இந்த வருஷ புது ரிலீஸ் என்ன?

கோடையில் எப்படிப் பொழுதைப் போக்க விரும்புகிறீர்கள்? விடுமுறை காலத்தில் வெளியே செல்வது​—⁠ஒருவேளை கடற்கரைக்கோ பூங்காவிற்கோ செல்வது​—⁠உங்களுக்கு உல்லாசமாக இருக்கலாம்.

ஆனால் திரைப்பட துறையினரோ, கோடையில் வெளியே எங்கும் போகாமல் சினிமா படங்களைப் பார்ப்பதில் பொழுதைப் போக்கும் கோடானு கோடி மக்களை நம்பியிருக்கிறார்கள். வட அமெரிக்காவில் மட்டுமே குறைந்தபட்சம் 35,000 வெள்ளித்திரைகள் இருக்கின்றன. சமீப ஆண்டுகளில், பாக்ஸ் ஆபிஸ் (டிக்கெட் விற்பனை) வருமானத்தில் சுமார் 40 சதவீதம் கோடையில் வசூலாகிறது. a “இது, கிறிஸ்மஸ் சீஸனில் லாபம் கிடைப்பது மாதிரி இருக்கிறது” என கூறுகிறார் மூவிலைன் பத்திரிகை பதிப்பாசிரியை ஹைடீ பார்க்கர்.

ஆனால் எப்போதுமே இப்படி லாபம் கிடைக்கவில்லை. கோடை காலத்தில் அமெரிக்க தியேட்டர்கள் காற்று வாங்கிக் கொண்டிருந்தன. அதனால் பெரும்பாலான தியேட்டர்கள் காட்சிகளைக் குறைத்தன, அல்லது தியேட்டரையே இழுத்து மூடின. ஆனால் 1970-களுக்குள், புழுக்கத்திலிருந்து வெளிவர குளு குளு தியேட்டர்கள் கோடிக்கணக்கானோரைக் கவர்ந்திழுத்தன. பள்ளிக்கூட பிள்ளைகளுக்கும் அந்த சீஸனில் விடுமுறை இருந்தது, இது திரைப்பட தயாரிப்பாளர்களுடைய கவனத்திலிருந்து தப்பவில்லை. விரைவில், “பிளாக்பஸ்டர்” b படங்கள் வெளிவந்தன. இது சினிமா படங்கள் தயாரிக்கப்பட்டு விநியோகிக்கப்படும் விதத்தையே தலைகீழாக மாற்றியது, அதைத்தான் இப்போது நாம் பார்க்கப் போகிறோம். (g05 5/8)

[அடிக்குறிப்புகள்]