^{א [ஆலெஃப்]} 3  கடவுளுடைய கடும் கோபத்தின் பிரம்பினால் அடி வாங்கி வேதனைப்படுகிறவன் நான்.  ²  அவர் என்னை விரட்டிவிட்டார்; வெளிச்சத்தில் நடக்க வைக்காமல் இருட்டில் நடக்க வைக்கிறார்.+  ³  நாள் முழுக்க என்னை அடித்துக்கொண்டே இருக்கிறார்.+ ^{ב [பேத்]  4}  என்னுடைய சதையையும் தோலையும் சிதைத்துவிட்டார்.என் எலும்புகளை உடைத்துவிட்டார்.  ⁵  என்னை வளைத்துப் பிடித்தார்; கசப்பான விஷத்தையும் கஷ்டத்தையும் எல்லா பக்கத்திலிருந்தும் கொடுத்தார்.+  ⁶  ரொம்பக் காலத்துக்குமுன் இறந்தவர்களைப் போலவே என்னையும் இருட்டான இடத்தில் தள்ளிவிட்டார். ^{ג [கீமெல்]  7}  என்னால் தப்பிக்கவே முடியாதபடி சுற்றிலும் சுவர் எழுப்பினார்.கனமான செம்பு விலங்குகளை என் கால்களில் மாட்டினார்.+  ⁸  உதவிக்காக நான் கெஞ்சிக் கதறுவதை அவர் கேட்கவே இல்லை.+  ⁹  என்னுடைய பாதைகளைக் கற்களால் அடைத்தார்.என்னுடைய வழிகளைத் தாறுமாறாக்கினார்.+ ^{ד [டாலத்] 10}  பதுங்கியிருந்து தாக்கும் கரடியையும் சிங்கத்தையும் போல என்னைத் தாக்குவதற்குக் காத்திருந்தார்.+ ¹¹  வழியிலிருந்து என்னை இழுத்துக்கொண்டு போய் நார்நாராகக் கிழித்தார்.*என்னைச் சின்னாபின்னமாக்கினார்.+ ¹²  வில்லை வளைத்து, என்னைக் குறிவைத்தார். ^{ה [ஹே] 13}  தன் அம்புக்கூட்டில் உள்ள அம்புகளால் என் சிறுநீரகங்களைக் குத்திக் கிழித்தார். ¹⁴  எல்லா ஜனங்களும் என்னைக் கேலி செய்கிறார்கள்; நாளெல்லாம் என்னைக் கிண்டல் செய்து பாட்டுப் பாடுகிறார்கள். ¹⁵  கசப்பானவற்றால் அவர் என்னை நிரப்பியிருக்கிறார்; எட்டியைக் கொடுத்து திணறடித்திருக்கிறார்.+ ^{ו [வா] 16}  கற்களால் என் பற்களை அவர் உடைக்கிறார்.என்னைச் சாம்பலில் புரள வைக்கிறார்.+ ¹⁷  என்னுடைய நிம்மதியைப் பறித்துவிட்டீர்கள்; சந்தோஷத்தையே* நான் மறந்துவிட்டேன். ¹⁸  அதனால் நான், “என்னுடைய மகிமை போய்விட்டது; யெகோவாமேல் நான் வைத்திருந்த நம்பிக்கையும் போய்விட்டது” என்று சொல்கிறேன். ^{ז [ஸாயின்] 19}  என் கஷ்டங்களை நினைத்துப் பாருங்கள். நான் வீடுவாசல் இல்லாமல் தவிக்கிறேன்,+ எட்டியையும் கசப்பான விஷத்தையும் விழுங்குகிறேன்.+ ²⁰  நீங்கள் கண்டிப்பாக என்னை நினைத்துப் பார்ப்பீர்கள், இறங்கி வந்து* எனக்கு உதவுவீர்கள்.+ ²¹  இதை ஞாபகத்தில் வைத்து, உங்களுக்காகப் பொறுமையோடு காத்திருப்பேன்.+ ^{ח [ஹேத்] 22}  யெகோவாவுடைய மாறாத அன்பினால்தான் நாம் இன்னும் அழிந்துபோகவில்லை.+அவருடைய இரக்கத்துக்கு முடிவே இல்லை.+ ²³  ஒவ்வொரு நாள் காலையிலும் அவர் புதுப்புது விதங்களில் இரக்கம் காட்டுகிறார்.+ கடவுளே, நீங்கள் எப்போதுமே நம்பகமானவர்.+ ²⁴  “யெகோவாதான் என்னுடைய பங்கு.+ அதனால், நான் அவருக்காகப் பொறுமையோடு காத்திருப்பேன்”+ என்று சொன்னேன். ^{ט [டேத்] 25}  யெகோவா தன்னை நம்புகிறவர்களுக்கும்+ தன்னைத் தேடுகிறவர்களுக்கும்+ நல்லவராக இருக்கிறார். ²⁶  யெகோவா தருகிற மீட்புக்காக அமைதியாய்* காத்திருப்பது நல்லது.+ ²⁷  சிறு வயதிலேயே பாரமான சுமைகளைச் சுமப்பது* ஒருவனுக்கு நல்லது.+ ^{י [யோத்] 28}  கடவுள் அவன்மேல் அந்தச் சுமைகளைச் சுமத்தும்போது அவன் தனியாக உட்கார்ந்து, அமைதியாக இருக்கட்டும்.+ ²⁹  அவன் குப்புற விழுந்து, தன்னுடைய வாயை மண்ணுக்குள் புதைத்துக்கொள்ளட்டும்;+ அவனுக்கு விடிவுகாலம் வரலாம்.+ ³⁰  அடிக்கிறவனுக்கு அவன் தன்னுடைய கன்னத்தைக் காட்டட்டும்; எவ்வளவு அவமானம் வந்தாலும் தாங்கிக்கொள்ளட்டும். ^{כ [காஃப்] 31}  யெகோவா நம்மை ஒரேயடியாக ஒதுக்கித்தள்ள மாட்டார்.+ ³²  அவர் நமக்கு வேதனை தந்திருந்தாலும் அளவுகடந்த அன்போடு* இரக்கம் காட்டுவார்.+ ³³  ஏனென்றால், மனுஷர்களை வேதனையால் வாட்ட வேண்டும் என்று அவர் நினைப்பதே இல்லை.+ ^{ל [லாமெத்] 34}  உலகத்திலுள்ள கைதிகளைக் காலடியில் போட்டு மிதிப்பவர்களையும்,+ ³⁵  உன்னதமான கடவுளுக்குமுன் நியாயம் வழங்காமல் இருப்பவர்களையும்,+ ³⁶  வழக்கில் யாரையாவது ஏமாற்றுகிறவர்களையும்யெகோவா பொறுத்துக்கொள்ளவே மாட்டார். ^{מ [மேம்] 37}  யெகோவா கட்டளை கொடுக்காமல் ஒருவரால் எதையாவது சொல்லி அதை நிறைவேற்ற முடியுமா? ³⁸  உன்னதமான கடவுளுடைய வாயிலிருந்துநல்லதும் கெட்டதும் சேர்ந்து வராது. ³⁹  செய்த பாவத்துக்குத் தண்டனை* அனுபவிக்கிறவன் அதைப் பற்றி ஏன் புலம்ப வேண்டும்?+ ^{נ [நூன்] 40}  நாம் நம்முடைய வழிகளை நன்றாகச் சோதித்துப் பார்த்து+ யெகோவாவிடம் திரும்பிவிடலாம்.+ ⁴¹  முழு இதயத்தோடு நம்முடைய கைகளை உயர்த்தி, பரலோகத்தில் உள்ள கடவுளிடம்,+ ⁴²  “நாங்கள் குற்றம் செய்துவிட்டோம்; கீழ்ப்படியாமல் போய்விட்டோம்;+ நீங்கள் எங்களை மன்னிக்கவில்லை.+ ^{ס [சாமெக்] 43}  எங்கள் மேலுள்ள கோபத்தினால் உங்களிடம் வரவிடாமல் தடுத்துவிட்டீர்கள்.+எங்களைத் துரத்திப் பிடித்து, கரிசனை இல்லாமல் கொன்றுவிட்டீர்கள்.+ ⁴⁴  எங்கள் ஜெபங்கள் உங்களிடம் வந்து சேராதபடி மேகத்தால் அவற்றைத் தடுத்துவிட்டீர்கள்.+ ⁴⁵  ஜனங்கள் மத்தியில் எங்களைக் குப்பைக்கூளம் போல அசிங்கமாக்கிவிட்டீர்கள்” என்று வேண்டிக்கொள்ளலாம். ^{פ [பே]* 46}  எங்களுடைய எதிரிகள் எல்லாரும் எங்களைக் கிண்டல் செய்கிறார்கள்.+ ⁴⁷  எங்கள்முன் இருப்பதெல்லாம் திகிலும் படுகுழியும்தான்;+ நாங்கள் சீரழிந்தும் சிதைந்தும் போய்விட்டோம்.+ ⁴⁸  என் ஜனங்களுடைய அழிவைப் பார்த்து என் கண்களிலிருந்து தாரைதாரையாகக் கண்ணீர் வழிந்தோடுகிறது.+ ^{ע [ஆயின்] 49}  ஓய்வே இல்லாமல் எந்நேரமும் கண்ணீர் விடுகிறேன்.+ ⁵⁰  யெகோவா பரலோகத்திலிருந்து எங்களைப் பார்க்கும்வரை+ அழுதுகொண்டே இருப்பேன். ⁵¹  என் நகரத்தின் மகள்களுடைய நிலைமையைப் பார்த்து இரத்தக் கண்ணீர் வடிக்கிறேன்.+ ^{צ [சாதே] 52}  ஒரு பறவையை வேட்டையாடுவது போல எதிரிகள் காரணமே இல்லாமல் என்னை வேட்டையாடினார்கள். ⁵³  என்னைக் குழியில் தள்ளி, என் மூச்சை அடக்கிவிட்டார்கள். என்மேல் கற்களை வீசிக்கொண்டே இருந்தார்கள். ⁵⁴  தண்ணீர் என் தலைக்கு மேல் புரண்டது; “அவ்வளவுதான், நான் தொலைந்தேன்!” என்று சொன்னேன். ^{ק [கோஃப்] 55}  யெகோவாவே, ஆழமான குழியிலிருந்து நான் உங்கள் பெயரைச் சொல்லிக் கூப்பிட்டேன்.+ ⁵⁶  காப்பாற்றும்படி நான் கெஞ்சிக் கதறுவதைக் கேளுங்கள்; உங்கள் காதை அடைத்துக்கொள்ளாதீர்கள். ⁵⁷  நான் உங்களைக் கூப்பிட்ட நாளில் என் பக்கத்தில் வந்தீர்கள். “பயப்படாதே” என்று சொன்னீர்கள். ^{ר [ரேஷ்] 58}  யெகோவாவே, நீங்கள் எனக்காக வழக்காடினீர்கள். என் உயிரை மீட்டீர்கள்.+ ⁵⁹  யெகோவாவே, எனக்குச் செய்யப்பட்ட அநியாயத்தை நீங்கள் பார்த்திருக்கிறீர்கள். தயவுசெய்து எனக்கு நியாயம் செய்யுங்கள்.+ ⁶⁰  என்னுடைய எதிரிகள் எப்படியெல்லாம் சதித்திட்டம் தீட்டி என்னைப் பழிவாங்குகிறார்கள் என்பதை நீங்கள் பார்த்திருக்கிறீர்கள். ^{ש [ஸீன்] அல்லது [ஷீன்] 61}  யெகோவாவே, அவர்கள் எனக்கு எதிராகத் திட்டங்கள் தீட்டுவதையும் என்னைப் பழித்துப் பேசுவதையும் நீங்கள் கேட்டிருக்கிறீர்கள்.+ ⁶²  நாள் முழுக்க அவர்கள் எனக்கு எதிராக முணுமுணுப்பதைக் கேட்டிருக்கிறீர்கள். ⁶³  அவர்களைப் பாருங்கள்; உட்கார்ந்தாலும் நின்றாலும் என்னைக் கேலி செய்து பாட்டுப் பாடிக்கொண்டே இருக்கிறார்கள். ^{ת [ட்டா] 64}  யெகோவாவே, அவர்களுக்கு நீங்கள் சரியான கூலி கொடுப்பீர்கள்! ⁶⁵  சுரணைகெட்ட இதயத்தை ஒரு சாபமாக அவர்களுக்குக் கொடுப்பீர்கள். ⁶⁶  யெகோவாவே, நீங்கள் அவர்களைக் கோபத்தோடு துரத்திக்கொண்டு போய், பூமியிலிருந்தே ஒழித்துக்கட்டுவீர்கள்.