1-2. simsōnai patriya padhivai padippadhu namakku ēn nalladhu?

 simsōn endra peyarai kēttadhumē, avar bayangaramaana oru balasaali enbadhu ungal nyaabagatthukku varalaam. adhu unmaidhaan. aanaal, simsōn than vaalkkaiyil oru thavaraana mudivai edutthaar. adhanaal vandha pinvilaivugalaal avar romba kashtappattaar. irundhaalum, simsōn thanakku eppadiyellaam unmaiyaaga sēvai seidhaar enbadhaitthaan yegōvaa mukkiyamaaga ninaitthu paartthaar. adhōdu, nammudaiya nanmaikkaaga simsōnin udhaaranatthai baibilil padhivu seidhu vaitthirukkiraar.

² than makkalaana isravēlargalukkaaga adhisayamaana vishayangalai seiya yegōvaa simsōnai payanpadutthinaar. simsōn irandhu nūtrukkanakkaana varushangalukku piragu, visuvaasatthukku pērpōnavargalin pattiyalil simsōnin peyaraiyum eludhuvadharku appōsthalan pavulai yegōvaa thūndinaar. (ebi. 11:32-34) simsōnin udhaaranam nam ellaarukkumē urchaagatthai kodukkum. romba kashtamaana sūlnilaigalilkūda avar yegōvaavaiyē nambiyirundhaar. avarudaiya udhaaranam namakku eppadi urchaagatthai tharugiradhu endru ippōdhu paarkkalaam. avarudaiya udhaaranatthilirundhu vēru enna paadangalai naam katrukkollalaam endrum paarkkalaam.

3. simsōnukku yegōvaa enna vēlaiyai kodutthaar?

³ simsōn pirandha samayatthil, pelisthiyargal isravēl dhēsatthai adakki odukkikkondu irundhaargal. (nyaa. 13:1) avargaludaiya kodungōl aatchiyaal isravēlargal padaadha paadupattaargal. ‘pelisthiyargalin kaiyilirundhu isravēlargalai kaappaatruvadharkaaga’ simsōnai yegōvaa thērndhedutthaar. (nyaa. 13:5)  idhu evvalavu periya vēlai! indha kashtamaana niyamippai seidhu mudikka simsōn yegōvaavaiyē nambiyirukka vēndiyirundhadhu.

4. pelisthiyargalidamirundhu thappikka simsōnukku yegōvaa eppadi udhavinaar? (nyaayaadhibadhigal 15:14-16)

⁴ simsōn eppadi yegōvaavai nambiyirundhaar enbadharkum, yegōvaa eppadi avarukku udhavi seidhaar enbadharkum ōr udhaaranatthai ippōdhu paarkkalaam. orusamayam, pelisthiya padaivīrargal simsōnai piditthukkondu pōvadharkaaga lēgi endra idatthukku vandhaargal. adhu anēgamaaga yūdhaavil irundhirukka vēndum. andha samayatthil, yūdhaavil irundha aatkal bayandhupōivittaargal. adhanaal, simsōnai edhirigalidam piditthu kodukka mudivu seidhaargal. simsōnin sondha makkalē, irandu pudhiya kayirugalaal avarai katti pelisthiyargalidam oppadaitthaargal. (nyaa. 15:9-13) aanaal, “yegōvaavin sakthiyaal simsōn balam petraar.” avar kaiyil kattappattirundha kayirugal arundhu, kīlē vilundhana. “andha samayatthil, avar ōr aan kaludhaiyin pachai thaadai elumbai paartthaar.” udanē, adhai edutthu 1,000 pelisthiya vīrargalai kondru kuvitthaar!—nyaayaadhibadhigal 15:14-16-ai vaasiyungal.

5. kaludhaiyin thaadai elumbai simsōn aayudhamaaga payanpadutthiyadhu, avar yegōvaavai mulumaiyaaga nambinaar enbadhai eppadi kaattiyadhu?

⁵ podhuvaaga, oru kaludhaiyin thaadai elumbai yaarumē oru aayudhamaaga ninaikkavō payanpadutthavō maattaargal. appadiyirukkumpōdhu, simsōn ēn adhai oru aayudhamaaga payanpadutthinaar? thaan payanpadutthum aayudham thanakku vetri tharaadhu, yegōvaadhaan vetri tharuvaar enbadhai simsōn nandraaga therindhuvaitthirundhaar. appōdhu avar kaikku edhu kidaitthadhō adhai payanpadutthi yegōvaavin viruppatthai avar seidhu muditthaar. avar yegōvaavai indhalavukku nambiyadhaal yegōvaa avarukku periya vetriyai kodutthaar!

6. nammudaiya niyamippugalai seiyum vishayatthil simsōnidamirundhu naam enna katrukkollalaam?

⁶ yegōvaa nammidam edhai seiya sonnaalum adhai seivadharkaana balatthai namakku koduppaar. nammaal seiyavē mudiyaadhu endru naam ninaikkum niyamippugalaikkūda avar nammai seiya vaippaar. adhuvum, nammai aachariyappadutthum vidhatthil! udhavikkaaga nīngal yegōvaavai nambiyirundhaal, avarudaiya viruppatthai seiya simsōnukku balam kodutthadhu pōlavē ungalukkum balam koduppaar enbadhil nīngal urudhiyaaga irukkalaam.—nīdhi. 16:3.

7. yegōvaavin valinadatthudhalukkaaga kētpadhum adhai ētrukkolvadhum endhalavu mukkiyam enbadhai endha udhaaranam kaattugiradhu?

⁷ nam amaippin kattumaana vēlaigalai seiyum niraiya sagōdhara sagōdharigal, yegōvaamēl nambikkaiyai kaattiyirukkiraargal. munbellaam, raajya mandrangalaiyum matra kattidangalaiyum nam sagōdharargaldhaan pudhidhaaga vadivamaitthu kattuvaargal.  aanaal, yegōvaavin amaippu valara valara, sila maatrangalai seiya vēndiyirundhadhu. poruppil irundha sagōdharargal yegōvaavin valinadatthudhalukkaaga jebam seidhuvittu, pudhu muraigalai muyarchi seidhu paartthaargal. udhaaranatthukku, kattidangalai vilaikku vaangi adhai pudhuppitthaargal. “aarambatthil indha pudhu maatratthai ētrukkolvadhu silarukku kashtamaaga irundhadhu” endru raabart solgiraar. avar samība varushangalaaga, ulagam muluvadhum nadakkum niraiya kattumaana praajakttugalil vēlai seidhirukkiraar. avar thodarndhu sollumpōdhu, “ivvalavu varushamaaga naangal seidhadhilirundhu idhu romba vitthiyaasamaaga irundhadhu. aanaal, maatrangal seiya sagōdharargal thayaaraaga irundhaargal. yegōvaavum indha maatrangalai aasīrvadhitthirukkiraar enbadhu thelivaaga therigiradhu” endru solgiraar. yegōvaa than viruppatthai seiya than makkalai eppadi valinadatthugiraar enbadharku idhu oru udhaaranam mattumdhaan! naam ellaarumē avvappōdhu nammai ippadi kēttukkolla vēndum: ‘naan yegōvaavin valinadatthudhalai thēdugirēnaa? avarudaiya sēvaiyil maatrangalai seiya thayaaraaga irukkirēnaa?’

8. orusamayam simsōn bayangara thaagamaaga irundhapōdhu enna seidhaar?

⁸ simsōn vēru sila adhisayamaana vishayangalai seidhadhai patriyum nīngal paditthirukkalaam. avar thani aalaaga nindru oru singatthai kondrupōttaar, pirpaadu askalōn nagaratthil 30 pelisthiyargalai kondrupōttaar. (nyaa. 14:5, 6, 19) idhupōndra periya periya vishayangalai yegōvaavin udhavi illaamal seidhirukkavē mudiyaadhu enbadhu simsōnukku therindhirundhadhu. eppadi sollalaam? oru sandharppatthil, 1,000 pelisthiyargalai kondrupōtta piragu simsōnukku bayangara thaagamaaga irundhadhu. aanaal, thaagatthai thīrkka avarē ēdhaavadhu seidhukollaamal, yegōvaavidam udhavi kēttu kenjinaar.—nyaa. 15:18.

9. simsōn udhavi kēttu kenjiyapōdhu yegōvaa eppadi badhil kodutthaar? (nyaayaadhibadhigal 15:19)

⁹ udhavikkaaga simsōn kenjiyapōdhu, yegōvaa arpudhamaaga oru ūtrai varavaitthaar. adhilirundhu simsōn kuditthapōdhu, “avarukku uyir vandhadhu, putthunarchi kidaitthadhu.” (nyaayaadhibadhigal 15:19-ai vaasiyungal.) niraiya varushangalukku piragu saamuvēl thīrkkadharisi nyaayaadhibadhigal butthagatthai eludhiyapōdhukūda andha ūtru irundhadhaaga therigiradhu. than makkalukku oru thēvai endraal yegōvaa udanē udhavi seivaar enbadhai andha ūtru isravēlargalukku nyaabagappadutthiyirukkalaam.

10. yegōvaavin udhavi namakku kidaikka vēndumendraal naam enna seiya vēndum? (padatthaiyum paarungal.)

¹⁰ namakku enna thiramaigal irundhaalum sari, yegōvaavin sēvaiyil evvalavu seidhirundhaalum sari, naamum avaridam eppōdhum udhavi kētka vēndum. yegōvaavai nambiyirundhaal mattumdhaan namakku unmaiyaana vetri kidaikkum enbadhai naam manatthaalmaiyōdu ētrukkolla vēndum. yegōvaa thandha thannīrai kuditthapōdhu simsōnukku balam kidaitthadhu. adhēpōl, indru yegōvaa seidhirukkum ellaa ērpaadugalaiyum naam payanpadutthikkondaal namakkum balam kidaikkum.—mat. 11:28.

11. yegōvaa kodukkum udhaviyai naam eppadi mulumaiyaaga ētrukkollalaam? udhaaranam sollungal.

¹¹ aleksi endra sagōdhararin udhaaranatthai edutthukkollalaam. rashyaavil bayangaramaana thunburutthalai anubavitthu varugira nam sagōdharargalil avarum oruvar. indha kashtamaana sūlnilaiyil urudhiyaaga irukka edhu avarukku udhavi seigiradhu? avarum avarudaiya manaiviyum, vanakkam sambandhappatta vishayangalai vidaamal seigiraargal. adhai patri avar sollumpōdhu, “dhinamum baibilai padippadharkum thanippatta padippai vidaamal seivadharkum naan muyarchi seigirēn. ovvoru naal kaalaiyilum naanum en manaiviyum dhinavasanatthai kalandhupēsuvōm, ondraaga sērndhu yegōvaavidam jebam seivōm” endru solgiraar. idhilirundhu naam enna katrukkollalaam? naam nammaiyē nambuvadharku badhilaaga yegōvaavaiyē nambiyirukka vēndum.  adharku, thanippatta baibil padippu, jebam, kūttam, ūliyam ena edhaiyumē thavaravidaamal iruppadhan mūlam nam visuvaasatthai balappadutthikkolla vēndum. yegōvaavukku sēvai seiya naam edukkum muyarchigalai avar alavillaamal aasīrvadhippaar! simsōnukku balam kodutthadhu pōlavē namakkum kandippaaga balam koduppaar!

12. simsōn enna thavaraana mudivai edutthaar, avarudaiya vaalkkaiyil munbu nadandha sambavangalukkum idharkum enna vitthiyaasam?

¹² simsōn nammai pōlavē oru saadhaarana manidhardhaan. adhanaal, silasamayangalil avar thavaraana mudivugalai edutthaar. kurippaaga, avar eduttha oru thavaraana mudivaal mōsamaana pinvilaivugalai anubavitthaar. avar nyaayaadhibadhiyaaga sēvai seiya aarambitthu konja kaalatthukku piragu, “sōrēk pallatthaakkil irundha oru pennai avar kaadhalitthaar. aval peyar dhelīlaal.” (nyaa. 16:4) aanaal adharkumun, oru pelisthiya pennōdu avarukku nichayamaagiyirundhadhu. adhu ‘yegōvaavin seyalaal’ nadandhadhu. “pelisthiyargalai dhandikka avar sariyaana samayam paartthukkondirundhaar.” adhan piragu, gaasaa endra pelisthiya nagaratthil oru vibachaariyin vīttil simsōn thangiyirundhaar. andha samayatthil, nagaratthin vaasal kadhavugalai peyartthedutthu thūkkikkondu pōga yegōvaa simsōnukku balam kodutthaar. adhanaal andha nagaratthai thōrkadikka mudindhadhu. (nyaa. 14:1-4; 16:1-3) aanaal, dhelīlaalin vishayam vēru. aval anēgamaaga oru isravēl pennaaga irundhirukka vēndum. avalai kaadhalitthadhaal pelisthiyargalai thōrkadikka simsōnukku endha vaaippum kidaitthirukkaadhu.

13. dhelīlaal virittha valaiyil simsōn eppadi sikkinaar?

¹³ niraiya panatthukkaaga simsōnai pelisthiyargalidam piditthukkodukka dhelīlaal pēsivaitthirundhaal. avaludaiya indha sūlchiyai purindhukolla mudiyaadhalavukku simsōn kaadhalil mayangippōyirundhaaraa? avalai andhalavukku kanmūditthanamaaga nambinaaraa? eppadiyirundhaalum sari, simsōnudaiya balatthin ragasiyam enna endru kēttu aval nacharitthukkondē irundhaal. kadaisiyil, simsōn adhai avalidam sollivittaar.  indha thavarai avar seidhadhaal avaridamirundha balamellaam pōivittadhu. konja naalukku yegōvaavum avarōdu illaamal pōivittaar.—nyaa. 16:16-20.

14. dhelīlaalai nambiyadhaal simsōnukku enna nilaimai vandhadhu?

¹⁴ yegōvaavai nambuvadharku badhilaaga dhelīlaalai nambiyadhaal simsōnukku idimēl idi vilundhadhu! pelisthiyargal avarai piditthu, avarudaiya kangalai thōndi edutthaargal. endha nagaratthin makkalai avar avamaanappadutthiyirundhaarō adhē nagaratthil, adhaavadhu gaasaavil, avarai siraiyil adaitthaargal. angē avarai oru adimaiyaakki, maavu araikka vaitthaargal. adhan piragu, oru vilaavai kondaada pelisthiyargal kūdivandhapōdhu, simsōnai asingappadutthinaargal. avargaludaiya dheivam thaagōndhaan simsōnai avargaludaiya kaiyil piditthu kodutthadhaaga ninaitthukkondu andha dheivatthukku oru periya baliyai kodutthaargal. adhan piragu, simsōn andha kondaattatthil “vēdikkai kaattattum” endru solli, avarai siraiyilirundhu kūttikkondu vandhu kēli kindal seidhaargal.—nyaa. 16:21-25.

15. simsōn marubadiyum yegōvaavai nambiyadhai eppadi kaattinaar? (nyaayaadhibadhigal 16:28-30) (attai padatthai paarungal.)

¹⁵ simsōn oru periya thavarai seidhirundhaar, aanaalum avar thalarndhupōgavillai! yegōvaa koduttha vēlaiyai seivadhilēyē avar kuriyaaga irundhaar. pelisthiyargalai thōrkadikka avar vaaippai thēdikkondē irundhaar. (nyaayaadhibadhigal 16:28-30-ai vaasiyungal.) simsōn yegōvaavidam, “naan pelisthiyargalai palivaanga vēndum” endru kenjinaar. simsōnin jebatthukku yegōvaa badhil thandhaar. marubadiyum arpudhamaaga avarukku balam kodutthaar. adhanaal, adhuvarai illaadha alavukku niraiya pelisthiyargalai andru simsōn kondrupōttaar!

16. thavaru seidha simsōnidamirundhu naam enna katrukkollalaam?

¹⁶ simsōn seidha thavarinaal avarukku padumōsamaana pinvilaivugal vandhadhu unmaidhaan. aanaalum, yegōvaavin viruppatthai seivadhai avar nirutthavē illai. naamum oruvēlai thavaru seiyalaam, adhanaal namakku kandippu kidaikkalaam, sila poruppugalaiyum naam ilakkalaam. aanaalum, naam thalarndhu pōividakkūdaadhu. yegōvaa nammai mannikka eppōdhumē thayaaraaga irukkiraar enbadhai nyaabagam vaitthukkollungal. (sang. 103:8-10) naam thavaru seidhirundhaalum, yegōvaa than viruppatthai seivadharku marubadiyum nammai payanpaduttha mudiyum, simsōnai avar payanpadutthiyadhu pōla!

17-18. maikkēlin udhaaranatthil ungal manadhai thotta vishayam edhu? (padatthaiyum paarungal.)

¹⁷ maikkēl endra ilam sagōdhararin udhaaranatthai edutthukkollalaam. avar udhavi ūliyaraagavum olungaana payaniyaraagavum yegōvaavin sēvaiyai romba surusuruppaaga seidhuvandhaar. aanaal, thidīrendru avar oru thavaru seidhuvittadhaal sabaiyil irundha poruppugalai ilandhuvittaar. adhai patri avar ippadi solgiraar: “adhuvaraikkum naan yegōvaavin sēvaiyil bambaramaaga sutrikkondirundhēn. aanaal, thidīrendru engēyō mōdhi appadiyē nindruvitta maadhiri aagivittadhu. yegōvaa ennai orēyadiyaaga kaivittuviduvaar endru naan ninaikkavillaidhaan.  aanaal, munbupōl yegōvaavōdu nerukkamaaga irukka mudiyumaa, munbupōl sabaiyil niraiya sēvai seiya mudiyumaa endrellaam yōsitthēn.”

¹⁸ nalla vishayam ennavendraal, maikkēl thalarndhupōgavillai. adhai patri avar sollumpōdhu, “naan marubadiyum yegōvaavōdu nerukkamaavadharku ennaal mudindha ellaavatraiyum seidhēn. manamvittu jebam seivadhu, padippadhu, padippadhai aalamaaga yōsippadhu ena ellaavatraiyum thavaraamal seidhēn” endru solgiraar. adhan piragu, maikkēlukku marubadiyum sabaiyil poruppugal kidaitthana. ippōdhu avar oru mūpparaagavum olungaana payaniyaraagavum sēvai seigiraar. avar ippadi solgiraar: “matravargalidamirundhu, mukkiyamaaga mūppargalidamirundhu enakku kidaittha udhaviyum urchaagamumdhaan yegōvaavukku innum enmēl paasam irukkiradhu enbadhai enakku puriya vaitthadhu. marubadiyum sutthamaana manasaatchiyōdu ennaal sabaiyil sēvai seiya mudigiradhu. unmaiyilēyē manam thirundhugiravargalai yegōvaa kandippaaga mannippaar enbadhai en vaalkkaiyilirundhu naan katrukkondēn.” maikkēlai pōla naamum ēdhaavadhu thavaru seidhirundhaal, nammai thirutthikkolvadharkum yegōvaavai thodarndhu nambiyiruppadharkum nammaal mudindha ellaavatraiyum seiya vēndum. appōdhu, yegōvaa kandippaaga nammaiyum payanpadutthuvaar, nammaiyum aasīrvadhippaar!—sang. 86:5; nīdhi. 28:13.

19. simsōnin udhaaranam ungalai eppadi balappadutthiyirukkiradhu?

¹⁹ indha katturaiyil, simsōnin vaalkkaiyil nadandha sila mukkiyamaana sambavangalai patri naam paartthōm. avar thavarē seiyaadhavar endru naam solla mudiyaadhu. dhelīlaalin vishayatthil avar thavaru seidhirundhaalum, yegōvaavin viruppatthai seiya avar thodarndhu muyarchi edutthaar. yegōvaavum marubadiyum simsōnai payanpadutthinaar. adhuvum, than viruppatthai niraivētra simsōnai periyalavil payanpadutthinaar. appadiyendraal, asaikka mudiyaadha visuvaasatthai kaattiya oruvaraagatthaan yegōvaa avarai paartthaar. adhanaaldhaan ebireyar 11-aam adhigaaratthil visuvaasatthukku pērpōnavargalin pattiyalil ivarudaiya peyaraiyum sērtthirukkiraar. mukkiyamaaga naam balavīnamaaga irukkumpōdhu nammai balappaduttha yegōvaa aasai aasaiyaaga kaatthirukkiraar. ivvalavu paasamaana appaavukku sēvai seivadhai ninaikkumpōdhu namakku evvalavu sandhōshamaaga irukkiradhu! simsōnai pōla naamum yegōvaavidam, “dhayavuseidhu ennai ninaitthu paarungal . . . ennai balappadutthungal” endru kenji kētkalaam.—nyaa. 16:28.