இல்லை. கடவுள்தான் எல்லாவற்றையும் படைத்தார் என்று யெகோவாவின் சாட்சிகளாகிய நாங்கள் நம்புகிறோம். ஆனால், படைப்புக் கோட்பாட்டை நாங்கள் நம்புவதில்லை. ஏனென்றால், படைப்புக் கோட்பாட்டில் இருக்கிற நிறைய கருத்துக்கள் பைபிளோடு ஒத்துப்போவதில்லை. அதற்கு இரண்டு உதாரணங்களைப் பார்க்கலாம்:

1.   ஆறே நாட்களில் எல்லாம் படைக்கப்பட்டன. ஒரு நாளுக்கு 24 மணிநேரம் என்ற கணக்கில், ஆறே நாட்களில் எல்லாம் படைக்கப்பட்டன என்று படைப்புக் கோட்பாட்டாளர்கள் உறுதியாக சொல்கிறார்கள். ஆனால், பைபிளில் “நாள்” என்பது மிக நீண்ட காலப்பகுதியைக் குறிக்கிறது.—ஆதியாகமம் 2:4; சங்கீதம் 90:4.

2.   பூமியின் வயது. பூமி படைக்கப்பட்டு ஒருசில ஆயிர வருஷங்கள்தான் ஆகிறது என்று படைப்புக் கோட்பாட்டாளர்கள் சிலர் சொல்கிறார்கள். ஆனால், படைப்பின் ஆறு நாட்களுக்கு முன்பே பூமியும் பிரபஞ்சமும் இருந்ததாக பைபிள் சொல்கிறது. (ஆதியாகமம் 1:1) அதனால்தான், கோடிக்கணக்கான வருஷங்களுக்கு முன்பாகவே பைபிள் படைக்கப்பட்டது என்று அறிவியல் ஆராய்ச்சியாளர்கள் சொல்வதை யெகோவாவின் சாட்சிகள் ஒத்துக்கொள்கிறார்கள்.

 யெகோவாவின் சாட்சிகளாகிய நாங்கள் படைப்பை நம்புகிறோம், என்றாலும் அறிவியலுக்கு எதிரானவர்கள் கிடையாது. பைபிளோடு ஒத்துப்போகிற அறிவியல் விஷயங்களை நாங்கள் ஏற்றுக்கொள்கிறோம்.