சங்கீதம் 129:1-8
-
தாக்கப்பட்டாலும் தோற்கடிக்கப்படுவதில்லை
-
சீயோனை வெறுக்கிறவர்களுக்குத் தலைகுனிவு (5)
-
நகரத்துக்கு ஏறிப்போகிறவர்கள் பாடுகிற பாடல்.
129 “என் சிறுவயதிலிருந்தே எதிரிகள் என்னைத் தாக்கிக்கொண்டு இருக்கிறார்கள்”+
—இஸ்ரவேலர்களே, எல்லாரும் சொல்லுங்கள்—
2 “என் சிறுவயதிலிருந்தே எதிரிகள் என்னைத் தாக்கிக்கொண்டு இருக்கிறார்கள்.+ஆனாலும், அவர்களால் என்னைத் தோற்கடிக்க முடியவில்லை.+
3 உழுகிறவர்கள் என் முதுகில் உழுது,+நீளமான பள்ளங்களை உண்டாக்கினார்கள்.”
4 ஆனால், யெகோவா நீதியுள்ளவர்.+பொல்லாதவர்களின் கயிறுகளை அவர் அறுத்துவிட்டார்.+
5 சீயோனை வெறுக்கிற எல்லாருக்கும் தலைகுனிவு ஏற்படும்.அவர்கள் அவமானத்தில் பின்வாங்குவார்கள்.+
6 அவர்கள் கூரையில் முளைக்கிற புல்லைப் போல ஆவார்கள்.அது பிடுங்கப்படுவதற்கு முன்பே காய்ந்துபோகும்.
7 அறுக்கிறவனின் கைக்கு ஒரு பிடிகூட கிடைக்காது.கதிர்க்கட்டுகளைச் சேகரிக்கிறவனின் கைக்கு ஒரு கட்டுகூட சேராது.
8 வருவோர் போவோர் யாருமே,
“யெகோவா உங்களை ஆசீர்வதிக்கட்டும்;யெகோவாவின் பெயரில் உங்களை ஆசீர்வதிக்கிறோம்” என்று சொல்ல மாட்டார்கள்.