மிகுந்த உபத்திரவம் எப்போது வேண்டுமானாலும் வரலாம். அதனால், கடவுளுடைய அரசாங்கத்தைப் பற்றி மக்களிடம் நாம் சுறுசுறுப்பாக சொல்ல வேண்டும். (நீதி 24:11, 12, 20) பைபிளை பற்றியும் நம்முடைய வெப்சைட்டை பற்றியும் மக்களுக்கு சொல்ல கான்டாக்ட் கார்டுகளை நாம் பயன்படுத்தலாம். பைபிளை ஏன் படிக்க வேண்டும்? என்ற வீடியோவை நம் வெப்சைட்டில் பார்ப்பதற்கு இந்த கார்டில் ஸ்கேன் கோடு இருக்கிறது. ஆர்வம் காட்டுகிறவர்களுக்கு நாம் பைபிள் படிப்பு நடத்துகிறோம் என்ற தகவலும் இருக்கிறது. சிலர் நம்முடைய பிரசுரங்களை வாங்க விரும்பாவிட்டாலும் நம்முடைய வெப்சைட்டை பார்க்க விரும்புகிறார்கள். அப்படிப்பட்டவர்களுக்கு கான்டாக்ட் கார்டை கொடுங்கள். ஆனால், ஆர்வமாக கேட்காதவர்களுக்கு அதை கொடுக்காதீர்கள்.

அன்றாட வாழ்க்கையில் நாம் சந்திக்கும் ஆட்களிடம் கான்டாக்ட் கார்டை பயன்படுத்தி சுலபமாக பேசலாம். நாம் அவர்களிடம், “உங்களுக்கு இந்த கார்ட கொடுக்க ஆசப்படுறேன். இந்த கார்டுல சொல்லியிருக்க வெப்சைட்ட நீங்க பாருங்க. அதுல உங்களுக்கு பிரயோஜனமான நிறைய விஷயங்களும் வித்தியாசமான தலைப்புகள்ல வீடியோக்களும் இருக்கு” என்று சொல்லலாம். (யோவா 4:7) இந்த கான்டாக்ட் கார்டுகள் சின்னதாக இருப்பதால் எப்போதும் சிலவற்றை உங்களோடு வைத்துக்கொள்ளுங்கள். சந்தர்ப்பம் கிடைக்கும்போதெல்லாம் அதை பயன்படுத்துங்கள்.