சங்கீதம் 114:1-8
114 இஸ்ரவேலர்கள் எகிப்தைவிட்டுப் புறப்பட்டபோது,+யாக்கோபின் வம்சத்தார் வேறு மொழி பேசுகிற மக்களைவிட்டுப் புறப்பட்டபோது,
2 யூதா, கடவுளுடைய பரிசுத்த இடமாக ஆனது.இஸ்ரவேல் அவருடைய ராஜ்யமாக ஆனது.+
3 கடல் அதைப் பார்த்து விலகி ஓடியது.+யோர்தான் திரும்பி ஓடியது.+
4 மலைகள் செம்மறியாட்டுக் கடாக்களைப் போலத் துள்ளின.+குன்றுகள் செம்மறியாட்டுக் குட்டிகளைப் போலத் துள்ளின.
5 கடலே, நீ ஏன் விலகி ஓடினாய்?+
யோர்தானே, நீ ஏன் திரும்பிப்போனாய்?+
6 மலைகளே, நீங்கள் ஏன் செம்மறியாட்டுக் கடாக்களைப் போலத் துள்ளினீர்கள்?குன்றுகளே, நீங்கள் ஏன் செம்மறியாட்டுக் குட்டிகளைப் போலத் துள்ளினீர்கள்?
7 பூமியே, எஜமானுக்கு முன்னால் நடுநடுங்கு.யாக்கோபின் கடவுளுக்கு முன்னால் நடுநடுங்கு.+
8 பாறையை நாணற்புல் நிறைந்த குளமாக அவர் மாற்றுகிறார்.கற்பாறையை நீரூற்றுகளாக மாற்றுகிறார்.+
