1. endha vidhatthil kristhavargal oru marampōl irukkiraargal? (padatthaiyum paarungal.)

 kaatru adikkumpōdhu thennai maratthai gavanitthirukkirīrgalaa? adhu valaindhaalum muriyaadhu. idhilirundhu oru mukkiyamaana paadatthai katrukkollalaam. sila marangal sīkkiratthil muriyaamal romba naal vaalvadharku kaaranam, adhanudaiya valaindhukodukkum thanmaidhaan. naam thodarndhu yegōvaavukku sandhōshamaaga sēvai seiya vēndumendraal naamum valaindhukodukkiravargalaaga irukka vēndum. nammudaiya sūlnilaigal maarumpōdhu naamum nammai maatrikkolla vēndum. adhōdu, matravargaludaiya karutthugalaiyum avargaludaiya mudivugalaiyum naam madhikka vēndum. ippadi seidhaal, naam valaindhukodukkiravargalaaga iruppōm.

2. sūlnilaigalukku ētra maadhiri nammai maatrikkolvadharku endha gunangal namakku udhavum? indha katturaiyil naam edhai patri paarkka pōgirōm?

² yegōvaavudaiya ūliyargalaaga iruppadhaal, naam valaindhukodukkiravargalaaga irukka vēndum. adhē samayatthil, manatthaalmaiyōdum karisanaiyōdum nadandhukolla vēndum. thangaludaiya sūlnilai maariyapōdhu adhai samaalippadharku indha gunangal silarukku udhaviyadhu. adhai patri indha katturaiyil paarppōm. namakku eppadi indha gunangal udhavum endrum paarppōm. adharku mun, valaindhukoduppadhil sirandha munmaadhirigalaaga irukkum yegōvaavidamirundhum yēsuvidamirundhum enna katrukkollalaam endru ippōdhu paarkkalaam.

3. yegōvaa valaindhukoduppavaraaga irukkiraar endru edhilirundhu therindhukolgirōm?

³ yegōvaa urudhiyaanavaraagavum asaikka mudiyaadhavaraagavum irukkiraar. adhanaaldhaan, baibil avarai “karpaarai” endru solgiradhu. (ubaa. 32:4) aanaal, avar valaindhukoduppavaraagavum irukkiraar. indha ulaga nilaimaigal maara maara, thaan vaakku kodutthadhai niraivētruvadharkaaga yegōvaa valaindhukodukkiraar. manidhargalai yegōvaa thannudaiya saayalil padaitthiruppadhaal, sūlnilaigalukku ētra maadhiri nammaalum valaindhukodukka mudiyum. adhōdu, avar thelivaana niyamangalai baibilil kodutthiruppadhaal, enna maatram vandhaalum nammaal nalla mudivugalai edukka mudiyum. yegōvaa “karpaarai”  maadhiri irundhaalum valaindhukoduppavaraaga irukkiraar enbadhai, avarudaiya sondha munmaadhiriyilirundhum avar thandhirukkum niyamangalilirundhum naam therindhukolgirōm.

4. yegōvaa valaindhukodukkiraar enbadharku oru udhaaranam kodungal. (lēviyaraagamam 5:7, 11)

⁴ yegōvaavudaiya vali kurai illaadhadhu, nyaayamaanadhu. makkalidam avar karaaraaga nadandhukolvadhillai. udhaaranatthukku, yegōvaa isravēlargalidam evvalavu nyaayamaaga nadandhukondaar, adhaavadhu valaindhukodutthu pōnaar, endru yōsitthu paarungal. ēlaigalum panakkaarargalum orē maadhiriyaana baligalai kodukka vēndumendru avar edhirpaarkkavillai. sila sandharppangalil, ovvoruvarum avaravar sūlnilaikku ētra maadhiri bali koduppadharku avar anumadhitthaar.—lēviyaraagamam 5:7, 11-ai vaasiyungal.

5. yegōvaavudaiya manatthaalmaikkum karisanaikkum oru udhaaranam kodungal.

⁵ yegōvaavidam irukkira manatthaalmaiyum karisanaiyumdhaan valaindhukoduppadharku avarai thūndugiradhu. udhaaranatthukku, sōdhōmil irundha ketta makkalai alikka pōgira samayatthil, yegōvaa endhalavukku manatthaalmaiyaaga nadandhukondaar endru paarungal. andha ūril irundha lōtthu endra nalla manidharai malaigalukku thappi ōda solli, dhēvathūdhargal mūlamaaga yegōvaa sonnaar. aanaal angu pōvadharku lōtthu bayandhaar. adhanaal thaanum thannudaiya kudumbamum pakkatthil irundha sōvaar endra chinna ūrukku thappitthu pōgalaamaa endru lōtthu kenji kēttaar. sōvaaraiyum alikka vēndumendrudhaan yegōvaa ninaitthirundhaar. ‘naan enna sonnēnō adhai mattum nī sei’ endru lōtthuvidam yegōvaa solliyirukkalaam. aanaal, yegōvaa lōtthu kēttadharku anumadhi kodutthaar. avarukkaaga oru ūraiyē yegōvaa alikkaamal vittuvittaar. (aadhi. 19:18-22) pala nūru varushangalukku piragu, ninivēyil vaalndha makkalukku yegōvaa karisanai kaattinaar. andha ūraiyum adhil vaalgira pollaadha makkalaiyum alikka pōvadhaaga yōnaa thīrkkadharisi mūlamaaga yegōvaa sonnaar. aanaal ninivē makkal manam thirundhiyadhai paartthapōdhu, avargalukkaaga yegōvaa paridhaabappattaar. andha nagaratthai alikkaamal vittuvittaar.—yōnaa 3:1, 10; 4:10, 11.

6. yēsu eppadi yegōvaa maadhiriyē valaindhukodutthaar endru sollungal.

⁶ yegōvaa maadhiriyē yēsuvum valaindhukodutthaar. “valithavarippōna aadugalai pōl irukkira isravēl makkalidam” prasangippadharkaagatthaan yēsu būmikku anuppappattaar. aanaalum, avar valaindhukodukkiravaraaga nadandhukondaar. orusamayam, ‘pēi piditthirukkira’ thannudaiya magalai gunappaduttha solli oru pen, yēsuvidam kenji kēttaal. andha pen oru isravēlaraaga illaavittaalumkūda, yēsu avalmēl karisanai kaattinaar, avaludaiya magalai gunappadutthinaar. (mat. 15:21-28) innoru udhaaranatthai paarungal. “ennai odhukkitthallugiravanai . . . naanum odhukkitthalluvēn” endru yēsu orusamayam solliyirundhaar. (mat. 10:33) aanaal, mūndru dhadavai thannai theriyaadhu endru sonna pēdhuruvai yēsu odhukkitthallinaaraa? illai. pēdhuru manam thirundhiyadhaiyum, avar vaitthirundha visuvaasatthaiyum yēsu ninaitthu paartthaar. uyirtthelundha piragu, pēdhuruvai yēsu sandhitthaar. thaan avarai mannitthadhaiyum avar mēl anbu vaitthirundhadhaiyum kandippaaga pēdhuruvidam yēsu solliyiruppaar.—lū. 24:33, 34.

7. pilippiyar 4:5 solgirapadi, naam enna peyar edukka aasaippadugirōm?

⁷ yegōvaavum yēsu kristhuvum valaindhukodukkiravargal endru idhuvarai paartthōm.  naam eppadi irukkirōm? naam nyaayamaanavargalaaga, adhaavadhu valaindhukodukkiravargalaaga, irukka vēndumendru yegōvaa edhirpaarkkiraar. (pilippiyar 4:5-aiyum adhan adikkurippaiyum vaasiyungal.) vēroru baibil molipeyarppil indha vasanatthai ippadi pōttirukkiraargal: “nīngal nyaayamaanavargal endru peyar edukka vēndum.” nammaiyē ippadi kēttukkollalaam: ‘matravargal ennai patri enna ninaikkiraargal? valaindhukodukkiravar, vittukkodukkiravar, porutthukkolgiravar endru naan peyar edutthirukkirēnaa? alladhu, romba karaaru, kadugadu pērvali, pidivaadhakkaarar endru peyar edutthirukkirēnaa? naan ninaikkira maadhiridhaan oru vishayatthai matravargal seiya vēndumendru kattaayappadutthugirēnaa? alladhu, matravargaludaiya karutthai kaadhukodutthu kētkirēnaa? matravargal solgira maadhiri ondrai seiya mudiyumendraal adharku otthuppōgirēnaa?’ naam endhalavukku valaindhukodukkiravargalaaga irukkirōmō, andhalavukku naam yegōvaa maadhiriyum yēsu maadhiriyum nadandhukolgirōm endru sollalaam. endha irandu sūlnilaigalil naam valaindhukodukkiravargalaaga irukka vēndum endru ippōdhu paarkkalaam. ondru, nammudaiya sūlnilaigal maarumpōdhu. irandu, matravargaludaiya karutthugalum avargaludaiya thīrmaanangalum nammudaiya paarvaiyil vitthiyaasamaaga irukkumpōdhu.

8. nammudaiya sūlnilaigal maarumpōdhu valaindhukoduppadharku edhu udhavi seiyum? (adikkurippaiyum paarungal.)

⁸ nammudaiya sūlnilai maarumpōdhu naam valaindhukodukkiravargalaaga irukka vēndum. ēnendraal, appadippatta maatrangal naam edhirpaarkkaadha kashtangalai konduvaralaam. oruvēlai, thidīrendru namakku ēdhaavadhu periya nōi vandhuvidalaam. illaiyendraal, naam vaalgira idatthil porulaadhaara nilaimaiyō arasiyal nilaimaiyō thidīrendru maarividalaam. adhanaal vaalkkaiyai ōttuvadhē kashtamaagividalaam. (pra. 9:11; 1 ko. 7:31) nammudaiya niyamippugalil maatram varumpōdhukūda namakku kashtamaaga irukkalaam. enna maadhiriyaana prachinaigal vandhaalum indha naangu padigalai edutthaal pudhiya sūlnilaikku ētra maadhiri nammaiyē maatrikkolla, valaindhukodukka mudiyum: (1) edhaartthatthai ētrukkollungal, (2) kadandha kaalatthai vittuvittu adutthu enna seiyalaam endru yōsiyungal, (3) vaalkkaiyil irukkira nalla vishayangalai patri yōsiyungal, (4) matravargalukkaaga ēdhaavadhu seiyungal. b indha naangu vishayangalai seidhadhaal, nammudaiya sagōdhara sagōdharigal eppadi payanadaindhaargal endru ippōdhu paarkkalaam.

9. thidīrendru vandha prachinaigalai oru mishanari thambadhi eppadi samaalitthaargal?

⁹ edhaartthatthai ētrukkollungal. immaanuvellum fraanchaskaavum velinaattukku mishanarigalaaga pōnaargal. aanaal thidīrendru kōvid-19 perunthotru aarambitthuvittadhu. appōdhudhaan avargal andha ūrudaiya moliyai katrukkondu, sabaiyil irundha sagōdhara sagōdharigalōdu palaga aarambitthirundhaargal. adharkul ippadiyaagivittadhu. adhanaal, ippōdhu avargal thangalai thanimaippadutthikkolla vēndiyirundhadhu. thidīrendru fraanchaskaavin ammaavum irandhuvittaar. andha nēratthil avargaludaiya kudumbatthōdu irukka vēndumendru fraanchaskaavin manadhu aditthukkondadhu. aanaal, perunthotrinaal avargalaal angē pōga mudiyavillai. indha kashtamaana sūlnilaigalai samaalippadharku edhu avargalukku udhavi seidhadhu? mudhalaavadhaaga, immaanuvellum fraanchaskaavum sērndhu yegōvaavidam jebam seidhaargal. andhandha naalai mattum samaalippadharku thēvaiyaana nyaanatthai kēttu vēndinaargal. sariyaana nēratthil thannudaiya amaippu mūlamaaga yegōvaa avargaludaiya jebatthukku badhil kodutthaar. udhaaranatthukku, vīdiyōvil paarttha oru sagōdhararudaiya pētti avargalukku romba udhaviyaaga irundhadhu. adhil andha sagōdharar, ‘evvalavu sīkkiram naam edhaartthatthai ētrukkolgirōmō avvalavu sīkkiram namakku sandhōsham thirumba kidaikkum. appōdhudhaan, andha pudhiya sūlnilaiyil nammaal mudindhadhaiyellaam seiya mudiyum’ enbadhaaga solgiraar. c irandaavadhaaga, fōn mūlamaaga saatchi koduppadhil avargaludaiya thiramaigalai valartthukkolla mudivu seidhaargal. adhil oru baibil padippumkūda avargalukku kidaitthadhu. mūndraavadhaaga, sagōdhara sagōdharigal koduttha udhaviyai ētrukkondaargal, avargaludaiya anbukku nandriyōdu irundhaargal. oru anbaana sagōdhari, dhinamum oru baibil vasanatthaiyum adhōdu sērtthu oru chinna kurippaiyum avargalukku eludhi anuppinaar—adhuvum oru varushatthukku! nammudaiya sūlnilaigal maarumpōdhu naamum edhaartthatthai ētrukkondaal nammaal seiya mudindhadhai ninaitthu sandhōshappaduvōm.

10. thannudaiya vaalkkaiyil oru periya maatram vandhapōdhu, sūlnilaikku ētra maadhiri oru sagōdhari eppadi thannai maatrikkondaar?

 ¹⁰ kadandha kaalatthai patri yōsikkaamal adutthu enna seiyalaam endru yōsiyungal; vaalkkaiyil irukkira nalla vishayangalai patri yōsiyungal. romēniyaa naattai sērndha kristinaa endra sagōdhari jappaanil irundhaar. avar irundha sabaiyil aangila moli kūttangal ratthu seiyappattadhu. adhu avarukku romba kashtamaaga irundhadhu. piragu, avar jappaan moli sabai kūttatthukku pōga aarambitthaar. kadandha kaalatthai patri avar yōsitthu kondiruppadharku badhilaaga, jappaan moliyil ūliyatthai nandraaga seiya vēndumendru mudivu seidhaar. andha moliyai nandraaga katrukkolvadharku munbu avarōdu vēlai seidha oru pennidam udhavi kēttaar. baibilaiyum, indrum endrum sandhōsham! sitrēttaiyum payanpadutthi andha moliyai katrukkodukka andha pennum otthukkondaar. kristinaa jappaan moliyil nandraaga pēsa katrukkondaar. adhaivida nalla vishayam ennavendraal, andha pen baibilai patri innum therindhukolla aasaippattaar. naamum kadandha kaalatthai patri yōsikkaamal adutthu enna seiyalaam endru yōsikka vēndum. vaalkkaiyil irukkira nalla vishayangalai patri yōsikka vēndum. appadi seidhaal, edhirpaarkkaadha maatrangal edhirpaarkkaadha aasīrvaadhangalai kondu varum.

11. pana kashtam vandhapōdhu oru thambadhi eppadi andha sūlnilaiyai samaalitthaargal?

¹¹ matravargalukkaaga ēdhaavadhu seiyungal. nammudaiya vēlai thadai seiyappattirundha oru naattil oru thambadhi vaalndhukondu irundhaargal. andha naattin porulaadhaaram vīlchi adaindhapōdhu avargaludaiya varumaanamum pōivittadhu. indha sūlnilaikku ētra maadhiri eppadi avargal thangalai maatrikkondaargal? mudhalil, thangaludaiya selavugalai kuraikka muyarchi seidhaargal. adutthadhaaga, avargaludaiya sondha prachanaiyai patri yōsippadharku badhilaaga matravargalukku udhavi seiya vēndumendru mudivu seidhaargal. adharkaaga evvalavu nēram mudiyumō avvalavu nēram ūliyam seidhaargal. (ap. 20:35) adhai patri andha kanavar sollumpōdhu, “ūliyatthil bisiyaaga irundhadhaal thēvaiyillaadha yōsanaigalil nēram selavu seivadharku badhilaaga kadavuludaiya viruppatthai seivadhil niraiya nēram selavittōm” endru solgiraar. nammudaiya sūlnilaigal maarumpōdhu matravargalukku thodarndhu udhavi seivadhu evvalavu mukkiyam enbadhai marandhuvida kūdaadhu. adhuvum, ūliyam seivadhan mūlam matravargalukku naam udhava vēndum.

12. ūliyatthil valaindhukodukkiravargalaaga iruppadharku appōsthalan pavulin udhaaranam namakku eppadi udhavi seiyum?

¹² ūliyatthil naam valaindhukodukkiravargalaaga irukka vēndum. vēra vēra idangalaiyum, kalaachaarangalaiyum sērndha vitthiyaasappatta makkalai naam ūliyatthil paarkkirōm. ovvoruvarukkum kadavulai patri ovvoru vidhamaana karutthu irukkiradhu. appadippattavargalidam pēsum vishayatthil, appōsthalan pavulidamirundhu naam paadam katrukkollalaam. avar valaindhukodukkiravaraaga irundhaar. yēsu avarai “matra dhēsatthu makkalukku . . . appōsthalanaaga” niyamitthaar. (rō. 11:13) adhanaal, yūdhargalukkum grēkkargalukkum paditthavargalukkum graamatthu makkalukkum arasu adhigaarigalukkum raajaakkalukkum pavul prasangitthaar. ippadippatta vitthiyaasamaana makkalin manadhai thoduvadharkaaga, avar “ellaa vidhamaana aatkalukkum ellaa vidhamaagavum” aanaar. (1 ko. 9:19-23) andha makkaludaiya kalaachaaram, pinnani, nambikkaigalai patriyellaam pavul yōsitthu paartthaar. adhanaal avaravarukku ētra maadhiri avaraal pēsa mudindhadhu. naamum valaindhukodukkiravargalaaga irundhu ovvoruvarukkum ētra maadhiri pēsa muyarchi seidhaal, ūliyatthil munnēra mudiyum.

13. matravargaludaiya karutthugalai madhitthōm endraal 1 korindhiyar 8:9-il solliyirukkira enna aabatthai naam thavirkkalaam?

¹³ naam valaindhukodukkiravargalaaga irukkumpōdhu matravargaludaiya karutthugalai madhippōm. udhaaranatthukku, sila sagōdharigalukku mēkkap pōduvadhu pidikkum. matra silar mēkkap pōda vēndaamendru ninaikkalaam. orusilar, alavaaga kudikkalaamendru ninaikkiraargal. vēru silar, kudikkavē vēndaamendru ninaikkalaam. udalnalatthai poruttha varaikkum, ellaarumē aarōkkiyamaaga irukka vēndumendrudhaan aasaippadugiraargal. aanaal, avargal edutthukkolgira marutthuva muraigal vitthiyaasappadalaam. indha maadhiri vishayangalil, naam ninaippadhudhaan sari endru ninaitthukkondu nammudaiya karutthai matravargalmēl thinikka kūdaadhu. appadi seidhaal, matravargalukku naam thadaikkallaagividalaam.  thēvaiyillaadha pirivinaigalaiyum ērpadutthividalaam. aanaal, appadiyellaam naam nadandhukollavē maattōm! (1 korindhiyar 8:9-ai vaasiyungal; 10:23, 24) samanilaiyaaga iruppadharkum samaadhaanatthai kaatthukkolvadharkum baibil niyamangal eppadi udhavi seigiradhu enbadhai patri irandu udhaaranangalai paarkkalaam.

14. udai udutthum vishayatthilum mudi alangaaram seiyum vishayatthilum enna baibil niyamangalai naam manadhil vaitthukkolla vēndum?

¹⁴ udaiyum thalaimudiyum. oru kurippitta udaiyaitthaan pōda vēndumendru sattangal koduppadharku badhilaaga, mudivedukka udhavum niyamangalai yegōvaa kodutthirukkiraar. naam kadavulukku pugal sērkkira maadhiri udai uduttha vēndum. naam udai udutthum vidham, naam nyaayamaanavargal, adakkamaanavargal, “thelindha butthi” ullavargal enbadhai kaatta vēndum. (1 thī. 2:9, 10; 1 pē. 3:3) adhanaal, thēvaiyillaamal matravargaludaiya gavanatthai īrppadhu pōl nam udai irukka kūdaadhu. udaiyai patriyō mudi alangaaratthai patriyō sondhamaaga sattangal pōdaamal irukka, baibil niyamangal mūppargalukku udhavi seiyum. udhaaranatthukku, oru sabaiyil irundha sila ilam sagōdharargal appōdhu prabalamaaga irundha stailil mudi vettiyirundhaargal. adhaavadhu, avargal mudiyai kuttaiyaaga vettiyum satru parattaiyaagavum vittirundhaargal. avargalukku udhavi seiya vēndumendru mūppargal ninaitthaargal. endha sattamum pōdaamal ivargalukku mūppargal eppadi udhavi seivaargal? vattaara kangaani andha mūppargalukku udhavi seidhaar. andha ilam sagōdharargalidam ippadi pēsi paarkka sonnaar: “nīngal mēdaiyil irundhu pēchu kodukkum pōdhu, vandhirukkiravargal ungal pēchai gavanikkaamal nīngal paarppadharku eppadi irukkirīrgal endru gavanitthaal nīngal pōttirukkum udaiyilō hēr staililō ēdhō prachinai irukkiradhu endru arttham.” andha sagōdharargal enna seiya vēndumendru purindhukolla indha vidhatthil sonnadhē pōdhumaanadhaaga irundhadhu. mūppargal thaniyaaga sattangal pōda vēndiya avasiyam irukkavillai. d

15. marutthuva vishayangalil mudivu eduppadharku enna baibil sattangalum niyamangalum namakku udhavi seiyum? (rōmar 14:5)

¹⁵ marutthuvam. thannudaiya udambai eppadi paartthukkolla vēndum enbadhu avaravarudaiya sondha urimai. (galaa. 6:5) kristhavargal marutthuva sigichaiyai thērndhedukkumpōdhu, ratthatthukkum aaviyulaga thodarbukkum vilagi irukka vēndumendra baibil sattatthukku kīlppadiya vēndum. (ap. 15:20; galaa. 5:19, 20) indha vishayangalai thavira, endha marutthuva sigichaigalai edutthukkollalaam enbadhai avaravar mudivu seidhukollalaam. silar,  podhu marutthuva sigichaigalai edutthukkolgiraargal. vēru silar, maatru marutthuva sigichaigalai edutthukkolgiraargal. kurippitta oru marutthuva sigichai, ungalukku nalladhaagavō kettadhaagavō padalaam. adhai nīngal romba urudhiyaaga nambalaam. irundhaalum, indha vishayatthil mudiveduppadhu ovvoruvarudaiya thanippatta urimai. adhai naam madhikka vēndum. adhanaal, indha vishayangalai nyaabagam vaitthukkolla vēndum: (1)  kadavuludaiya arasaangatthaal mattumdhaan nammudaiya nōigalai mulumaiyaagavum, nirandharamaagavum gunappaduttha mudiyum. (ēsaa. 33:24) (2)  ovvoru kristhavarum avarukku edhu nalladhu enbadhai avardhaan ‘nandraaga urudhippadutthikkolla’ vēndum. (rōmar 14:5-ai vaasiyungal.) (3)  matravargal eduttha mudivai vaitthu avargalai nyaayanthīrkka kūdaadhu; matravargalukku naam thadaikkallaagivida kūdaadhu. (rō. 14:13) (4)  kristhavargal anbaaga nadandhukolla vēndum. sondha karutthugalaivida sabaiyin otrumaidhaan mukkiyam enbadhai purindhu nadandhukolla vēndum. (rō. 14:15, 19, 20) idhaiyellaam naam seidhaal sagōdhara sagōdharigalidam namakku nerukkamaana natpu irukkum, sabaiyum samaadhaanamaaga irukkum.

16. matra mūppargalidam nadandhukolgira vishayatthil, oru mūppar eppadi valaindhukodukkiravaraaga irukkalaam? (padangalaiyum paarungal.)

¹⁶ valaindhukodukkiravargalaaga irukkum vishayatthil mūppargal nalla maadhiri vaikka vēndum. (1 thī. 3:2, 3) udhaaranatthukku, matra mūppargalaivida oru mūpparukku vayadhu adhigam enbadhaal, avarudaiya karutthaitthaan eppōdhum, ellaarum ētrakkolla vēndum endru edhirpaarkka kūdaadhu. oru nalla mudivu eduppadharku yegōvaavudaiya sakthi endha mupparai vēndumaanaalum thūndalaam enbadhai avar purindhuvaitthirukka vēndum. baibil niyamangal mīrappadaadha varaikkum, nyaayamaaga nadandhukolgira, valaindhukodukkira mūppargal, mūppar kuluvil perumbaalaanavargal edukkira mudivugalukku aadharavu koduppaargal—thanippatta vidhamaaga avargalukku vēru karutthu irundhaalumkūda!

17. valaindhukoduppadhaal naam ennenna palangalai anubavippōm?

¹⁷ valaindhukoduppadhaal namakku niraiya palangal kidaikkum. naam sagōdhara, sagōdharigalōdu nerukkamaaga iruppōm. sabaiyil samaadhaanam niraindhirukkum. vitthiyaasa vitthiyaasamaana gunangal irukkira, pala kalaachaarangalil irundhu vandha makkalōdu sērndhu yegōvaavai otrumaiyaaga vananguvadhai ninaitthu naam romba sandhōshappaduvōm. ellaavatrukkum mēlaaga, valaindhukodukkira nam kadavulaana yegōvaa maadhiri nadandhukolvadhai ninaitthu naam romba sandhōshappaduvōm.