ஒரு விளையாட்டு வீரருக்கு வெற்றி கிடைக்க வேண்டுமென்றால், அவர் தொடர்ந்து உடற்பயிற்சி செய்ய வேண்டும். அதேபோல், பகுத்தறியும் திறன்களை நாம் நன்றாகப் பயன்படுத்த வேண்டுமென்றால் தொடர்ந்து பயிற்சி செய்துகொண்டே இருக்க வேண்டும். (எபி 5:14) பொதுவாக, மற்றவர்கள் என்ன முடிவுகளை எடுத்திருக்கிறார்களோ அதே முடிவை எடுக்கலாம் என்ற எண்ணம் நமக்கு வரலாம். ஆனால், பகுத்தறியும் திறன்களைப் பயன்படுத்தி நாமாகவே முடிவுகளை எடுக்க வேண்டும். ஏனென்றால், நாம் எடுக்கும் ஒவ்வொரு முடிவுக்கும் கடவுளிடம் கணக்குக் கொடுக்க வேண்டும்.—ரோ 14:12.

நாம் ரொம்ப வருஷங்களாக யெகோவாவின் சாட்சிகளாக இருக்கிறோம் என்பதற்காக நல்ல முடிவுகளை எடுத்துவிடுவோம் என்று சொல்லிவிட முடியாது. ஞானமான முடிவுகளை எடுக்க, யெகோவாவையும் பைபிளையும் அமைப்பையும் முழுமையாக நம்பியிருக்க வேண்டும்.—யோசு 1:7, 8; நீதி 3:5, 6; மத் 24:45.

“நல்ல மனசாட்சியோடு இருங்கள்” என்ற வீடியோவைப் பார்த்துவிட்டு இந்தக் கேள்விகளுக்குப் பதில் சொல்லுங்கள்:

• எதைப் பற்றி எம்மா முடிவு எடுக்க வேண்டியிருந்தது?

• மனசாட்சியின் அடிப்படையில் ஒருவர் முடிவெடுக்கும் சூழ்நிலையில், நாம் ஏன் நம்முடைய கருத்துகளை அவரிடம் சொல்லக் கூடாது?

• ஒரு கணவனும் மனைவியும் எம்மாவுக்கு என்ன ஆலோசனை கொடுத்தார்கள்?

• சரியான முடிவை எடுப்பதற்கு, எங்கிருக்கும் தகவல் எம்மாவுக்கு உதவியாக இருந்தது?