33  மோசே மற்றும் ஆரோனின் தலைமையில்,+ இஸ்ரவேலர்கள் எகிப்திலிருந்து அணி அணியாகப்+ புறப்பட்டு,+ பல இடங்களில் பயணம் செய்தார்கள். ²  யெகோவாவின் கட்டளைப்படி, அவர்கள் பயணம் செய்த ஒவ்வொரு இடத்தையும் பற்றி மோசே பதிவு செய்தார். அவர்கள் பயணம் செய்த இடங்கள் இவைதான்:+ ³  முதல் மாதம் 15-ஆம் நாளில்,+ ராமசேசிலிருந்து அவர்கள் புறப்பட்டார்கள்.+ பஸ்காவுக்கு அடுத்த நாளே,+ எகிப்தியர்களின் கண் முன்னால் இஸ்ரவேலர்கள் வீரநடை போட்டுக்கொண்டு போனார்கள். ⁴  அப்போது எகிப்தியர்கள், யெகோவா கொன்றுபோட்ட தங்களுடைய மூத்த மகன்களை அடக்கம் செய்துகொண்டிருந்தார்கள்.+ அவர்களுடைய தெய்வங்களுக்கு யெகோவா தண்டனை கொடுத்திருந்தார்.+ ⁵  இஸ்ரவேலர்கள் ராமசேசைவிட்டுப் புறப்பட்டு சுக்கோத்தில் முகாம்போட்டார்கள்.+ ⁶  பின்பு, சுக்கோத்திலிருந்து புறப்பட்டு வனாந்தரத்தின் எல்லையில் இருந்த ஈத்தாமில் முகாம்போட்டார்கள்.+ ⁷  அதன்பின், ஈத்தாமிலிருந்து புறப்பட்டு பாகால்-செபோனுக்கு எதிரில் உள்ள பிககிரோத்துக்குத்+ திரும்பி, மிக்தோலுக்கு முன்னால் முகாம்போட்டார்கள்.+ ⁸  பின்பு, பிககிரோத்திலிருந்து புறப்பட்டு கடலின் நடுவே நடந்து+ வனாந்தரத்துக்குப் போனார்கள்.+ ஈத்தாம் வனாந்தரத்தில்+ மூன்று நாள் பயணம் செய்து, மாராவில் முகாம்போட்டார்கள்.+ ⁹  அதன்பின், மாராவிலிருந்து புறப்பட்டு ஏலிமுக்கு வந்தார்கள். ஏலிமில் 12 நீரூற்றுகளும் 70 பேரீச்ச மரங்களும் இருந்ததால் அங்கே முகாம்போட்டார்கள்.+ ¹⁰  அடுத்ததாக, ஏலிமிலிருந்து புறப்பட்டு செங்கடலுக்குப் பக்கத்தில் முகாம்போட்டார்கள். ¹¹  அதன்பின், செங்கடலுக்குப் பக்கத்திலிருந்து புறப்பட்டு சின் வனாந்தரத்தில் முகாம்போட்டார்கள்.+ ¹²  பின்பு, சின் வனாந்தரத்திலிருந்து புறப்பட்டு தொப்காவில் முகாம்போட்டார்கள். ¹³  அடுத்ததாக, தொப்காவிலிருந்து புறப்பட்டு ஆலூசில் முகாம்போட்டார்கள். ¹⁴  அதன்பின், ஆலூசிலிருந்து புறப்பட்டு ரெவிதீமில் முகாம்போட்டார்கள்.+ அங்கு அவர்களுக்குக் குடிக்கத் தண்ணீர் கிடைக்கவில்லை. ¹⁵  பின்பு, ரெவிதீமிலிருந்து புறப்பட்டு சீனாய் வனாந்தரத்தில் முகாம்போட்டார்கள்.+ ¹⁶  அடுத்ததாக, சீனாய் வனாந்தரத்திலிருந்து புறப்பட்டு கிப்ரோத்-அத்தாவாவில் முகாம்போட்டார்கள்.+ ¹⁷  பின்பு, கிப்ரோத்-அத்தாவாவிலிருந்து புறப்பட்டு ஆஸ்ரோத்தில் முகாம்போட்டார்கள்.+ ¹⁸  அதன்பின், ஆஸ்ரோத்திலிருந்து புறப்பட்டு ரித்மாவில் முகாம்போட்டார்கள். ¹⁹  அடுத்ததாக, ரித்மாவிலிருந்து புறப்பட்டு ரிம்மோன்-பேரேசில் முகாம்போட்டார்கள். ²⁰  பின்பு, ரிம்மோன்-பேரேசிலிருந்து புறப்பட்டு லிப்னாவில் முகாம்போட்டார்கள். ²¹  அதன்பின், லிப்னாவிலிருந்து புறப்பட்டு ரீசாவில் முகாம்போட்டார்கள். ²²  பிறகு, ரீசாவிலிருந்து புறப்பட்டு கேலத்தாவில் முகாம்போட்டார்கள். ²³  பின்பு, கேலத்தாவிலிருந்து புறப்பட்டு சாப்பேர் மலையில் முகாம்போட்டார்கள். ²⁴  அதன்பின், சாப்பேர் மலையிலிருந்து புறப்பட்டு ஆரதாவில் முகாம்போட்டார்கள். ²⁵  அடுத்ததாக, ஆரதாவிலிருந்து புறப்பட்டு மக்கெலோத்தில் முகாம்போட்டார்கள். ²⁶  பின்பு, மக்கெலோத்திலிருந்து புறப்பட்டு+ தாகாத்தில் முகாம்போட்டார்கள். ²⁷  அதன்பின், தாகாத்திலிருந்து புறப்பட்டு தேராகுவில் முகாம்போட்டார்கள். ²⁸  பிறகு, தேராகுவிலிருந்து புறப்பட்டு மித்காவில் முகாம்போட்டார்கள். ²⁹  பின்பு, மித்காவிலிருந்து புறப்பட்டு அஸ்மோனாவில் முகாம்போட்டார்கள். ³⁰  அதன்பின், அஸ்மோனாவிலிருந்து புறப்பட்டு மோசெரோத்தில் முகாம்போட்டார்கள். ³¹  அடுத்ததாக, மோசெரோத்திலிருந்து புறப்பட்டு பெனெ-யாக்கானில் முகாம்போட்டார்கள்.+ ³²  பின்பு, பெனெ-யாக்கானிலிருந்து புறப்பட்டு ஓர்-அகித்துகாத்தில் முகாம்போட்டார்கள். ³³  அதன்பின், ஓர்-அகித்துகாத்திலிருந்து புறப்பட்டு யோத்பாத்தாவில் முகாம்போட்டார்கள்.+ ³⁴  பிறகு, யோத்பாத்தாவிலிருந்து புறப்பட்டு எப்ரோனாவில் முகாம்போட்டார்கள். ³⁵  அதன்பின், எப்ரோனாவிலிருந்து புறப்பட்டு எசியோன்-கேபேரில் முகாம்போட்டார்கள்.+ ³⁶  பிற்பாடு, எசியோன்-கேபேரிலிருந்து புறப்பட்டு சீன் வனாந்தரத்திலே+ காதேசில் முகாம்போட்டார்கள். ³⁷  அடுத்ததாக, காதேசிலிருந்து புறப்பட்டு ஏதோம் தேசத்தின் எல்லையிலுள்ள ஓர் என்ற மலைக்குப் பக்கத்தில் முகாம்போட்டார்கள்.+ ³⁸  யெகோவாவின் கட்டளைப்படி, குருவாகிய ஆரோன் ஓர் என்ற அந்த மலைமேல் ஏறிப் போனார். இஸ்ரவேலர்கள் எகிப்திலிருந்து புறப்பட்ட 40-ஆம் வருஷம், ஐந்தாம் மாதம், முதல் நாளில் அவர் அங்கே இறந்தார்.+ ³⁹  ஓர் என்ற மலையில் ஆரோன் இறந்தபோது அவருக்கு 123 வயது. ⁴⁰  கானான் தேசத்திலே நெகேபில் வாழ்ந்துவந்த கானானியனாகிய ஆராத் ராஜா,+ இஸ்ரவேலர்கள் வருவதைக் கேள்விப்பட்டான். ⁴¹  பிற்பாடு, அவர்கள் ஓர் என்ற மலைக்குப்+ பக்கத்திலிருந்து புறப்பட்டு சல்மோனாவில் முகாம்போட்டார்கள். ⁴²  பின்பு, சல்மோனாவிலிருந்து புறப்பட்டு பூனோனில் முகாம்போட்டார்கள். ⁴³  அதன்பின், பூனோனிலிருந்து புறப்பட்டு ஓபோத்தில் முகாம்போட்டார்கள்.+ ⁴⁴  அடுத்ததாக, ஓபோத்திலிருந்து புறப்பட்டு மோவாபின் எல்லையிலுள்ள இய்யா-அபாரீமில்* முகாம்போட்டார்கள்.+ ⁴⁵  பிற்பாடு, இய்யமிலிருந்து புறப்பட்டு தீபோன்-காத்தில்+ முகாம்போட்டார்கள். ⁴⁶  பிறகு, தீபோன்-காத்திலிருந்து புறப்பட்டு அல்மோன்-திப்லத்தாயிமில் முகாம்போட்டார்கள். ⁴⁷  அதன்பின், அல்மோன்-திப்லத்தாயிமிலிருந்து புறப்பட்டு நேபோவுக்கு+ முன்னால் உள்ள அபாரீம் மலைத்தொடர்களில்+ முகாம்போட்டார்கள். ⁴⁸  கடைசியாக, அபாரீம் மலைத்தொடர்களிலிருந்து புறப்பட்டு எரிகோவுக்குப் பக்கத்தில் யோர்தானை ஒட்டியுள்ள மோவாப் பாலைநிலத்தில் முகாம்போட்டார்கள்.+ ⁴⁹  யோர்தானை ஒட்டியுள்ள அந்த மோவாப் பாலைநிலத்தில், பெத்-யெசிமோத் பகுதியிலிருந்து ஆபேல்-சித்தீம்வரை+ அவர்கள் தங்கியிருந்தார்கள். ⁵⁰  எரிகோவுக்குப் பக்கத்தில் யோர்தானை ஒட்டியுள்ள மோவாப் பாலைநிலத்தில் யெகோவா மோசேயிடம், ⁵¹  “நீ இஸ்ரவேலர்களிடம் சொல்ல வேண்டியது என்னவென்றால், ‘நீங்கள் யோர்தானைக் கடந்து கானான் தேசத்துக்குள் போகப் போகிறீர்கள்.+ ⁵²  அந்தத் தேசத்து ஜனங்கள் எல்லாரையும் நீங்கள் துரத்தியடிக்க வேண்டும். அவர்கள் வைத்திருக்கும் எல்லா கற்சிலைகளையும்+ உலோகச் சிலைகளையும்+ உடைத்துப்போட வேண்டும். அவர்களுடைய ஆராதனை மேடுகள் எல்லாவற்றையும் இடித்துப்போட வேண்டும்.+ ⁵³  அவர்களுடைய தேசத்தைச் சொந்தமாக்கிக்கொண்டு அங்கே குடியிருக்க வேண்டும். அந்தத் தேசத்தை நான் நிச்சயம் உங்கள் கையில் கொடுப்பேன்.+ ⁵⁴  நீங்கள் அந்தத் தேசத்தை அந்தந்த கோத்திரங்களுக்கும் குடும்பங்களுக்கும் குலுக்கல் முறையில் பங்குபோட்டுக் கொடுக்க வேண்டும்.+ ஒரு தொகுதியில் நிறைய பேர் இருந்தால் அதிக நிலத்தைக் கொடுக்க வேண்டும், கொஞ்சம் பேர் மட்டும் இருந்தால் கொஞ்சம் நிலத்தை மட்டும் கொடுக்க வேண்டும்.+ குலுக்கல் முறையில் ஒரு கோத்திரத்துக்கு எந்த இடம் விழுகிறதோ அந்த இடத்தைக் கொடுக்க வேண்டும். உங்கள் தகப்பன்களுடைய கோத்திரங்களின்படி உங்களுக்குச் சொத்து கிடைக்கும்.+ ⁵⁵  ஆனால், அந்தத் தேசத்திலுள்ள ஜனங்களை நீங்கள் துரத்தியடிக்காவிட்டால்,+ அவர்கள் உங்களுடைய கண்களை உறுத்துகிற துரும்பைப் போலவும் உங்களுடைய விலாவில் குத்துகிற முள்ளைப் போலவும் இருப்பார்கள். நீங்கள் குடியிருக்கும் தேசத்தில் அவர்கள் உங்களைப் பாடாய்ப் படுத்துவார்கள்.+ ⁵⁶  நான் அவர்களுக்குச் செய்ய நினைத்ததை உங்களுக்குச் செய்வேன்’”+ என்றார்.