^{மஸ்கீல்.* எஸ்ராகியனான ஏத்தானின்+ பாடல்.} 89  யெகோவா மாறாத அன்பைக் காட்டிய விதங்களைப் பற்றி என்றென்றும் பாடுவேன். உங்களுடைய உண்மைத்தன்மையைப் பற்றித் தலைமுறை தலைமுறைக்கும் சொல்வேன்.  ²  ஏனென்றால், “மாறாத அன்பு என்றென்றும் நிலைத்திருக்கும்.+உங்களுடைய உண்மைத்தன்மையைப் பரலோகத்திலேஉறுதியாக நிலைநாட்டியிருக்கிறீர்கள்” என்று சொன்னேன்.  ³  “நான் தேர்ந்தெடுத்த ஒருவனோடு ஒப்பந்தம் செய்திருக்கிறேன்.+என் ஊழியன் தாவீதுக்கு இப்படி ஆணையிட்டுக் கொடுத்திருக்கிறேன்:+  ⁴  ‘உன் சந்ததியை என்றென்றும் நிலைத்திருக்கச் செய்வேன்.+உன் சிம்மாசனத்தைத் தலைமுறை தலைமுறைக்கும் நிலைநிறுத்துவேன்.’”+ (சேலா)  ⁵  யெகோவாவே, பரலோகம் உங்களுடைய அற்புதமான செயல்களைப் புகழ்கிறது.பரிசுத்தமானவர்களின் சபை உங்களுடைய உண்மைத்தன்மையைப் போற்றுகிறது.  ⁶  பரலோகத்தில் யெகோவாவுக்கு நிகராக இருப்பவர் யார்?+ யெகோவாவுடைய மகன்களில்*+ அவருக்குச் சமமாக இருப்பவர் யார்?  ⁷  பரிசுத்தமானவர்களின் கூட்டம் கடவுளுக்குப் பயபக்தி காட்டுகிறது.+அவரைச் சூழ்ந்திருக்கிற எல்லாருக்கும் அவர் மகத்தானவர், பயபக்திக்குரியவர்.+  ⁸  பரலோகப் படைகளின் கடவுளான யெகோவாவே,“யா”வே,* உங்களைப் போலப் பலமுள்ளவர் யார்?+ நீங்கள் எப்போதுமே நம்பகமானவராக* நடந்துகொள்கிறீர்கள்.+  ⁹  கொந்தளிக்கிற கடலைக் கட்டுப்படுத்துகிறீர்கள்.+பொங்கியெழும் அலைகளை அடக்குகிறீர்கள்.+ ¹⁰  நீங்கள் ராகாபை*+ வென்றீர்கள், கொன்றீர்கள்.+ உங்களுடைய கைபலத்தால் எதிரிகளைச் சிதறிப்போக வைத்தீர்கள்.+ ¹¹  வானம் உங்களுடையது, பூமியும் உங்களுடையது.+பூமியையும் அதிலிருக்கிற எல்லாவற்றையும்+ நீங்கள்தான் உண்டாக்கினீர்கள். ¹²  வடக்கையும் தெற்கையும் நீங்கள்தான் படைத்தீர்கள்.தாபோரும்+ எர்மோனும்+ உங்கள் பெயரைச் சந்தோஷமாகப் புகழ்கின்றன. ¹³  உங்களுடைய கரம் வலிமையுள்ளது.+உங்களுடைய கை பலமுள்ளது.+உங்களுடைய வலது கை உயர்ந்தோங்கி இருக்கிறது.+ ¹⁴  நீதியும் நியாயமும் உங்களுடைய சிம்மாசனத்தின் அடித்தளமாக இருக்கின்றன.+மாறாத அன்பும் உண்மைத்தன்மையும் உங்கள் முன்னால் நிற்கின்றன.+ ¹⁵  உங்களை ஆனந்தமாகப் புகழ்கிறவர்கள் சந்தோஷமானவர்கள்.+ யெகோவாவே, உங்களுடைய முகத்தின் ஒளியில் அவர்கள் நடக்கிறார்கள். ¹⁶  அவர்கள் உங்களுடைய பெயரை நினைத்து நாளெல்லாம் சந்தோஷப்படுகிறார்கள்.உங்களுடைய நீதியால் உயர்வு அடைந்திருக்கிறார்கள். ¹⁷  ஏனென்றால், நீங்கள்தான் அவர்களுடைய மகிமை, அவர்களுடைய பலம்.+உங்களுடைய தயவால் எங்களுடைய பலம் கூடுகிறது.+ ¹⁸  யெகோவா எங்களுக்குக் கேடயத்தைத் தந்தார்.இஸ்ரவேலின் பரிசுத்தமான கடவுள் எங்களுக்கு ராஜாவைக் கொடுத்தார்.+ ¹⁹  அந்தச் சமயத்திலே, உங்களிடம் உண்மையாக* இருந்தவர்களிடம் ஒரு தரிசனத்தில் இப்படிச் சொன்னீர்கள்:“மாவீரன் ஒருவனுக்குப் பலம் கொடுத்தேன்.+ மக்கள் நடுவிலிருந்து ஒருவனைத் தேர்ந்தெடுத்து அவனை உயர்த்தினேன்.+ ²⁰  என் ஊழியன் தாவீதைக் கண்டேன்.+என்னுடைய பரிசுத்த எண்ணெயால் அவனை அபிஷேகம் செய்தேன்.+ ²¹  என் கை அவனைத் தாங்கும்.+என் கரம் அவனைப் பலப்படுத்தும். ²²  எந்த எதிரியும் அவனிடம் கப்பம் கேட்க மாட்டான்.அநீதியுள்ளவன் எவனும் அவனை அடக்கி ஒடுக்க மாட்டான்.+ ²³  அவனுடைய எதிரிகளை அவன் முன்னால் நொறுக்கிப்போடுவேன்.+அவனை வெறுக்கிறவர்களை வெட்டி வீழ்த்துவேன்.+ ²⁴  அவனிடம் உண்மையோடு நடந்துகொள்வேன், அவனுக்கு மாறாத அன்பைக் காட்டுவேன்.+என் பெயரால் அவனுடைய பலம் கூடும். ²⁵  அவனுக்குக் கடலின் மேல் அதிகாரம் கொடுப்பேன்.ஆறுகளின் மேலும் அதிகாரம் கொடுப்பேன்.+ ²⁶  அவன் என்னிடம், ‘நீங்கள்தான் என் தகப்பன்,என் கடவுள், என்னை மீட்கும் கற்பாறை’+ என்று சொல்வான். ²⁷  அவனை மூத்த மகனாக்குவேன்.+பூமியில் இருக்கிற ராஜாக்களுக்கெல்லாம் மகா ராஜாவாக்குவேன்.+ ²⁸  மாறாத அன்பை அவனுக்கு என்றென்றும் காட்டுவேன்.+அவனோடு செய்த ஒப்பந்தத்தை முறிக்கவே மாட்டேன்.+ ²⁹  அவனுடைய சந்ததியை என்றென்றும் நிலைத்திருக்கச் செய்வேன்.அவனுடைய சிம்மாசனத்தை வானம்போல் என்றுமே நிலைநிற்க வைப்பேன்.+ ³⁰  அவனுடைய வாரிசுகள் என் சட்டத்தைக் கடைப்பிடிக்காமல் போனால்,என் உத்தரவுகளின்படி* நடக்காமல் போனால், ³¹  என் சட்டதிட்டங்களை மீறினால்,என் கட்டளைகளின்படி செய்யாமல் போனால், ³²  எனக்குக் கீழ்ப்படியாததற்காக அவர்களைத் தடியால் அடிப்பேன்.+குற்றம் செய்ததற்காக அவர்களைச் சாட்டையால் விளாசுவேன். ³³  ஆனாலும், நான் அவனுக்கு மாறாத அன்பைக் காட்டாமல் இருக்க மாட்டேன்.+கொடுத்த வாக்கை நிறைவேற்றாமலும் போக மாட்டேன். ³⁴  நான் செய்த ஒப்பந்தத்தை மீற மாட்டேன்.+சொன்ன சொல்லை மாற்றவும் மாட்டேன்.+ ³⁵  ஒரே முறையாக என்னுடைய பரிசுத்தத்தின் மேல் ஆணையிட்டுச் சொன்னேன்.தாவீதிடம் பொய் சொல்ல மாட்டேன்.+ ³⁶  அவனுடைய சந்ததி என்றென்றும் நிலைத்திருக்கும்.+அவனுடைய சிம்மாசனம் சூரியனைப் போல எப்போதும் என்முன் நிலைத்திருக்கும்.+ ³⁷  வானத்தில் உண்மையுள்ள சாட்சியாக இருக்கிற சந்திரனைப் போல,அது என்றென்றும் உறுதியாக நிலைநிறுத்தப்படும்.” (சேலா) ³⁸  ஆனால், நீங்கள் அபிஷேகம் செய்தவரை நீங்களே வெறுத்து ஒதுக்கினீர்கள்.+அவன்மேல் பயங்கர கோபம் கொண்டீர்கள். ³⁹  உங்களுடைய ஊழியனோடு செய்த ஒப்பந்தத்தைப் புறக்கணித்தீர்கள்.அவனுடைய கிரீடத்தைத் தரையில் எறிந்து அதைக் கேவலப்படுத்தினீர்கள். ⁴⁰  அவனுடைய கற்சுவர்கள் எல்லாவற்றையும் இடித்துப்போட்டீர்கள்.அவனுடைய மதில்களைத் தரைமட்டமாக்கினீர்கள். ⁴¹  வருவோர் போவோர் எல்லாரும் அவனைச் சூறையாடினார்கள்.சுற்றுவட்டார ஜனங்கள் அவனைப் பழித்துப் பேசினார்கள்.+ ⁴²  அவனுடைய எதிரிகளை நீங்கள் ஜெயிக்க வைத்தீர்கள்.+அவனுடைய விரோதிகள் எல்லாரையும் கைகொட்டிச் சிரிக்க வைத்தீர்கள். ⁴³  அவனுடைய வாளை உதவாமல் போகும்படி செய்துவிட்டீர்கள்.போர்க்களத்தில் அவனைத் தோற்றுப்போக வைத்தீர்கள். ⁴⁴  அவனுடைய மேன்மைக்கு முடிவுகட்டினீர்கள்.அவனுடைய சிம்மாசனத்தைக் கவிழ்த்துப்போட்டீர்கள். ⁴⁵  அவனுடைய இளமைக் காலத்தைக் குறைத்தீர்கள்.அவமானத்தால் அவனை மூடினீர்கள். (சேலா) ⁴⁶  யெகோவாவே, இன்னும் எவ்வளவு காலம் மறைந்திருப்பீர்கள்? என்றென்றைக்குமா?+ உங்களுடைய ஆக்ரோஷம் நெருப்புபோல் எரிந்துகொண்டே இருக்குமா? ⁴⁷  என் வாழ்நாள் எவ்வளவு குறுகியது என்பதை நினைத்துப் பாருங்கள்.+ மனிதர்கள் எல்லாரையும் வீணாகவா நீங்கள் படைத்தீர்கள்? ⁴⁸  எந்த மனிதனாவது சாகாமலேயே உயிரோடு இருக்க முடியுமா?+ கல்லறையின் பிடியிலிருந்து தன்னைத்தானே காப்பாற்றிக்கொள்ள முடியுமா? (சேலா) ⁴⁹  யெகோவாவே, மாறாத அன்பினால் நீங்கள் முன்பு செய்த செயல்களெல்லாம் எங்கே?அவற்றைப் பற்றி தாவீதுக்கு உண்மையோடு ஆணையிட்டுக் கொடுத்ததெல்லாம் எங்கே?+ ⁵⁰  யெகோவாவே, உங்களுடைய ஊழியர்கள் எப்படியெல்லாம் பழித்துப் பேசப்பட்டார்கள்!எல்லாருடைய பழிப்பேச்சையும் நான் எப்படித் தாங்கிக்கொள்ள வேண்டியிருக்கிறது! ⁵¹  யெகோவாவே, உங்களுடைய எதிரிகள் எப்படியெல்லாம் கேவலமாகப் பேசினார்கள்!நீங்கள் அபிஷேகம் செய்தவரின் ஒவ்வொரு செயலையும் எப்படிக் கேவலமாகப் பேசினார்கள்!அதையெல்லாம் கொஞ்சம் யோசித்துப் பாருங்கள். ⁵²  யெகோவாவுக்கு என்றென்றும் புகழ் சேரட்டும்! ஆமென், ஆமென்.*+