எப்போதையும்விட இப்போதுதான் யெகோவாவின் சாட்சிகளுக்கு எலக்ட்ரானிக் வடிவத்தில் நிறைய ஆன்மீக உணவு கிடைக்கிறது. ஆனால், நிறைய இடங்களில் வாழும் யெகோவாவின் சாட்சிகளுக்கு இன்டர்நெட் இணைப்பு வாங்குவதற்கான வசதி இல்லை. இன்னும் சிலருக்கு இன்டர்நெட்டின் வேகம் ரொம்ப குறைவாக இருக்கிறது அல்லது விட்டுவிட்டு வருகிறது. சில இடங்களில் இன்டர்நெட் வசதியே இல்லை.

 ஆனால், இன்டர்நெட்டே இல்லையென்றாலும் சகோதர சகோதரிகளால் இப்போது வீடியோக்களையும் பிரசுரங்களையும் டவுன்லோட் செய்ய முடிகிறது. எப்படி?

 JW பாக்ஸ் என்று அழைக்கப்படுகிற சின்ன கருவி மூலமாக இதைச் செய்ய முடிகிறது. இந்த பாக்ஸ், அவ்வளவாக இன்டர்நெட் வசதி இல்லாத சபைகளுக்குக் கொடுக்கப்பட்டிருக்கிறது. இந்தக் கருவியை வாங்கி, பெத்தேலில் இருக்கும் கம்ப்யூட்டர் டிபார்ட்மென்ட் நமக்குத் தேவையான விதத்தில் அதை ப்ரோகிராம் செய்தார்கள். அதில், JW.ORG-ல் வரும் பிரசுரங்களையும் வீடியோக்களையும் அப்லோட் செய்தார்கள். ஒரு JW பாக்ஸின் விலை கிட்டதட்ட 5,600 ரூபாய் (சுமார் 75 அமெரிக்க டாலர்).

 ராஜ்ய மன்றத்தில் இருக்கும் சகோதர சகோதரிகள் தங்களுடைய மொபைலில் இருக்கும் வைஃபை (wifi) மூலமாக தங்களுடைய மொபைலை JW பாக்ஸ்சுடன் இணைத்துக் கொள்கிறார்கள். அதில் இருக்கும் பிரசுரங்களையும் வீடியோக்களையும் டவுன்லோட் செய்துகொள்கிறார்கள். பழைய ஃபோன் அல்லது டாப்லெட்டை வைத்திருக்கிறவர்களால்கூட இதைச் செய்ய முடியும். ஒருவேளை, ஒரு சபையில் இன்டர்நெட் வசதியே இல்லையென்றால் JW பாக்ஸ்லில் எப்படி புது புது வீடியோக்களையும் பிரசுரங்களையும் அப்டேட் செய்வது? ஒவ்வொரு முறையும் jw.org-ல் புது வீடியோக்களோ பிரசுரங்களோ வரும்போது கிளை அலுவலகம் அவற்றையெல்லாம் ஒரு பென்-டிரைவில் (pen drive) போட்டு சபைகளுக்கு அனுப்பு வைக்கிறது. இப்படி அனுப்பி வைக்கிற ஒரு பென்-டிரைவின் விலை கிட்டதட்ட 300 ரூபாய் (சுமார் 4 அமெரிக்க டாலர்). சபைகளால் அந்த பென்-டிரைவில் இருப்பதை JW பாக்ஸுக்கு அப்டேட் செய்ய முடியும்.

 இந்த JW பாக்ஸ் நம்முடைய சகோதர சகோதரிகளுக்கு எப்படி உதவி செய்திருக்கிறது? காங்கோ ஜனநாயக குடியரசில் இருக்கும் சகோதரர் நேதன் அன்ட்ருஆன்ட்ரா இப்படிச் சொல்கிறார்: “‘யெகோவாவே உங்களை நம்பியிருக்கிறேன்’, லோத்துவின் மனைவியை நினைத்துப் பாருங்கள் இந்த வீடியோ நாடகங்கள டவுன்லோட் பண்ண நிறைய தடவ நான் முயற்சி பண்ணியிருக்கேன். அத முழுசா என்னால பண்ண முடிஞ்சதே இல்ல. அது எனக்கு ரொம்ப கஷ்டமா இருந்துச்சு. ஆனா, இப்போ இந்த வீடியோக்கள என்னால சுலபமா டவுன்லோட் பண்ண முடியுது. என்னோட பிள்ளைங்களுக்கும் இன்னும் நல்லா சொல்லி கொடுக்க முடியுது.”

 நைஜீரியாவில் இருக்கும் சபைகளுக்கு JW பாக்ஸை பயன்படுத்த உதவி செய்கிற ஒரு சகோதரர் இப்படிச் சொல்கிறார்: “யெகோவாகிட்ட இருந்து கிடைச்ச ஓர் அருமையான பரிசுதான் JW பாக்ஸ்னு சகோதரர்கள் நினைக்கிறாங்க. கற்பிக்கும் கருவிகள்ல இருக்கிற பிரசுரங்களயும் வீடியோக்களயும் இப்போ சுலபமா டவுன்லோட் பண்ண முடியுறத பாத்து அவங்க அசந்து போய்டாங்க.”

 ஆப்பிரிக்கா, ஓசியானியா மற்றும் தென் அமெரிக்காவில் இருக்கிற சகோதரர்களுக்கு 1,700-க்கும் அதிகமான JW பாக்ஸ்கள் அனுப்பி வைக்கப்பட்டிருக்கிறது. இன்னும் நிறைய சபைகளுக்கு அனுப்பவும் திட்டம் போடப்பட்டுள்ளது. இவை எல்லாவற்றையும் செய்வதற்கு எங்கிருந்து பணம் கிடைக்கிறது? உலகளாவிய வேலைகளுக்காக நீங்கள் தரும் நன்கொடைகளில் இருந்துதான். நிறைய பேர் அதை இன்டர்நெட்டில் donate.pr418.com மூலமாக தருகிறார்கள். நீங்கள் தாராளமாக கொடுக்கும் நன்கொடைகளுக்காக உங்களுக்கு ரொம்ப நன்றி!