ஏசாயா 1:1-31
1 உசியா,+ யோதாம்,+ ஆகாஸ்,+ எசேக்கியா+ ஆகியவர்கள் யூதாவை ஆட்சி செய்த+ காலத்தில், ஆமோத்ஸ் என்பவரின் மகனான ஏசாயா* வாழ்ந்தார். யூதாவையும் எருசலேமையும் பற்றி அவர் பார்த்த தரிசனம்+ இதுதான்:
2 பரலோகமே, கேள்! பூமியே, கவனி!+யெகோவா சொல்வது இதுதான்:
“பிள்ளைகளை வளர்த்து ஆளாக்கினேன்.+ஆனால், அவர்கள் எனக்கு அடங்கி நடக்கவில்லை.+
3 காளை மாட்டுக்கு அதன் எஜமானைத் தெரியும்.கழுதைக்கு அதன் எஜமான் வைத்திருக்கிற தீவனத் தொட்டி தெரியும்.ஆனால், என் ஜனங்களான இஸ்ரவேலர்களுக்கு என்னை* தெரியவில்லை.+என் சொந்த ஜனங்களே புத்தியில்லாமல்* நடந்துகொள்கிறார்கள்.”
4 பாவம் செய்கிற ஜனங்களே! உங்களுக்கு ஐயோ கேடு!+நீங்கள் குற்றத்துக்குமேல் குற்றம் செய்கிறீர்கள்.அக்கிரமக்காரக் கும்பலே! கேடுகெட்ட பிள்ளைகளே!
நீங்கள் யெகோவாவை ஒதுக்கித்தள்ளினீர்கள்.+இஸ்ரவேலின் பரிசுத்தமான கடவுளிடம் மரியாதை இல்லாமல் நடந்துகொண்டீர்கள்.அவரைவிட்டு விலகிப்போனீர்கள்.
5 ஏன் அவருக்கு அடங்க மறுக்கிறீர்கள், வாங்கிய அடியெல்லாம் போதாதா?+
உங்கள் தலை முழுக்க புண் வந்திருக்கிறது.இதயம் முழுக்க கோளாறு இருக்கிறது.+
6 உள்ளங்கால்முதல் உச்சந்தலைவரை ஒன்றும் சரியில்லை.
வெளிக்காயங்களும், உள்காயங்களும், சீழ்வடியும் புண்களுமாக இருக்கிறது.மருந்து போடாமலும், கட்டுப் போடாமலும், எண்ணெய் பூசாமலும் விட்டிருக்கிறீர்கள்.+
7 உங்கள் தேசம் பாழாய்க் கிடக்கிறது.
உங்கள் நகரங்கள் கொளுத்தப்பட்டுக் கிடக்கின்றன.
மற்ற தேசத்து ஜனங்கள் உங்கள் கண் முன்னாலேயே உங்கள் நிலத்தைக் கைப்பற்றுகிறார்கள்.+
அதை அழித்து நாசமாக்குகிறார்கள்.+
8 சீயோன் மகள், திராட்சைத் தோட்டத்து காவல்காரனுடைய பந்தல் போலவும்,வெள்ளரித் தோட்டத்தில் உள்ள குடிசை போலவும்,எதிரிகளால் சூழப்பட்ட நகரத்தைப் போலவும் இருக்கிறாள்.+
9 பரலோகப் படைகளின் யெகோவா நம்மில் கொஞ்சம் பேரை மீதியாக வைக்காமல் போயிருந்தால்,நாம் சோதோமைப் போலவும்,கொமோராவைப் போலவும் ஆகியிருப்போம்.+
10 சோதோமின் ஆட்சியாளர்களே,* யெகோவாவின் வார்த்தையைக் கேளுங்கள்.+
கொமோராவின் மக்களே, நம் கடவுளுடைய சட்டத்தை* காதுகொடுத்துக் கேளுங்கள்.+
11 யெகோவா இப்படிச் சொல்கிறார்: “நீங்கள் எத்தனை பலிகளைக் கொடுத்தாலும் எனக்கு என்ன லாபம்?+
உங்களுடைய செம்மறியாட்டுக் கடாக்களின் தகன பலிகளும்,+ புஷ்டியான மிருகங்களின் கொழுப்பும்+ எனக்கு வெறுப்பாக இருக்கிறது.இளம் காளைகள்,+ செம்மறியாட்டுக் குட்டிகள், வெள்ளாடுகள்+ ஆகியவற்றின் இரத்தம்+ எனக்குச் சுத்தமாகப் பிடிக்கவில்லை.
12 நீங்கள் என் ஆலயத்துக்கு வந்து போகிறீர்கள்.+ஆனால், என்னுடைய பிரகாரங்களின் தரை தேய்ந்ததுதான் மிச்சம்.இப்படி வீணாக வந்துபோகும்படி நான் சொன்னேனா?+
13 பிரயோஜனமில்லாத உணவுக் காணிக்கைகளைக் கொண்டுவருவதை நிறுத்துங்கள்.
நீங்கள் தூபம் காட்டுவது எனக்கு அருவருப்பாக இருக்கிறது.+
மாதப் பிறப்புகளிலும்*+ ஓய்வுநாட்களிலும்+ மாநாடுகளிலும்+ நீங்கள் செய்வதை என்னால் இனி சகிக்க முடியாது.என்னை வணங்குவதற்காகக் கூடிவரும்போது நீங்கள் மாயமந்திரத்தில் ஈடுபடுவதை என்னால் இனி பொறுக்க முடியாது.+
14 நீங்கள் கொண்டாடுகிற மாதப் பிறப்புகளையும் பண்டிகைகளையும் நான் வெறுக்கிறேன்.
அதெல்லாம் எனக்கு எரிச்சலாக இருக்கிறது.அதைப் பார்த்துப் பார்த்து சலித்துப்போய்விட்டேன்.
15 உங்கள் கைகளில் இரத்தக்கறை படிந்திருக்கிறது.+அதனால், நீங்கள் என்முன் கைகளை விரித்தாலும்
நான் பார்க்க மாட்டேன்.+நீங்கள் எவ்வளவுதான் ஜெபம் செய்தாலும்+நான் கேட்க மாட்டேன்.+
16 உங்களைச் சுத்தமாக்குங்கள், உங்களைத் தூய்மையாக்குங்கள்.+என் கண் முன்னாலேயே நீங்கள் அக்கிரமங்கள் செய்தது போதும்.அதற்கு ஒரு முடிவுகட்டுங்கள்.+
17 நல்லது செய்யக் கற்றுக்கொள்ளுங்கள், நியாயத்தைத் தேடுங்கள்.+மற்றவர்களை அடக்கி ஒடுக்குகிறவர்களைத் திருத்துங்கள்.அப்பா இல்லாத பிள்ளைகளின்* உரிமைகளுக்காக வாதாடுங்கள்.விதவைகளுக்காக வழக்காடுங்கள்.”+
18 யெகோவா உங்களிடம், “வாருங்கள், நம்மிடையே இருக்கிற பிரச்சினையைச் சரிசெய்யலாம்.+
உங்களுடைய பாவங்கள் இரத்தம்போல் சிவப்பாக இருந்தாலும்,பனிபோல் வெண்மையாகும்.+செக்கச்செவேல் என்று இருந்தாலும்,வெள்ளைவெளேர் என்று ஆகும்.
19 நீங்கள் மனப்பூர்வமாக எனக்குக் கீழ்ப்படிந்து நடந்தால்,தேசத்தின் நல்ல விளைச்சலை அனுபவிப்பீர்கள்.+
20 என் பேச்சைக் கேட்காமல் முரண்டுபிடித்தால்,வாளால் கொல்லப்படுவீர்கள்.+யெகோவாவாகிய நானே இதைச் சொல்கிறேன்” என்கிறார்.
21 விசுவாசமாக இருந்த நகரமே,+ இப்படித் துரோகம் செய்துவிட்டாயே!+
நீ நியாயத்தால் நிறைந்திருந்தாய்.+உன்னிடம் நீதி குடிகொண்டிருந்தது.+ஆனால், இப்போது கொலைகாரர்கள் குடியிருக்கிறார்கள்.+
22 உன் வெள்ளி வெறும் கசடாகிவிட்டது.*+உன் மதுபானம்* தண்ணீர் கலந்ததாகிவிட்டது.
23 உன் தலைவர்கள் திருந்தாதவர்கள்; திருடர்களின் கூட்டாளிகள்.+
ஒவ்வொருவரும் லஞ்சத்தை எதிர்பார்க்கிறார்கள், ஆதாயத்துக்காக அலைகிறார்கள்.+
அப்பா இல்லாத பிள்ளைகளுக்கு நியாயம் வழங்காமல் இருக்கிறார்கள்.விதவைகளின் வழக்குகளை விசாரிக்காமல் ஒதுக்குகிறார்கள்.+
24 அதனால் இஸ்ரவேலர்களின் வல்லமையுள்ள கடவுளும்,உண்மையான எஜமானும், பரலோகப் படைகளின் கடவுளுமான யெகோவா சொல்வது இதுதான்:
“என் விரோதிகளை ஒழித்துக்கட்டுவேன்,எதிரிகளைப் பழிவாங்குவேன்.+
25 உன்னைத் தண்டித்துத் திருத்துவேன்.உன்னைப் புடமிட்டு உன் கசடுகளையெல்லாம் நீக்குவேன்,நன்றாகச் சுத்தமாக்குவேன்.+
26 முன்பு போலவே உனக்காக நியாயாதிபதிகளை நியமிப்பேன்.ஆரம்பத்தில் இருந்தது போலவே ஆலோசகர்களைத்+ தருவேன்.
அதன்பின், ‘நீதியின் நகரம்’ என்றும், ‘விசுவாசத்தின் ஊர்’ என்றும் நீ அழைக்கப்படுவாய்.+
27 நியாயத்தினால் சீயோன் விடுவிக்கப்படும்.+அங்கே திரும்பி வருகிறவர்கள் நீதியினால் விடுவிக்கப்பட்ட ஜனங்களாக இருப்பார்கள்.
28 யெகோவாவுக்கு அடங்காதவர்களும் பாவம் செய்கிறவர்களும் நொறுக்கப்படுவார்கள்.+அவரைவிட்டு விலகுகிறவர்கள் அழிந்துபோவார்கள்.+
29 பெரிய மரங்களை விரும்பியவர்கள் அவமானப்பட்டுப் போவார்கள்.+அவர்கள் தேர்ந்தெடுத்த தோட்டங்களை* குறித்து வெட்கப்பட்டுப் போவார்கள்.+
30 இலைகள் உதிர்ந்த பெரிய மரத்தைப் போலவும்,+தண்ணீர் இல்லாத தோட்டத்தைப் போலவும் அவர்கள் ஆவார்கள்.
31 பலசாலி பலமில்லாத* நார்போல் ஆகிவிடுவான்.அவன் செய்வதெல்லாம் தீப்பொறிபோல் ஆகிவிடும்.யாராலும் அணைக்க முடியாத நெருப்பு அவனைச் சுட்டெரிக்கும்.அவன் செய்வதையெல்லாம் அழித்துவிடும்.”
அடிக்குறிப்புகள்
^ அர்த்தம், “யெகோவா தரும் மீட்பு.”
^ வே.வா., “அவர்களுடைய எஜமானை.”
^ வே.வா., “புரிந்துகொள்ளாமல்.”
^ வே.வா., “கொடுங்கோலர்களே.”
^ வே.வா., “அறிவுரையை.”
^ வே.வா., “முதலாம் பிறையிலும்.”
^ வே.வா., “அநாதைகளின்.”
^ கசடு என்பது உலோகம் புடமிடப்படும்போது நீக்கப்படும் கழிவு.
^ அதாவது, “கோதுமையிலிருந்து தயாரிக்கப்பட்ட பீர்.”
^ அநேகமாக, இந்த மரங்களும் தோட்டங்களும் உருவ வழிபாட்டுடன் சம்பந்தப்பட்டதாக இருக்கலாம்.
^ வே.வா., “நெருப்பு பட்டதும் எரிந்துவிடுகிற.”
