ஓசியா 2:1-23
2 “‘என் ஜனங்களே!’*+ என்று உன் சகோதரர்களிடம் சொல்,
‘இரக்கம் காட்டப்பட்ட பெண்களே!’*+ என்று உன் சகோதரிகளிடம் சொல்.
2 உன் தாய்மேல் குற்றம்சுமத்து, அவளைக் குற்றம்சாட்டு.அவள் என் மனைவியும் அல்ல,+ நான் அவளுடைய கணவனும் அல்ல.
அவள் விபச்சாரம் செய்வதை விட்டுவிட வேண்டும்,துரோகம் செய்வதை நிறுத்திவிட வேண்டும்.
3 இல்லாவிட்டால், அவளைப் பிறந்த மேனியாக்கி அசிங்கப்படுத்துவேன்.அவளைப் பாலைவனம் போலாக்குவேன்,தண்ணீரில்லாத தேசமாக்குவேன்,தாகத்தால் சாகடிப்பேன்.
4 அவளுடைய மகன்களுக்கு இரக்கம் காட்ட மாட்டேன்,அவர்கள் விபச்சாரத்தால் பிறந்தவர்கள்.
5 அவர்களுடைய தாய் விபச்சாரம் செய்தாள்.+
அவர்களை வயிற்றில் சுமந்தவள் வெட்கங்கெட்டு நடந்தாள்.+‘என் ஆசைக் காதலர்களின் பின்னால் போவேன்,+அவர்கள்தான் உணவும் தண்ணீரும் கொடுக்கிறார்கள்,கம்பளி உடையும் நாரிழை* உடையும் எண்ணெயும் பானமும் தருகிறார்கள்’ என்று அவள் சொன்னாள்.
6 அதனால் அவள் போகும் பாதையை முள்ளால் அடைப்பேன்.அவளுக்கு எதிரில் கற்சுவரை எழுப்புவேன்.வழி கண்டுபிடிக்க முடியாமல் அவள் திணறுவாள்.
7 ஆசைக் காதலர்களின் பின்னால் ஓடுவாள், ஆனால் அவர்களை அடைய முடியாது.+அவர்களைத் தேடிப் பார்ப்பாள், கண்டுபிடிக்க முடியாது.
உடனே, ‘என் கணவரிடமே* திரும்பிப் போகிறேன்,+அவரோடு வாழ்ந்தபோது நன்றாக இருந்தேனே’ என்பாள்.+
8 அவளுக்குத் தானியத்தையும் புதிய திராட்சமதுவையும் எண்ணெயையும் தந்தேன்.வெள்ளியையும் தங்கத்தையும் அள்ளிக் கொடுத்தேன்.இதை உணராமல் பாகாலின் வணக்கத்துக்கு அவற்றைப் பயன்படுத்தினாள்.+
9 ‘இனி எதையும் கொடுக்க மாட்டேன்.என் தானியத்தை அதன் அறுவடைக் காலத்திலும்,என்னுடைய புதிய திராட்சமதுவை அதன் பருவகாலத்திலும் எடுத்துக்கொள்வேன்.+அவள் உடலை மறைக்க நான் கொடுத்த கம்பளி, நாரிழை உடைகளைப் பிடுங்கிக்கொள்வேன்.
10 அவளுடைய ஆசைக் காதலர்களின் கண் முன்னால் அவளை நிர்வாணமாக்குவேன்.என் கையிலிருந்து யாராலும் அவளைக் காப்பாற்ற முடியாது.+
11 அவளுடைய எல்லா கொண்டாட்டத்துக்கும் முடிவுகட்டுவேன்.பண்டிகைகளையும்,+ மாதப் பிறப்புகளையும்,* ஓய்வுநாட்களையும், விழாக்களையும் ஒழித்துக்கட்டுவேன்.
12 அவளுடைய திராட்சைக் கொடிகளையும் அத்தி மரங்களையும் பாழாக்குவேன்.
“இவை என் ஆசைக் காதலர்கள் கொடுத்த கூலி” என்று சொன்னாள்.அவற்றைக் காடாக மாற்றிவிடுவேன்.காட்டு மிருகங்கள் அவற்றைத் தின்றுதீர்க்கும்.
13 திருவிழா நாட்களில் பாகால் சிலைகளுக்கு அவள் பலிகள் செலுத்தினாள்.+வளையங்களையும் நகைகளையும் போட்டுக்கொண்டு ஆசைக் காதலர்கள் பின்னால் ஓடினாள்.ஆனால் என்னை மறந்துவிட்டாள்.+
இதற்கெல்லாம் அவள் பதில் சொல்ல வேண்டும்’ என்று யெகோவா சொல்கிறார்.
14 ‘அவளுக்கு நியாயத்தை எடுத்துச் சொல்வேன்.வனாந்தரத்துக்குக் கூட்டிக்கொண்டு போவேன்.பக்குவமாகப் பேசி அவளுடைய இதயத்தை வெல்வேன்.
15 பின்பு, அவளுடைய திராட்சைத் தோட்டங்களைத் திரும்பக் கொடுப்பேன்.+ஆகோர் பள்ளத்தாக்கை+ நம்பிக்கையின் வாசலாக்குவேன்.இளவயதில் என்னிடம் பேசியதுபோல் அவள் அங்கே பேசுவாள்.எகிப்திலிருந்து வந்த நாளில் பதிலளித்ததுபோல் பதிலளிப்பாள்.+
16 அந்த நாளிலிருந்து, “என் கணவனே!” என்று என்னைக் கூப்பிடுவாள்.“என் தலைவனே!”* என்று கூப்பிட மாட்டாள்’ என யெகோவா சொல்கிறார்.
17 ‘பாகாலின் பெயர்களை அவள் வாயால் உச்சரிக்காதபடி செய்துவிடுவேன்.+அவற்றை அவள் நினைவிலிருந்து நீக்கிவிடுவேன்.+
18 அந்த நாளில், என் ஜனங்களுக்காகக் காட்டு மிருகங்களோடும்,+வானத்துப் பறவைகளோடும், ஊரும் பிராணிகளோடும் ஒரு ஒப்பந்தம் செய்வேன்.+தேசத்திலிருந்து வில்லையும் வாளையும் போரையும் ஒழித்துக்கட்டுவேன்.+அவர்களைப் பாதுகாப்பாகப் படுத்துக்கொள்ள* செய்வேன்.+
19 உன்னுடன் நிரந்தரமான திருமண ஒப்பந்தம் செய்துகொள்வேன்.நீதிநியாயத்தோடும் மாறாத அன்போடும் இரக்கத்தோடும்+உன்னுடன் திருமண நிச்சயம் செய்துகொள்வேன்.
20 உண்மையோடு உன்னுடன் திருமண நிச்சயம் செய்துகொள்வேன்.அப்போது, கண்டிப்பாக யெகோவாவாகிய என்னைப் புரிந்துகொள்வாய்.’+
21 யெகோவா சொல்வது இதுதான்:‘அந்த நாளில் நான் வானத்தின் கோரிக்கையை நிறைவேற்றுவேன்.வானமோ பூமியின் கோரிக்கையை நிறைவேற்றும்.+
22 பூமியோ தானியம், புதிய திராட்சமது, எண்ணெய் ஆகியவற்றின் கோரிக்கையை நிறைவேற்றும்.இவையோ யெஸ்ரயேலின்*+ கோரிக்கையை நிறைவேற்றும்.
23 நான் எனக்காக அவளைப் பூமியில் விதை போல விதைப்பேன்.+இரக்கம் காட்டப்படாத* அவளுக்கு இரக்கம் காட்டுவேன்.என்னுடைய ஜனங்களாக இல்லாதவர்களிடம்,* “நீங்கள் என் ஜனங்கள்” என்று சொல்வேன்.+
அவர்கள், “நீங்கள் எங்களுடைய கடவுள்”+ என்று சொல்வார்கள்’” என்றார்.
அடிக்குறிப்புகள்
^ ஓசி 1:9-ன் அடிக்குறிப்பைப் பாருங்கள்.
^ ஓசி 1:6-ன் அடிக்குறிப்பைப் பாருங்கள்.
^ அதாவது, “லினன்.”
^ வே.வா., “முதல் கணவரிடமே.”
^ வே.வா., “முதலாம் பிறையையும்.”
^ வே.வா., “என் பாகாலே!”
^ வே.வா., “வாழ.”
^ அர்த்தம், “கடவுள் விதை விதைப்பார்.”
^ ஓசி 1:6-ன் அடிக்குறிப்பைப் பாருங்கள்.
^ ஓசி 1:9-ன் அடிக்குறிப்பைப் பாருங்கள்.
