சங்கீதம் 74:1-23
மஸ்கீல்.* ஆசாப்பின்+ பாடல்.
74 கடவுளே, ஏன் எங்களை ஒரேயடியாக ஒதுக்கிவிட்டீர்கள்?+
நீங்கள் மேய்க்கிற ஆடுகள்மேல் உங்கள் கோபம் ஏன் பற்றியெரிகிறது?+
2 ரொம்பக் காலத்துக்கு முன்னால் நீங்கள் சொந்தமாக்கிக்கொண்ட மக்களை நினைத்துப் பாருங்கள்.+நீங்கள் விடுவித்துக் கொண்டுவந்த உங்கள் சொத்தாகிய ஜனங்களையும்,+
நீங்கள் குடிகொண்டிருந்த சீயோன் மலையையும் நினைத்துப் பாருங்கள்.+
3 நிரந்தரமாக அழிக்கப்பட்ட இடத்தைப் போய்ப் பாருங்கள்.+
பரிசுத்த இடத்திலுள்ள எல்லாவற்றையும் எதிரி நாசமாக்கிவிட்டான்.+
4 உங்கள் விரோதிகள் உங்களுடைய வழிபாட்டு இடத்துக்குள் வந்து வெற்றி முழக்கம் செய்தார்கள்.+
அங்கே தங்களுடைய கொடிகளை அடையாளங்களாக நாட்டினார்கள்.
5 அடர்ந்த காட்டிலுள்ள மரங்களைக் கோடாலியால் வெட்டிக்கொண்டே போகிற ஆட்களைப் போல அவர்கள் இருந்தார்கள்.
6 அங்கிருந்த செதுக்கு வேலைப்பாடுகள்+ எல்லாவற்றையும் கோடாலிகளாலும் கடப்பாரைகளாலும் உடைத்து நொறுக்கினார்கள்.
7 உங்களுடைய ஆலயத்தைத் தீ வைத்துக் கொளுத்தினார்கள்.+
உங்களுடைய பெயர் தாங்கிய கூடாரத்தைத் தரைமட்டமாக்கி, அதன் பரிசுத்தத்தைக் கெடுத்தார்கள்.
8 “கடவுளுடைய வழிபாட்டு இடங்கள் இந்தத் தேசத்தில் எங்கே இருந்தாலும் அவற்றைக் கொளுத்திவிட வேண்டும்” என்று
அவர்களும் அவர்களுடைய பிள்ளைகளும் உள்ளத்தில் சொல்லிக்கொண்டார்கள்.
9 நாங்கள் பார்ப்பதற்கு எந்த அடையாளங்களும் இல்லை.ஒரு தீர்க்கதரிசிகூட மீதியில்லை.எவ்வளவு காலம் இது நீடிக்கும் என்று தெரிந்தவர்கள் ஒருவர்கூட இல்லை.
10 கடவுளே, எவ்வளவு காலத்துக்குத்தான் எதிரி உங்களைப் பழித்துக்கொண்டே இருப்பான்?+
உங்களுடைய பெயரை அவன் என்றென்றும் அவமதித்துக்கொண்டுதான் இருப்பானா?+
11 உங்கள் வலது கையை மடியிலிருந்து* எடுத்த பிறகு ஏன் ஒன்றும் செய்யாமல் இருக்கிறீர்கள்?+
உங்கள் கையை நீட்டி அவர்களுக்கு ஒரு முடிவுகட்டுங்கள்.
12 காலம்காலமாகவே கடவுள்தான் என் ராஜாவாக இருக்கிறார்.அவர்தான் இந்தப் பூமியில் மீட்பைத் தருகிறார்.+
13 கடவுளே, உங்களுடைய பலத்தால் கடலைக் கொந்தளிக்க வைத்தீர்கள்.+கடலில் இருக்கிற ராட்சதப் பிராணிகளின் மண்டையைப் பிளந்தீர்கள்.
14 லிவியாதானின்* தலையை நொறுக்கினீர்கள்.பாலைவனங்களில் குடியிருக்கிற மக்களுக்கு அதைச் சாப்பிடக் கொடுத்தீர்கள்.
15 நிலத்தைப் பிளந்து நீரூற்றுகளையும் நீரோடைகளையும் பாய வைத்தீர்கள்.+வற்றாத நதிகளை வறண்டுபோக வைத்தீர்கள்.+
16 பகலும் உங்களுடையது, இரவும் உங்களுடையது.
நீங்கள்தான் வெளிச்சத்தையும்* சூரியனையும் உண்டாக்கினீர்கள்.+
17 பூமியின் எல்லைகளையெல்லாம் குறித்தீர்கள்.+கோடைக் காலத்தையும் குளிர் காலத்தையும் ஏற்படுத்தினீர்கள்.+
18 யெகோவாவே, எதிரி எப்படியெல்லாம் உங்களைப் பழித்துப் பேசினான் என்று நினைத்துப் பாருங்கள்.முட்டாள் ஜனங்கள் உங்களுடைய பெயரை எப்படி அவமதிக்கிறார்கள் என்று பாருங்கள்!+
19 உங்களுடைய காட்டுப் புறாவின் உயிரைக் கொடிய மிருகங்களிடம் கொடுத்துவிடாதீர்கள்.
கஷ்டத்தில் தவிக்கிற உங்களுடைய மக்களின் உயிரை ஒரேயடியாக மறந்துவிடாதீர்கள்.
20 நீங்கள் செய்த ஒப்பந்தத்தை நினைத்துப் பாருங்கள்.பூமியின் இருட்டான இடங்களில் கொடுமைக்காரர்கள்* நிறைந்திருக்கிறார்கள்.
21 அடக்கி ஒடுக்கப்படுகிறவர்கள் ஏமாற்றத்தோடு திரும்பிப் போகாதிருக்கட்டும்.+ஏழை எளியவர்கள் உங்களுடைய பெயரைப் புகழட்டும்.+
22 கடவுளே, எழுந்து வந்து உங்களுக்காக வழக்காடுங்கள்.
முட்டாள்கள் உங்களை நாள் முழுவதும் எப்படிப் பழித்துப் பேசுகிறார்கள் என்று நினைத்துப் பாருங்கள்.+
23 உங்களுடைய எதிரிகள் பேசுகிற பேச்சை மறந்துவிடாதீர்கள்.
உங்களை எதிர்க்கிறவர்கள் போடுகிற கூச்சல் சத்தம் மேலே எழும்பிக்கொண்டே இருக்கிறது.
அடிக்குறிப்புகள்
^ சொல் பட்டியலைப் பாருங்கள்.
^ வே.வா., “உங்கள் அங்கி மடிப்புகளிலிருந்து.”
^ சொல் பட்டியலைப் பாருங்கள்.
^ வே.வா., “ஒளிச்சுடரையும்.”
^ வே.வா., “வன்முறை செய்கிறவர்கள்.”