gavanamellaam edhil irukka vēndum?

12. nammudaiya gavanamellaam edhil irukka vēndum?

¹² yōvaan 6-vadhu adhigaaratthil namakku oru mukkiyamaana paadam irukkiradhu. yegōvaavukku kīlppadindhu avarōdu oru nalla bandhatthai vaitthukkolvadhilēyē nammudaiya mulu gavanamum irukka vēndum. yēsuvai saatthaan sōdhittha samayatthilkūda saappaattaivida yegōvaavukku kīlppadivadhudhaan mukkiyam enbadhai yēsu kaattinaar. (mat. 4:3, 4) malai prasangatthilkūda aanmīga vishayangalil aarvappasiyaaga irukkiravargaldhaan sandhōshamaanavargal endru yēsu sonnaar. (mat. 5:3) adhanaal, nammai naamē ippadi kēttukkollalaam: ‘naan vaalkkaiyil edhai mukkiyamaaga ninaikkirēn? ennudaiya aasaigalai niraivētruvadhilēyē en gavanamellaam irukkiradhaa? alladhu, yegōvaavōdu irukkira bandhatthai mukkiyamaaga ninaikkirēnaa?’

13. (a) saappaattai sandhōshamaaga saappiduvadhil ēdhaavadhu thavaru irukkiradhaa? vilakkungal. (b) pavul namakku enna echarippai kodutthirukkiraar? (1 korindhiyar 10:6, 7, 11)

¹³ nammudaiya thēvaigalukkaaga jebam seivadhil thavarillai; avatrai anubavippadhilum thavarillai. (lū. 11:3) sollappōnaal, kadinamaaga ulaikkumpōdhu nammaal nandraaga “saappittu, kuditthu” sandhōshamaaga irukka mudiyum; idhu “unmai kadavuludaiya kaiyilirundhudhaan varugiradhu” endru baibil solgiradhu. (pra. 2:24; 8:15; yaak. 1:17) adhēsamayatthil, porul sambandhappatta vishayangalai, vaikka vēndiya idatthil vaikka vēndum. idhai patri appōsthalan pavul andru vaalndha kristhavargalai echaritthaar. isravēlargaludaiya saritthiratthil nadandha sila sambavangalai avargalukku edutthu sonnaar. sīnaai malaikku pakkatthil irundhapōdhu enna nadandhadhu enbadhaikkūda avargalukku nyaabagappadutthinaar. ‘ketta kaariyangalai virumbiya’ isravēlargal maadhiri irukka kūdaadhu endru echaritthaar. (1 korindhiyar 10:6, 7, 11-ai vaasiyungal.) isravēlargalukku yegōvaa arpudhamaaga saappaadu kodutthaar. aanaal avargaludaiya pēraasaiyaal adhuvē ‘ketta kaariyamaaga’ maarivittadhu. (en. 11:4-6, 31-34) kandrukkutti silaiyai avargal vanangiya samayatthil, yegōvaavukku kīlppadivadharku badhilaaga nandraaga saappittu kuditthu sandhōshamaaga nēratthai selavu seivadhai mukkiyamaaga ninaitthaargal. (yaath. 32:4-6) pavul indha vishayangalai, ki.pi. 70-il erusalēmin alivukku munbu vaalndhukondirundha kristhavargalukku sonnaar. naamum indha ulagatthin alivukku munbu vaalndhukondirukkirōm. isravēlargal seidha adhē thavarai naamum seidhuvidaamal irukka pavul koduttha aalōsanai namakku udhavum.

14. pudhiya ulagatthil kidaikkappōgum unavai patri baibil enna solgiradhu?

¹⁴ “indraikku thēvaiyaana unavai engalukku kodungal” endru jebam seiya yēsu sollikkodutthapōdhu, kadavuludaiya viruppam ‘paralōgatthil niraivēruvadhupōl būmiyilum niraivērappōgum’ oru kaalatthai manadhil vaitthirundhaar. (mat. 6:9-11) andha samayam eppadi irukkum endru konjam karpanai seidhupaarungal! ellaarukkumē nalla aarōkkiyamaana unavu kidaikka vēndum enbadhudhaan kadavuludaiya viruppam. ēsaayaa 25:6-8 solgira maadhiri, makkal sandhōshamaaga saappiduvadharku ēraalamaana unavu irukkum. sangīdham 72:16 ippadi solgiradhu: “būmiyil ēraalamaaga dhaaniyam vilaiyum. malaigalin uchiyilkūda adhu nirambi valiyum.” andha samayatthil būmiyil vilaigira dhaaniyangalai payanpadutthi ungalukku pidittha saappaattai samaikka aasaiyaaga kaatthirukkirīrgalaa? pudhidhu pudhidhaaga... vagai vagaiyaaga... samaikka aasaiyaaga irukkirīrgalaa? ungal thōttatthil vilaindha suvaiyaana dhraatchai palangalai rusikka ēkkamaaga irukkirīrgalaa? (ēsaa. 65:21, 22) ellaarukkum ellaamē kidaikkira oru kaalamaaga adhu irukkum.

15. uyirtthelundhu varugiravargal edhai patriyellaam katrukkolvaargal? (yōvaan 6:35)

 ¹⁵ yōvaan 6:35-ai vaasiyungal. yēsu koduttha unavai andru saappitta aatkalukku enna edhirkaalam kaatthirukkiradhu? avargalil silar pudhiya ulagatthil uyirtthelundhu varalaam. naam avargalai sandhikkakkūda vaaippu irukkiradhu. andraikku avargal yēsumēl visuvaasam vaikkavillai endraalum, avargalil silar uyirtthelundhu varalaam. (yōvaa. 5:28, 29) “vaalvu tharum unavu naandhaan. ennidam varugiravanukku pasiyē edukkaadhu” endru yēsu andru sonnadhan artthatthai uyirtthelundhu vandha piragu avargal purindhukolvaargal. avargal, yēsu koduttha mītpu baliyin mēlum visuvaasatthai valartthukkolla vēndiyirukkum. uyirtthelundhu varugiravargalum pudhiya ulagatthil pirakkira pillaigalum yegōvaavai patriyum, avarudaiya viruppangalai patriyum katrukkolvadharku ērpaadugal seiyappadum. avargalukku ivatrai sollikkoduppadhu namakku evvalavu sandhōshamaaga irukkum! pudhiya ulagatthil vagai vagaiyaaga saappidumpōdhu varum sandhōshatthaivida, makkal yegōvaavōdu oru nalla bandhatthai valartthukkolla udhavuvadhaal kidaikkum sandhōshamdhaan adhigamaaga irukkum.

16. aduttha katturaiyil edhai patri paarppōm?

¹⁶ yōvaan 6-vadhu adhigaaratthil irukkira sila vishayangalai indha katturaiyil paartthōm. aanaal, “mudivillaadha vaalvai” patri yēsu innum niraiya sollikkodutthaar. andrirundha yūdhargalum, indru vaalgira naamum andha vishayangalai nandraaga purindhukondu kadaippidikka vēndiya avasiyam irukkiradhu. yōvaan 6-vadhu adhigaaratthil irukkira innum niraiya vishayangalai aduttha katturaiyil paarkkalaam.