பெத்தேல் சேவை: பெத்தேலில் சேவை செய்ய விரும்புகிறவர்கள், ஞானஸ்நானம் பெற்றவர்களாகவும், 35 அல்லது அதற்கு குறைவான வயதுள்ளவர்களாகவும் இருக்க வேண்டும். வெள்ளிக்கிழமை மதியம் நடைபெறும் கூட்டத்தில் அவர்கள் கலந்துகொள்ளலாம். இந்தக் கூட்டம் நடைபெறுகிற இடமும் நேரமும் அறிவிக்கப்படும்.

ராஜ்ய நற்செய்தியாளர்களுக்கான பள்ளி: ஊழியத்தில் இன்னும் அதிகத்தை செய்ய விரும்பும் பயனியர்கள், ராஜ்ய நற்செய்தியாளர்களுக்கான பள்ளிக்கு விண்ணப்பிக்க இந்தக் கூட்டத்தில் கலந்துகொள்ளலாம். அவர்கள் 23 முதல் 65 வயதிற்குள் இருக்க வேண்டும். இந்தக் கூட்டம் ஞாயிற்றுக்கிழமை மதியம் நடக்கும். இடமும் நேரமும் அறிவிக்கப்படும்.

அட்டன்டண்டுகள்: உங்களுக்கு உதவுவதற்காக அட்டன்டண்டுகள் நியமிக்கப்பட்டிருக்கிறார்கள். வாகனங்களை நிறுத்துவது, இருக்கைகளைப் பிடிப்பது, மன்றத்திற்குள் வருவது, வெளியே போவது போன்ற விஷயங்களில் தயவுசெய்து அவர்களுக்கு முழு ஒத்துழைப்பு கொடுங்கள்.

ஞானஸ்நானம்: ஞானஸ்நானம் பெறுகிறவர்களுக்காக மேடையின் முன்னால், இருக்கைகள் ஒதுக்கப்பட்டிருக்கும். இதில் மாற்றம் இருந்தால் அறிவிக்கப்படும். சனிக்கிழமை காலையில் ஞானஸ்நான பேச்சு ஆரம்பிப்பதற்கு முன்பே ஞானஸ்நானம் எடுப்பவர்கள் அவர்களுக்காக ஒதுக்கப்பட்ட இருக்கையில் உட்கார வேண்டும். ஒவ்வொருவரும் டவலும், அடக்கமான மாற்று உடையும் கொண்டுவர வேண்டும்.

நன்கொடைகள்: யெகோவாவிடம் நெருங்கி வரவும் மாநாட்டை நன்கு அனுபவித்து மகிழவும் போதுமான இருக்கை வசதிகள், ஒலிபெருக்கி வசதிகள், இன்னும் வேறு வசதிகள் செய்யப்பட்டிருக்கின்றன; இதற்கு கணிசமான பணம் செலவு செய்யப்பட்டுள்ளது. நீங்கள் மனமுவந்து தரும் நன்கொடை, இந்த செலவுகளை சமாளிக்கவும் உலகளாவிய பிரசங்க வேலையை ஆதரிக்கவும் பயன்படுத்தப்படுகிறது. உங்கள் வசதிக்காக, நன்கொடை பெட்டிகள் மாநாட்டு மன்றத்தில் பல இடங்களில் வைக்கப்பட்டுள்ளன. நீங்கள் தரும் நன்கொடைகளுக்கு எங்கள் மனமார்ந்த நன்றி. இந்த உலகளாவிய வேலைக்காக நீங்கள் தாராளமாக கொடுக்கும் நன்கொடைகளுக்கு ஆளும் குழுவினர் நன்றி சொல்கிறார்கள்.

முதலுதவி: தேவைப்படும்போது மட்டுமே இந்த இலாகாவை அணுகும்படி கேட்டுக்கொள்கிறோம்.

கண்டெடுக்கப்பட்டவை: கண்டுபிடிக்கப்பட்ட எல்லா பொருள்களையும் இந்த இலாகாவில் ஒப்படைக்க வேண்டும். நீங்கள் எதையாவது தொலைத்துவிட்டால், இந்த இலாகாவிற்கு போய் உங்கள் பொருளை அடையாளம் காட்டி பெற்றுக்கொள்ளுங்கள். காணாமல்போன பிள்ளைகளை இங்கே ஒப்படையுங்கள். ஆனால், இது பிள்ளைகளைக் கவனித்துக்கொள்ளும் இலாகா அல்ல. தயவுசெய்து உங்கள் பிள்ளைகளைப் பத்திரமாகப் பார்த்துக்கொள்ளுங்கள், உங்கள் கூடவே வைத்துக்கொள்ளுங்கள்.

இருக்கைகள்: தயவுசெய்து மற்றவர்கள்மீது கரிசனைக் காட்டுங்கள். உங்களோடு வருபவர்களுக்காக, உங்கள் குடும்பத்தினருக்காக அல்லது உங்களோடு பைபிளைப் படிப்பவர்களுக்காக மட்டுமே இருக்கைகளைப் பிடியுங்கள். மற்ற இருக்கைகளில் எந்தப் பொருள்களையும் வைக்காதீர்கள்.

வாலண்டியர் சேவை: மாநாட்டில் சேவை செய்ய விரும்பினால் தயவுசெய்து தகவல் மற்றும் வாலண்டியர் சேவை இலாகாவிற்குத் தெரிவியுங்கள்.