இஸ்ரவேலில் ஆலயத்தைக் கட்ட கடின உழைப்பும் பணமும் தேவைப்பட்டது. இஸ்ரவேலர்கள் அந்த வேலைக்கு முழு ஆதரவு கொடுத்தார்கள். (1நா 29:2-9; 2நா 6:7, 8) ஆலயத்தைக் கட்டி முடித்த பிறகு, யெகோவாவுடைய வணக்கத்தை மதித்தவர்கள் அதை நன்றாக பராமரித்தார்கள். (2இரா 22:3-6; 2நா 28:24; 29:3) இன்றும், ராஜ்ய மன்றங்களையும் மாநாட்டு மன்றங்களையும் கட்ட, சுத்தம் செய்ய, பராமரிக்க நிறையப் பேர் நேரத்தையும் சக்தியையும் தாராளமாக பயன்படுத்துகிறார்கள். இப்படி யெகோவாவோடு சேர்ந்து வேலை செய்வது நமக்கு கிடைத்த மிகப்பெரிய வாய்ப்பு. இதுவும் பரிசுத்த சேவைதான். இதை நாம் உயர்வாக மதிக்க வேண்டும்.—சங் 127:1; வெளி 7:15.

• கூட்டம் முடிந்த பின்பு எல்லாவற்றையும் சுத்தமாக வைக்க உதவுங்கள். உங்களால் அதிகம் செய்ய முடியாவிட்டாலும், நீங்கள் உட்கார்ந்த இடத்தை சுற்றியாவது சுத்தம் செய்யுங்கள்.

• ராஜ்ய மன்றத்தை ஒவ்வொரு வாரமும் அல்லது மாதமும் சுத்தம் செய்ய, பராமரிக்க உதவுங்கள். நிறையப் பேர் சேர்ந்து வேலை செய்யும்போது வேலை செய்யும் கஷ்டமே தெரியாது. சந்தோஷமாகவும் இருக்கும்.—lv பக். 105 பாரா 18.

• பணம் கொடுத்து உதவுங்கள். நாம் முழு மனதோடு “இரண்டு சிறிய காசுகளை” கொடுத்தாலும் அது யெகோவாவுடைய மனதை சந்தோஷப்படுத்தும்.—மாற் 12:41-44.

• யெகோவாவுடைய சேவைக்காக பயன்படுத்தும் இடங்களை கட்டுவதற்கும் புதுப்பிப்பதற்கும் உங்களால் முடிந்ததை செய்யுங்கள். இதில் உங்களுக்கு முன் அனுபவம் இல்லை என்றாலும் இந்த வேலைக்கு உதவலாம்.