ஏசாயா 26:1-21
26 அந்த நாளில் யூதா தேசத்திலே+ இந்தப் பாட்டுப் பாடப்படும்:+
“நம்முடைய நகரம் வெல்ல முடியாத நகரம்.+
மீட்பை அதற்கு மதிலாகவும் அரணாகவும் அவர் வைத்திருக்கிறார்.+
2 நீதியுள்ள ஜனம் வருவதற்காகக் கதவுகளைத் திறந்து வையுங்கள்.+உண்மையோடு நடந்துகொள்ளும் ஜனம் உள்ளே வரட்டும்.
3 கடவுளே, உங்களை முழுமையாகச் சார்ந்திருக்கிறவர்களை* நீங்கள் பாதுகாப்பீர்கள்.அவர்களை எப்போதும் சமாதானத்தோடு வாழ வைப்பீர்கள்.+ஏனென்றால், அவர்கள் உங்கள்மேல் நம்பிக்கை வைத்திருக்கிறார்கள்.+
4 யெகோவாமேல் என்றென்றும் நம்பிக்கை வையுங்கள்.+யா* யெகோவாதான் என்றென்றுமுள்ள கற்பாறை போன்றவர்.+
5 ஆணவமும் அகங்காரமும் பிடித்த நகரத்தை அவர் தாழ்த்துகிறார்.
அதைக் கீழே தள்ளுகிறார்.தரைவரைக்கும் தாழ்த்துகிறார்.மண்ணோடு மண்ணாக்குகிறார்.
6 ஏழைகளின் கால்களும்,எளியவர்களின் பாதங்களும் அதை மிதித்துப்போடும்.”
7 நீதிமானின் பாதை நேர்மையான பாதை.
நீங்கள் அதை மேடுபள்ளங்கள் இல்லாத சமமான பாதையாக்குவீர்கள்.ஏனென்றால், நீங்கள் நேர்மையானவர்.
8 யெகோவாவே, உங்கள்மேல் நம்பிக்கை வைத்துஉங்களுடைய நீதியான வழிகளில் நடக்கிறோம்.
உங்கள் பெயரும் உங்களைப் பற்றிய நினைவும் எங்கள் நெஞ்சில் நிறைந்திருக்கிறது.*
9 என் உள்ளம் ராத்திரியில் உங்களை நினைத்து ஏங்குகிறது.உங்களைத் தேடிக்கொண்டே இருக்கிறது.+இந்தப் பூமியை நீங்கள் நியாயந்தீர்க்கும் சமயங்களில்ஜனங்கள் நீதியைக் கற்றுக்கொள்கிறார்கள்.+
10 கெட்டவனுக்குக் கருணை காட்டினாலும்அவன் நீதியைக் கற்றுக்கொள்ள மாட்டான்.+
நேர்மையானவர்கள் வாழ்கிற தேசத்திலும் அவன் அக்கிரமம் செய்வான்.+யெகோவாவின் மகிமையை அவன் உணர மாட்டான்.+
11 யெகோவாவே, நீங்கள் எதிரிகளின் மேல் கையை ஓங்கியிருக்கிறீர்கள்; அவர்கள் அதைப் பார்ப்பதில்லை.+
உங்களுடைய ஜனங்கள்மேல் நீங்கள் காட்டும் அளவுகடந்த அன்பை அவர்கள் பார்த்து வெட்கப்பட்டுப்போவார்கள்.
உங்களுடைய கோபத் தீ உங்கள் எதிரிகளைப் பொசுக்கிவிடும்.
12 யெகோவாவே, எங்களை நீங்கள் சமாதானமாக வாழ வைப்பீர்கள்.+நாங்கள் எதையுமே சொந்தமாகச் சாதிக்கவில்லை,நீங்கள்தான் எல்லாவற்றையும் சாதிக்க வைத்தீர்கள்.
13 எங்கள் கடவுளான யெகோவாவே, மற்ற எஜமான்களும் எங்களை ஆட்சி செய்திருக்கிறார்கள்.+ஆனால், உங்களுடைய பெயரை மட்டுமே நாங்கள் புகழ்கிறோம்.+
14 அவர்கள் செத்துவிட்டார்கள், உயிர்பெற மாட்டார்கள்.
செயலிழந்து கிடக்கிறார்கள், எழுந்திருக்க மாட்டார்கள்.+
நீங்கள் அவர்களைத் தண்டித்து அழித்துவிட்டீர்கள்.அவர்களுடைய பெயர்கூட அழிந்துபோகும்படி செய்துவிட்டீர்கள்.
15 யெகோவாவே, நீங்கள் இந்த ஜனங்களைப் பெருக வைத்தீர்கள்.இந்த ஜனங்களைப் பெருக வைத்தீர்கள்.உங்களையே மகிமைப்படுத்தினீர்கள்.+
தேசத்தின் எல்லைகளை நாலாபக்கமும் விரிவாக்கினீர்கள்.+
16 யெகோவாவே, கஷ்டத்தில் தவிக்கும்போது அவர்கள் உங்களைத் தேடினார்கள்.அவர்களை நீங்கள் கண்டித்தபோது அமைதியாகவும் உருக்கமாகவும் ஜெபம் செய்தார்கள்.+
17 யெகோவாவே, ஒரு கர்ப்பிணி பிரசவ வேதனைப்படுவது போல,வலியில் கதறுவது போல,எங்களைக் கதற வைத்துவிட்டீர்கள்.
18 நாங்கள் கர்ப்பமானோம்,பிரசவ வேதனையில் துடித்தோம்.
ஆனால், வெறும் காற்றைப் பெற்றெடுத்தோம்.தேசத்தை நிரப்ப எங்களுக்குப் பிள்ளைகள் பிறக்கவில்லை.
எங்களால் தேசத்தைக் காப்பாற்ற முடியவில்லை.
19 கடவுள் இப்படிச் சொல்கிறார்: “உங்களுடைய ஜனங்களில் இறந்தவர்கள் உயிர்பெறுவார்கள்.
என்னுடைய ஜனங்களில் இறந்தவர்கள் எழுந்திருப்பார்கள்.+
மண்ணுக்குள் இருப்பவர்களே,+எழுந்து சந்தோஷத்தில் பாடுங்கள்!
உங்களுடைய பனி விடியற்கால* பனியைப் போல இருக்கிறது.செத்துக் கிடப்பவர்களைப் பூமி உயிரோடு எழுப்பும்.*
20 என் ஜனங்களே, உங்களுடைய உள்ளறைகளுக்குப் போங்கள்.கதவுகளை அடைத்துக்கொள்ளுங்கள்.+
கடவுளுடைய கோபம் தீரும்வரைகொஞ்ச நேரத்துக்கு ஒளிந்துகொள்ளுங்கள்.+
21 இதோ, யெகோவா புறப்பட்டு வருகிறார்.ஜனங்கள் செய்த குற்றங்களுக்குத் தண்டனை கொடுக்க வருகிறார்.தேசத்தில் இரத்தம் சிந்தப்பட்டதைத் தேசமே காட்டிக்கொடுக்கும்.கொல்லப்பட்டவர்களை இனியும் மூடி மறைக்காது.”
அடிக்குறிப்புகள்
^ அல்லது, “கடவுளே, மன உறுதியோடு இருப்பவர்களை.”
^ “யா” என்பது யெகோவா என்ற பெயரின் சுருக்கம்.
^ அதாவது, “கடவுளையும் அவருடைய பெயரையும் நினைத்துப் பார்க்கவும் அதை மற்றவர்களுக்குத் தெரியப்படுத்தவும் ஆசையாக இருக்கிறோம்.”
^ அல்லது, “செடிகளின் மேலுள்ள.”
^ வே.வா., “செத்து செயலிழந்து போனவர்களைப் பூமி பெற்றெடுக்கும்.”
